Teatertsjerke (Nes)

Ut Wikipedy
Jump to navigation Jump to search
Teatertsjerke
Nes, De Hoekstien.jpg
lokaasje
lân Flag of the Netherlands.svg Nederlân
provinsje Frisian flag.svg Fryslân
gemeente Coat of arms of Dongeradeel.svg Dongeradiel
plak Nes (Dongeradeel) wapen.svg Nes
bysûnderheden
type bouwurk oarspronklik tsjerke
boujier 1925-1926
arsjitekt Ane Nauta
webside Facebook-side Teatertsjerke

De Teatertsjerke (foarhinne De Hoekstien) is de eardere tsjerke fan de grifformearde gemeente yn Nes-Dongeradiel.

Skiednis[bewurkje seksje | boarne bewurkje]

Op 22 juny 1925 waard de earste stien lein foar in nije tsjerke foar de grifformearde gemeente fan Nes. It ûntwerp fan de tsjerke is ôfkomstich fan Ane Nauta.

Nei de fúzje mei de herfoarmen yn 2012 krige de tsjerke de namme "De Hoekstien". De PKN-gemeente Nes-Wierum hie doe trije gebouwen. It die bliken dat dat tefolle wie en de grifformearde tsjerke fan Nes waard ôfstjitten. De grifformearde tsjerke fan Wierum wie al earder yn 2003 ferkocht. Op snein 19 febrewaris 2017 waard de lêste tsjinst yn De Hoekstien fierd.

It oansjen fan de eardere grifformearde tsjerke bliuwt mei de nije bestimming bewarre. De liturgyske foarwerpen binne troch de tsjerklike gemeente meinommen. Yn de tsjerke is wurk te sjen fan de keunstskilder Jo Rispens (1914-2002).

Tsjintwurdich draacht it gebou de namme Teatertsjerke en hat it in maatskiplike funksje.[1][2]

Oargel[bewurkje seksje | boarne bewurkje]

It oargel stamt út 1930 en waard troch de firma Dekker, Goes, boud. Nei de Twadde Wrâldkriich waard it yn de jierren 1980 fergrutte ta in twamanualich ynstrumint troch de firma Bak út Edam. Nei de ferkeap fan de tsjerke en de sekularisaasje fan it gebou waard it oargel net útboud.

Boarnen, noaten en referinsjes[boarne bewurkje]

Boarnen, noaten en/as referinsjes: