1928

Iuwen:	15e	16e	17e	18e	19e	20e iuw	21e	22e	23e	24e	25e
Jierren:	1923	1924	1925	1926	1927	1928	1929	1930	1931	1932	1933

Kalinders
Gregoriaanske kalinder	1928 MCMXXVIII
Ab urbe condita	2681
Armeenske kalinder	1377 ԹՎ ՌՅՀԷ
Etiopyske kalinder	1920 – 1921
Hebriuwske kalinder	5688 – 5689
Hindoekalinders
- Vikram Samvat	1983 – 1984
- Shaka Samvat	1850 – 1851
- Kali Yuga	5029 – 5030
Iraanske kalinder	1306 – 1307
Islamityske kalinder	1347 – 1347
Juliaanske kalinder	Gregoriaansk min 13 dgn.
Sineeske kalinder	4624 – 4625 甲卯 – 乙辰

1928 is in skrikkeljier dat begjint mei in snein. (Gregoriaanske kalinder foar 1928.)

Dit jier makket ûnderdiel út fan it desennium fan 'e 1920-er jierren.

Foarfallen

• 11-19 febrewaris - De Olympyske Winterspullen wurde holden yn Sankt Moritz, yn Switserlân.
• 20 febrewaris - Op 'e 6e Panamerikaanske Konferinsje yn 'e Kubaanske haadstêd Havana wurdt in resolúsje yntsjinne dy't stelt dat gjin inkele steat it rjocht hat om him te bemuoien mei de binnenlânske oangelegenheden fan in oar lân. Dêrmei wurdt ferwiisd nei de ynfallen fan 'e Feriene Steaten yn Haïty, de Dominikaanske Republyk en Nikaragûa. Hoewol't de resolúsje oanholden wurdt oant de folgjende Panamerikaanske konferinsje, foarmet allinnich al it feit dat er yntsjinne is in gefoelige diplomatike nederlaach foar de Feriene Steaten.
• 12 maart - Britsk-Malta kriget de status fan dominion binnen it Britske Ryk.
• 25 maart - By presidintsferkiezings yn Portegal wurdt generaal Antonio de Fragoso Carmona keazen, dy't al fan 1926 ôf oan 'e macht is. Hy wie de iennichste kandidaat.
• 27 april - Yn it nije regear fan Portegal kriget Antonio de Oliveira Salazar wiidfiemjend foech as minister fan Finânsjes.
• 20 maaie - By Ryksdeiferkiezings behellet de sosjalistyske partij SPD yn Dútslân in oerwinning.
• 22 maaie - De Noardpoaltocht fan Umberto Nobile yn in loftskip einiget mei in crash op it poaliis.
• 25 maaie - De Amerikaanske piloate Amelia Earhart fljocht as earste frou oer de Atlantyske Oseaan.
• july - Op it 6e Wrâldkongres fan 'e Komintern swart de kommunistyske beweging alle gearwurking mei de sosjalisten ôf.
• 2 july - Yn it Feriene Keninkryk, dêr't sûnt 1918 kiesrjocht bestiet foar froulju âlder as tritich jier, wurdt no it algemien frouljuskiesrjocht ynfierd.
• 19 july - By in steatsgreep yn Egypte ûntbynt kening Fûad I it parlemint en lûkt alle macht nei himsels ta.
• 28 july-12 augustus] - De Olympyske Simmerspullen wurde holden yn Amsterdam.
• 27 augustus - Yn Parys ûndertekenje 15 lannen it Briand-Kellogg-pakt, dat opsteld is troch de Frânske minister fan Bûtenlânske Saken Aristide Briand en syn Amerikaanske amtgenoat Frank B. Kellogg. Dêryn wurdt ferklearre dat oarloch ûnwettich is.
• septimber - By tafal ûntdekt de Skotske bakteriolooch Alexander Fleming penisilline, in skimmel dy't baktearjes deadet.
• 1 septimber - It Albaneesk Keninkryk wurdt útroppen, mei presidint Ahmed Zogu as kening Zog I.
• 18 septimber - Earste flecht fan it loftskip de Graf Zeppelin.
• 6 oktober - Chiang Kai-shek wurdt útroppen ta presidint fan 'e Republyk Sina. Syn foech is sa wiidfiemjend dat er eins as diktator sjoen wurde moat.
• 7 oktober - Ras Tafari Makonnen (better bekend ûnder syn lettere namme Haile Selassi) wurdt kroane as negus fan Abessynje.
• 20 oktober - Yn Dútslân wurdt de ekstreem-rjochtse krantemagnaat Alfred Hugenberg keazen as nije foarsitter fan 'e nasjonalistyske politike partij DNVP.
• 26 novimber - By in swiere stoarm brekt yn Súd-Hollân de seedyk troch en strûpt de Hoekske Waard derûnder.
• desimber - Op ynstigaasje fan foaroanman Jawaharlal Nehru easket it Yndysk Nasjonaal Kongres fan 'e Britske koloniale oerheid dat Britsk-Ynje binnen in jier de status fan dominion binnen it Britske Ryk krije sil.
• 5 desimber - Yn 'e Gran Chaco, in ûnherberchsum mar ierdoaljeryk grinsgebiet fan Bolivia en Paraguay, fine skermutselings plak tusken soldaten fan 'e beide lannen.
• sûnder datum - Hendrik Bulthuis bout de earste Burgumer Mar-sylboat.

Berne

jannewaris

• 5 - Walter Mondale, Amerikaansk politikus en diplomaat († 2021)
• 8 - Jeen van den Berg, Frysk maratonrider († 2014)
• 18 - Tony Feitsma, Frysk taalkundige en publisiste († 2009)

febrewaris

• 19 - Jacob Noordmans, Frysk sjoernalist en âld-haadredakteur fan de Ljouwerter Krante († 2017)
• 9 - Rinus Michels, Nederlânsk fuotballer en fuotbaltrener († 2005)
• 26 - Fats Domino, Amerikaansk rhythm-and-bluessjonger en pianist († 2017
• 28 - Anne van den Ban, Frysk lânboukundige en heechlearaar († 2016)

april

• 2 - Piet Römer, Nederlânsk akteur († 2012)
• 23 - Shirley Temple, Amerikaansk aktrise († 2014)

maaie

• 4 - Hosni Mûbarak, presidint fan Egypte († 2020)
• 16 maaie - Joop Doevendans, Frysk útjouwer en bestjoerder († 2018)

juny

• 14 - Che Guevara, Argentynsk-Kubaansk revolusjonêr († 1967)

augustus

• 4 - Wâtse Hiddema, Frysk bestjoerder en frisiast († 2011)
• 6 - Andy Warhol, Amerikaanske skilder († 1987)
• 17 - Willem Duys, Nederlânsk radio- en tillefyzjepresintator en muzykprodusint († 2011)

oktober

• 9 - Hermann von der Dunk, Nederlânsk skiedkundige († 2018)

novimber

• 10 - Ennio Morricone, Italjaansk komponist († 2020)
• 20 - Dolf Verroen, Nederlânsk berneboekeskriuwer

desimber

• 4 - Lieuwe Pietersen, Frysk skriuwer, learaar en sosjolooch († 2015)
• 8 - Hannes Flesner, Eastfrysk sjonger en lietsjeskriuwer († 1984)
• 11 - Martinus Antonius Veltman, Nederlânsk dichter en tekstskriuwer († 1995)
• 16 - Friedrich Wilhelm Schnitzler, Dútsk politikus († 2011)
• 29 - Swaantsje Monderman, Frysk dichteresse († 2007)

Ferstoarn

• 11 jannewaris - Thomas Hardy, Ingelsk skriuwer (* 1840)
• 4 febrewaris - Hendrik Lorentz, Nederlânsk natuerkundige en Nobelpriiswinner (* 1853)
• 18 juny - Roald Amundsen, Noarsk ûntdekkingsreizger (* 1872)
• 17 septimber - Baptiste Pourier (Big Bat), Amerikaansk ferkenner, tolk en gids (* 1843)
• 10 desimber - Charles Mackintosh, Skotsk arsjitekt (* 1868)

datum ûnbekend

• Thomas Tibbles, Amerikaanske sjoernalist, publisist en aktivist (* 1840)

Literatuer

romans

• Hans Kirk, Fiskerne (oerset yn it Frysk as De Fiskers)
• Erich Maria Remarque, Im Westen nichts Neues

poëzij

• William Butler Yeats, Sailing to Byzantium

Jierren:	1923	1924	1925	1926	1927	1928	1929	1930	1931	1932	1933
Iuwen:	15e	16e	17e	18e	19e	20e iuw	21e	22e	23e	24e	25e

Boarnen, noaten en referinsjes

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory 1928 fan Wikimedia Commons.