Assiniboin en Sû fan it Fort Peck Yndianereservaat fan Montana

Ut Wikipedy
Gean nei: navigaasje, sykje
Assiniboin en Sû fan it Fort Peck
Yndianereservaat fan Montana
Flagge fan de Assiniboin & Sû fan it Fort Peck Yndianereservaat fan Montana.png
algemiene ynformaasje
Ingelske
  namme
Assiniboine and Sioux of the
   Fort Peck Indian Reservation of
   Montana
etnisiteit Westlike Dakota, Eastlike Dakota,
Lakota, Assiniboin
lân Flag of the United States.svg Feriene Steaten
haadkertier Poplar (Montana)
ledetal 11.000 (2013)
erkenning Flag of the United States.svg Feriene Steaten
oprjochte 1871
reservaat
reservaat Fort Peck Yndianereservaat
lokaasje Montana
oerflak 8.519½ km²
ynwenners 10.300 (2000)
offisjele webside
www.fortpecktribes.org

De Assiniboin en Sû fan it Fort Peck Yndianereservaat fan Montana (Ingelsk: Assiniboine and Sioux of the Fort Peck Indian Reservation of Montana) is in federaal erkende Yndiaanske stamme-organisaasje yn 'e Feriene Steaten, mei in eigen reservaat yn 'e steat Montana.

Demografy[bewurkje seksje | boarne bewurkje]

De organisaasje, dy't oprjochte waard yn 1871, hat 11.000 leden, en it haadkertier is fêstige yn Poplar, yn Montana. De leden besteane út etnyske (Sioux) en Assiniboin. Dêrby kinne de Sû, sa'n 8.600 yn oantal, fierder opdield wurde yn Eastlike Dakota fan 'e Sisseton- en Wahpeton-stammen, Westlike Dakota fan 'e Opper-Janktonai-substamme fan 'e Janktonai, en Lakota fan 'e Hûnkpapa-stamme. De Assiniboin fan Fort Peck, dêr't der likernôch 2.400 fan binne, hearre ta de Hudesabina-, Wadopabina-, Wadopahnatonwan-, Sahiyaiyeskabi- en Inyantonwanbina-substammen.

Yndianereservaten yn Montana. Fort Peck is werjûn yn read.

Reservaat[bewurkje seksje | boarne bewurkje]

It reservaat fan 'e Assiniboin en Sû is it Fort Peck Yndianereservaat (Fort Peck Indian Reservation) fan noardeastlik Montana. Dêr wennen yn 2000 likernôch 10.300 minsken, wêrûnder sa'n 6.000 Yndianen. It reservaat hat in oerflak fan goed 8.500 km², wêrfan't lykwols mar 3.750 km² yn Yndiaanske hannen is, mei't de rest ferkocht is oan blanken doe't de reservaatgrûnen ûnder druk fan 'e Amerikaanske oerheid tusken 1913 en 1930 frijjûn waarden foar kolonisaasje. Likegoed hat it stammeregear sizzenskip oer de measte aktiviteiten dy't binnen de grinzen fan it reservaat plakfine. Sa hat de stamme-organisaasje in eigen rjochtbank, tichthûs, sikehûs en krante. Yn 2012 wiene de Assiniboin en Sû fan Fort Peck ien fan 'e earste stammen dy't op 'e nij wylde bizons útsetten yn harren reservaat.

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.

de Sû (Sioux)
Etnyske groepen
Sû (Sioux): Dakota (Eastlike Dakota of SantyWestlike Dakota of Jankton-Janktonai) | Lakota
Talen
Sû (Sioux): Dakota (Eastlik DakotaWestlik Dakota) | Lakota (Noardlik LakotaSintraal LakotaSúdlik Lakota)
Tradysjonele stammen
Eastlike Dakota: Mdewakanton | Sisseton | Wahpekûte | Wahpeton | Westlike Dakota: Jankton | Janktonai (Neder-JanktonaiOpper-Janktonai) | Lakota: Titon (BruleeHûnkpapaMinnikonzjûOglalaSâns ArksSwartfuottenTwatsjettels)
Hjoeddeistige stamme-organisaasjes
Feriene Steaten
Assiniboin en Sû fan it Fort Peck Yndianereservaat fan Montana | Feriene Sû Stammen (Cheyenne River Sû StammeCrow Creek Sû StammeFlandreau Santy Sû Stamme fan Súd-DakotaJankton Sû StammeNeder-Brulee Sû Stamme
Oglala Sû Stamme fan it Pine Ridge Reservaat fan Súd-DakotaRosebud Sû StammeSanty Sû NaasjeSisseton en Wahpeton Sû StammeSpirit Lake StammeStanding Rock Sû Stamme) | Neder-Sû Yndianemienskip | Opper-Sû Mienskip |
Prairie Island Yndianemienskip | Shakopee Mdewakanton Dakota Mienskip | Mendota Mdewakanton Sû Mienskip (net erkend)
Kanada
Birdtail Sû Earste Naasje | Canupawakpa Dakota Naasje | Dakota Plains Wahpeton Naasje | Dakota Tipi Earste Naasje | Sioux Valley Dakota Naasje | Standing Buffalo Dakota Earste Naasje | Wahpeton Dakota Naasje | White Bear Earste Naasjes |
Whitecap Dakota/Sû Earste Naasje | Wood Mountain Earste Naasje
Reservaten
Feriene Steaten
Cheyenne River | Crow Creek | Flandreau | Fort Peck | Jankton | Lake Traverse | Neder-Brulee | Neder-Sû | Opper-Sû | Pine Ridge | Prairie Island | Rosebud | Santy | Shakopee | Spirit Lake | Standing Rock
Kanada
Birdtail Creek | Birdtail Hay Lands | Dakota Plains | Dakota Tipi | Ferdrach Nû. 4 Reservaatgrûnen | Fishing Station | Oak Lake 59A | Oak Lake 59B | Sioux Valley | Standing Buffalo | Wahpeton | White Bear | Whitecap | Wood Mountain
Oar
Grutte Sû Naasje | Grutte Sû Reservaat | Lakota Frijheidsdelegaasje | Nakota | Republyk Lakota