Teätertsjerke Nes

Teätertsjerke
De Teätertsjerke yn 2023
Lokaasje
provinsje	Fryslân
gemeente	Noardeast-Fryslân
plak	Nes
adres	Wiersterwei
koördinaten	53° 23' N 6° 02' E
Tsjerklike gegevens
status	Net mear yn gebrûk as tsjerke
Arsjitektuer
arsjitekt	Ane Nauta
boujier	1925-1926
Webside
theaterkerknes.nl
Kaart

De Teätertsjerke Nes (foarhinne De Hoekstien) is de eardere tsjerke fan de grifformearde gemeente yn Nes-Dongeradiel.

Skiednis

Op 22 juny 1925 waard de earste stien lein foar in nije tsjerke foar de grifformearde gemeente fan Nes. It ûntwerp fan de tsjerke is ôfkomstich fan Ane Nauta.

Nei de fúzje mei de herfoarmen yn 2012 krige de tsjerke de namme "De Hoekstien". De PKN-gemeente Nes-Wierum hie doe trije gebouwen. It die bliken dat dat tefolle wie en de grifformearde tsjerke fan Nes waard ôfstjitten. De grifformearde tsjerke fan Wierum wie al earder yn 2003 ferkocht. Op snein 19 febrewaris 2017 waard de lêste tsjinst yn De Hoekstien fierd.

It oansjen fan de eardere grifformearde tsjerke bliuwt mei de nije bestimming bewarre. De liturgyske foarwerpen binne troch de tsjerklike gemeente meinommen. Yn de tsjerke is wurk te sjen fan de keunstskilder Jo Rispens (1914-2002).

Tsjintwurdich draacht it gebou de namme Teätertsjerke en hat it in maatskiplike funksje.

Oargel

It oargel stamt út 1930 en waard troch de firma Dekker, Goes, boud. Nei de Twadde Wrâldkriich waard it yn de jierren 1980 fergrutte ta in twamanualich ynstrumint troch de firma Bak út Edam. Nei de ferkeap fan de tsjerke en de sekularisaasje fan it gebou waard it oargel net útboud.

Sjoch ek

• Teätertsjerke Wadway

Keppeling om utens

• (ned) Gereformeerde Kerken: Skiednis grifformearde tsjerke fan Nes
• (ned) Teätertsjerke Nes (offisjele webside)

Boarnen, noaten en referinsjes

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Nes Theaterchurch fan Wikimedia Commons.