Winterswyk

	Winterswyk ; Winterswyk
	Sicht op it Winterswyk
	Emblemen
	Sifers
Ynwennertal	29.250 (31 jannewaris 2023)
Oerflak	138,82 km²
Befolkingsticht.	212 / km²
	Polityk
Lân	Nederlân
Provinsje	Gelderlân
Boargemaster	Joris Bengevoord (GrienLinks)
	Oar
Ferkearsieren	N312 N318 N319 N820
Postkoade	7100-7109, 7113, 7115, 7119
Tiidsône	UTC +1
Simmertiid	UTC +2
Koördinaten	51° 58' NB, 6° 43' EL
	It âlde gemeentehûs fan Winterswyk
	Lizzing fan de gemeente Winterswyk
	Offisjele webside
	Webstee fan de gemeente
	Kaart
	;
	Kaart
	Kaart fan de gemeente Winterswyk

Winterswyk (Nederlânsk en offisjeel Winterswijk ( útspraak) (Nedersaksysk: Wenters of Wenterswiek) is in plak en gemeente yn it meast eastlike part fan de Achterhoeke yn de Nederlânske provinsje Gelderlân. De kearn Winterwsyk is it haadplak fan de gemeente. De gemeente hat 29.250 ynwenners (31 jannewaris 2023, boarne: CBS).

Namme[bewurkje seksje | boarne bewurkje]

Yn histoaryske dokuminten wurdt Winterswyk oantsjutten mei ûnder oare de folgjende nammen: Winethereswick, Winriswic, Winterswich, Wennerswiche, Winrichwich, Wynreswick, Wentersick, Wenterswick en Wenterwic. De namme Winterswyk komt fan it Germaanske Winidaharis Wika, wat dochterdelsettings fan Winidahari betsjutte.^[1]

Geografy[bewurkje seksje | boarne bewurkje]

De gemeente Winterswyk leit yn it easten fan Gelderlân yn de krite Achterhoeke en grinzget foar in grut part oan Dútsklân. De gemeente bestiet út de kearn Winterswyk en in grut bûtengebiet dy't troch njoggen buorskippen foarme wurdt. Mei de klok mei binne dat de folgjende buorskippen mei befolkingstal tusken heakjes: Miste (649) en Corle (263), Meddo (1.438), Huppel (408), Henxel (292), Ratum (379), Kotten (715), Brinkheurne (279), het Woold (882). Meddo hat as iennige fan de buorskippen in doarpskearn mei noch guon foarsjennings en in roomsk-katolike tsjerke, de Jehannes de Dopertsjerke.

De omkriten fan Winterswyk is ferneamd om syn kûlissegea en de stiengat mei fossile oerbliuwsel. Dêr binne guon beekbêden fan it Juera-tiidrek. Oan de ein fan it Tertiêr, likernôch 1 miljoen jier ferlyn, stie krapoan gâns Nederlân ûnder wetter. Tegearre mei Súd-Limburch bleau Winterswyk boppe wetter, dochs hat Winterswyk ea ûnder seenivo lein. Op 3 maaie 1922 waard by boarings om Winterswyk hinne stiensâlt fûn.

De omkriten fan Winterswyk waard yn 2005 troch de Nederlânske oerheid ta Nasjonaal Lânskip Winterswyk, in gea fan likernôch 22.000 bunder grut, útroppen.