Krústsjerke (It Hearrenfean)

Ut Wikipedy
Krústsjerke
Lokaasje
provinsje Fryslân
plak It Hearrenfean
adres Boarg. Falkenawei 12
koördinaten 52° 57' N 5° 55' E
Tsjerklike gegevens
tsjerkegenoatskip Grifformearde tsjerke
status Sûnt 2012 bûten gebrûk;
ferboud ta apparteminten.
Arsjitektuer
arsjitekt Ane Nauta
boujier 1921
boustyl Rasjonalisme
Kaart
Krústsjerke (It Hearrenfean)
Krústsjerke

De Krústsjerke is in T-foarmich tsjerkegebou oan 'e Boargemaster Falkenawei, dy't oarspronklik foar de Grifformearde tsjerke fan It Hearrenfean boud waard.

Skiednis[bewurkje seksje | boarne bewurkje]

Betinkingsstien.

Yn 'e 19e iuw bleau de Grifformearde tsjerke op It Hearrenfean groeien. Om't de besteande tsjerke te lyts wurden wie, waard yn it begjin fan 'e 20e iuw besletten ta nijbou. Troch arsjitekt Ane Nauta, in eardere meiwurker fan Tjeerd Kuipers, waard in ûntwerp yn rasjonalistyske styl makke. Op 3 jannewaris 1921 waard troch dûmny Hummelen de earste stien lein foar de yn wapene beton boude tsjerke. De tsjerke waard yn 1963 restaurearre.

Yn it ramt fan 'e nijbou fan it tsjerklike sintrum Trinitas yn 2011-2012 waard de Krústsjerke tegearre mei de Tsjerke oan de Fok troch de protestantske wykgemeente yn 'e ferkeap dien.[1]

Op It Hearrenfean stie ek de (herfoarme) Skoatterlânske krústsjerke út 1637 oan 'e eastkant fan 'e Hearresleat[2]. Dy tsjerke waard nei in brân yn 1969 sloopt.

Oargel[bewurkje seksje | boarne bewurkje]

It oargel fan 'e Krústsjerke stamde út 1959 en waard troch de firma J. Reil út Heerde boud. By de bou fan it ynstrumint brûkte Reil âlder materjaal fan it earste oargel fan Rohlfing út 1921. It oargel bleau bewarre foar It Hearrenfean en is troch de bruorren Reil út de Krústsjerke ferwidere en yn 'e nije Trinitastsjerke nei in renovaasje wer opboud.

Sjoch ek[bewurkje seksje | boarne bewurkje]

Keppeling om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes: