Trinitas (It Hearrenfean)

	Trinitas
	Lokaasje
provinsje	Fryslân
plak	It Hearrenfean
adres	C. van Scheltingawei 1
koördinaten	52° 57' N 5° 55' E
	Tsjerklike gegevens
tsjerkegenoatskip	PKN
	Arsjitektuer
boujier	2012
	Webside
	Side PKN It Hearrenfean
	Kaart
	;

Trinitas is de namme fan in tsjerklik sintrum oan 'e Coehoorn van Scheltingawei op It Hearrenfean. De tsjerke is ien fan 'e trije PKN-tsjerken yn It Hearrenfean .

Skiednis[bewurkje seksje | boarne bewurkje]

Yn 2011 waard útein set mei de ferbouwing en ôfbraak (foar in part) fan 'e besteande en eardere grifformearde Jeropaleanetsjerke ta in tsjerklik sintrum. Yn septimber 2010 waard der dêrom foar it lêst in tsjerketsjinst holden. Tagelyk waard oan it tsjerklik sintrum in grutte, nije tsjerke boud. By de feroarings bleau de 25 meter hege betonnen klokketoer stean. Op 3 juny 2012 waard de tsjerke wer yn gebrûk nommen.

Yn 'e tsjerke is plak foar 650 minsken. Op 'e galerij is nochris in útwreiding fan 80 sitplakken mooglik.

Nei de foltôging fan 'e nije tsjerke waarden de Krústsjerke en de Tsjerke oan de Fok troch de tsjerklike gemeente ôfstjitten en yn 'e ferkeap dien.

De tsjerke kin ek ferhierd wurde foar kulturele saken.

Oargel[bewurkje seksje | boarne bewurkje]

It oargel foar de tsjerke stamt út de sletten Krústsjerke en waard yn 1959 troch de firma Reil út Heerde boud. Reil brûkte dêrby piipwurk fan it âldere oargel fan 'e bruorren Rohlfing út Osnabrück út 1922. It ferhûze yn 2012 nei de nije tsjerke. Tagelyk mei de ferhûzing fûn in renovaasje en in technyske ferbettering plak.