Ane Nauta

Ut Wikipedy
Jump to navigation Jump to search

Ane Nauta (Hilaard, doe yn Baarderadiel, 21 oktober 1882 - Ljouwert, 9 april 1946) wie in arsjitekt fan skoallen, pleatsen en wenhuzen.

Hy makke namme as boumaster fan grifformearde tsjerken yn Fryslân. As soan fan arsjitekt-oannimmer Wybe Thomas Nauta en Trijntje Sytses Douma learde er it fak yn de praktyk yn Hilaard. Hy wie opsichter by de bou fan de grifformearde tsjerke fan Winterswyk (1905), dy't ûntwurpen wie troch arsjitekt Tjeerd Kuipers. Yn dy syn styl ûntwurp Ane Naute de grifformearde Stedsleanetsjerke yn Drylts (1910), de tsjerke fan Lollum (1916) en Raard (1916) en Ternaard (1921).

Oant 1920 wie Nauta gemeente-arsjitekt fan Westdongeradiel. Fernijend wie er mei de bou fan de grifformearde tsjerke op It Hearrenfean, ien fan de earste twa betonnen tsjerkegebouwen (de oare stiet op De Tynje).
Hy ûntwikkele in eigen styl dy't te herkennen is oan de grifformearde tsjerken fan De Jouwer (1922), Wâlterswâlde-Driesum (1923), Wolvegea (1923), Mearum (1924), Tsjummearum (1924), Nes (Dongeradiel) (1925), Wurdum (1925) en Dokkum (de Noardertsjerke en Eastertsjerke). Wat minder oermjittich binne de tsjerken yn Bitgummole (1925), Ljussens (1927) en Seisbierrum (1927). Yn meardere plakken wie it yn inoar opgean fan ôfskiedenen en dolearjenden reden foar nijbou fan de tsjerke, lykas yn Dokkum, Sint-Anne (1926) en Boalsert (1929).

Wurk (karút)[bewurkje seksje | boarne bewurkje]

Jier Plak Wurk Bysûnderheden Ofbyld
1911 Drylts Stedsleanetsjerke Oargel is ryksmonumint IJlst, Stadslaankerk foto1 2011-04-25 10.07.JPG
1913 Aalten Eastertsjerke Aalten (Gld, NL) Oosterkerk, frontview.JPG
1915 Lollum Grifformearde tsjerke Lollum, grifformearde tsjerke.jpg
1918 Raard Marthatsjerke Raard - Martha kerk-001.JPG
1921 It Hearrenfean Krústsjerke Kruiskerk van Heerenveen 01.JPG
1921 De Jouwer Grifformearde tsjerke Sloopt yn 1984 De Jouwer grifformearde tsjerke Hurddraversdyk yn 1930.jpg
1921 Ternaard Grifformearde tsjerke
1922 Wâlterswâld Grifformearde tsjerke Grifformearde tsjerke fan Wâlterswâld.jpg
1923 Marrum Grifformearde tsjerke Sloopt
1924 Tsjummearum Grifformearde tsjerke
1925 Bitgummole Grifformearde tsjerke Bitgummole, Grifformearde tsjerke.jpg
1925 Dokkum Noardertsjerke Sloopt
1925 Wurdum Unitastsjerke
1925 Wolvegea Ichtustsjerke
1925 Kollumersweach Grifformearde tsjerke Kollumersweach, Grifformearde tsjerke.jpg
1926 Dokkum Eastertsjerke
1926 Nes (Dongeradiel) Grifformearde tsjerke Nes, De Hoekstien.jpg
1926 Sint Anne Grifformearde Gideontsjerke Grifformearde tsjerke fan Sint Anne.jpg
1927 Ljussens Grifformearde tsjerke Dongeradiel Ljussens Geref Tsjerke.JPG
1928 Seisbierrum Grifformearde tsjerke 2011-07 Sexbierum 04.jpg
1929 Boalsert Gasthûstsjerke (Grifformeard) Overzicht zuidwestgevel met dakruiter - Bolsward - 20345944 - RCE.jpg

Boarnen, noaten en referinsjes[boarne bewurkje]

Boarnen, noaten en/as referinsjes: