Neder-Brulee Sû Stamme

Neder-Brulee Sû Stamme
Ingelsk	Lower Brule Sioux Tribe
lânseigen	Kul Wičasa Oyáte
flagge
algemiene ynformaasje
lân	Feriene Steaten
steat	Súd-Dakota
haadkertier	Lower Brule (Súd-Dakota)
etnisiteit	Lakota
ledetal	3.400 (2013)
oprjochting	1868
status	federale erkenning
erkenning	Feriene Steaten
reservaat
reservaat	Neder-Brulee Yndianereservaat
lokaasje	sintraal Súd-Dakota
oerflak	536,6 km²
ynwennertal	1.300 (2004)
offisjele webside
www.lbst.org
kaart
Lokaasje fan it haadkertier fan 'e stamme yn Súd-Dakota.

De Neder-Brulee Sû Stamme (Ingelsk: Lower Brule Sioux Tribe; Lakota: Kul Wičasa Oyáte, útspr.: [kul wi'ʧasa o'ja:te]) is in federaal erkende Yndiaanske stamme-organisaasje yn 'e Feriene Steaten, mei in eigen reservaat yn 'e steat Súd-Dakota.

Algemien

De organisaasje, dy't oprjochte waard yn 1868, hat 3.400 leden, en it haadkertier is fêstige yn Lower Brule, yn Súd-Dakota. De leden besteane út etnyske Sû (Sioux) fan ien inkele substamme fan 'e Lakota, nammentlik de Brulee. De Neder-Brulee Sû Stamme foarmet mei tsien oare Sû-organisaasjes de Feriene Sû Stammen.

Reservaat

It reservaat fan 'e Neder-Brulee Sû Stamme is it Neder-Brulee Yndianereservaat (Lower Brule Indian Reservation) fan sintraal Súd-Dakota, dat in oerflak hat fan likernôch 537 km², en dêr't yn 2004 1.300 minsken wennen. Oarspronklik makke it Neder-Brulee Reservaat diel út fan it Grutte Sû-reservaat dat yn 1868 stifte waard, mar nei de nederlaach fan 'e Sû yn 'e Flakte-Yndiaanske Oarloggen fan 'e 1860-er en 1870-er jierren waard de helte dêrfan troch de Amerikanen ôfnommen, wylst de rest yn 1889 opdield waard yn fiif lytsere reservaten, wêrfan't Neder-Brulee ien wie.

Keppelings om utens

• (in) Offisjele webside fan 'e Neder-Brulee Sû Stamme

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side. Commons Wikimedia Commons  Ofbylden dy't by dit ûnderwerp hearre, binne te finen yn de kategory Lower Brule Indian Reservation fan Wikimedia Commons.