Oostwold (Aldamt)

Oostwold
Herfoarme tsjerke fan Oostwold
Polityk
Lân	Nederlân
Provinsje	Grinslân
Gemeente	Aldamt
Sifers
Ynwennertal	1.420 (2023)
Oerflak	5,04 km² wêrfan lân: 3,04 km² wêrfan wetter: 2,01 km²
Befolkingsticht.	282 ynw. / km²
Oar
Tiidsône	UTC +1
Simmertiid	UTC +2
Koördinaten	53° 12' N 7° 2' E
Kaart
Kaart
Lokaasje Oostwold yn eardere gemeente Scheemda

Net te betiizjen mei Oostwold (Westerkertier).

Oostwold (Eastwâld) is in doarp yn de gemeente Aldamt yn de provinsje Grinslân. It doarp hie yn 2019 1405 ynwenners. Oostwold is in beskerme doarpsgesicht.

Oostwold leit yn it Aldamt en lei oarspronklik oan de ouwer fan de Doalert. Bûten it doarp, oan de dyk nei Midwolda en yn de Oostwolderpolder steane steatlike pleatsen en yn it doarp wennen de lânwurklju. De tsjinstellings tusken de boeren en wurklju wien yn de omkriten tige grut. Yn Finsterwolde, dat flakby leit, late dy tsjinstelling ta in sterke posysje fan de Kommunistyske Partij. Yn Oostwold en Midwolda wiene en bleaune de lânwurklju lykwols strang protestantsk.

By Oostwold leit it Fleanfjild Oostwold.

Tsjerken

De Wikipedy hat ek in side Herfoarme tsjerke (Oostwold).

Yn 1775 waard de hjoeddeiske herfoarme tsjerke boud, dy't in âlder gebou fan de sechtjinde iuw ferfong, dy't oan de apostel Simon wijd wie. In âldere tsjerke stie op it plak fan de pleats Kloosterheem, beëasten it hjoeddeiske doarp. Yn 1951 waarden dêr trije grêfkelders fan kleasterstiennen bleatlein. De âldste tsjerke stie fierder benoarden yn in gebiet dat hjoed-de-dei bedobbe is mei klaai fan de Dollard. Dy tsjerke waard yn 1530 sloopt en de stiennen waarden brûkt foar it bouwen fan in nij blokhûs by Delfsyl. It besit fan de tsjerke waard ûnderbrocht by it Grizefrouljuskleaster, wylst de parochianen harren by Midwolda foegen. Om 1550 hinne hie Oostwold wer in tsjerke. Nijsgjirrich is it orizjinele Freytag-oargel yn de hjoeddeiske tsjerke út 1809-1811.

De Wikipedy hat ek in side Grifformearde tsjerke (Oostwold).

De grifformearde tsjerke is in opfallend gebou en waard yn 1930 boud neffens in ûntwerp fan de arsjitekten C.H. van Wijk en D. Broos. It gebou fertsjintwurdiget de Amsterdamske Skoallen en hat in tige kleurryk ynterieur.

Galery

• 
  Herfoarme pastorij
• 
  Dwershûspleats yn eklektyske styl út 1890
• 
  Skuorre by dwershûspleats yn eklektyske styl út 1890
• 
  Huningaheerd út 1882
• 
  Aldamtster dwershûspleats
• 
  Fleanfjild Oostwold fanút 'e loft (2005)

Boarnen, noaten en referinsjes

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Oostwold (Aldamt) fan Wikimedia Commons.