Blauwestêd (doarp)

Blauwestêd
Blauwestêd (2022)
Polityk
Lân	Nederlân
Provinsje	Grinslân
Gemeente	Aldamt
Sifers
Ynwennertal	1.290 (2023)
Oerflak	40,05 km² wêrfan lân: 34,91 km² wêrfan wetter: 5,14 km²
Befolkingsticht.	32 ynw. / km²
Oar
Stifting	2005
Postkoade	3509
Tiidsône	UTC +1
Simmertiid	UTC +2
Koördinaten	53° 10' N 7° 2' E
Offisjele webside
Webstee fan Blauwestêd
Kaart

Blauwestêd (Nederlânsk: Blauwestad) is in nij doarp oan de Aldamtmar yn de gemeente Aldamt yn de provinsje Grinslân. It hie op 1 jannewaris 2023 1.290 ynwenners.

It doarp Blauwestêd, dêr't de namme yn desimber 2005 offisjeel fan erkend waard as de plaknamme, is part fan it projekt Blauwestêd. It doarp wie oant 1 jannewaris 2010 ferdield oer de gemeenten Scheemda, Wynskoat en Reiderlân en seach syn ynwennertal de lêste jierren omheech gean. It doarp hie op 1 jannewaris 2012 385 ynwenners en it hie op 4 oktober 2019 al 665 ynwenners.

Blauwestêd leit tusken Scheemda en Beerta. It gruttere plak Wynskoat leit ek flakby.

It projekt

It projekt bestiet út it oanlizzen fan in nije mar fan goed 800 bunder: de Aldamtmar, it oanlizzen fan 350 bunder nij natuergebiet en it oanlizzen fan fiif wengebieten mei elts in eigen útstrieling. Dy wengebieten binne:

• De Wei (De Greide), dat fan alle wengebieten it meast mei it wetter ferbûn wurdt. Ynspiraasje fan de ynrjochting fan De Wei komt út Giteren.
• Het Park (It Park), dêr't lange rigen gers en beammen komme te stean, omkringe troch reid en wetter
• Het Riet (It Reid), dat út in groep eilannen bestiet beëasten de Aldamtmar.
• Het Wold (It Wâld), dat tusken it natuergebiet Reiderwâlde en it kanaal Reiderdjip leit. It wurdt omsletten troch bosk en wetter.
• Het Havenkwartier (It Havenkertier), dat earder Het Dorp (It Doarp) hiet, is it "sintrum" fan Blauwestêd.

Galery

• 
  Plaknammeboerd
• 
  It eardere ynfosintrum
• 
  Social Sofa yn it Havenkertier
• 
  Fytsbrêge
• 
  Natuerbegraafplak Reiderwâlde
• 
  Stânbyld fan Sicco Mansholt yn Blauwestêd

Boarnen, noaten en referinsjes

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Blauwestad fan Wikimedia Commons.