Tambov (oblast)

Ut Wikipedy
Springe nei navigaasje Springe nei sykjen
Tambov oblast

Тамбо́вская о́бласть

Map of Russia - Tambov Oblast (2008-03).svg
flagge wapen
Flag of Tambov Oblast.svg Coat of arms of Tambov Oblast.svg
sifers
soarte gebiet Oblast
ynwennertal 980.984 (2022)
oerflak 34.462 km²
befolkingstichtens 28,47 ynw. / km²
polityk
lân Flag of Russia.svg Ruslân
federaal distrikt Sintraal
ekonomyske regio Sintraal-Tsjernozjom
haadplak Tambov
grutste plak Tambov
taal Russysk
Etnyske groepen Russen (97 %), Oekraïners (0,7 %)
Jezidi's (0,6%) (stân: 2020)
oar
stifting 27 septimber 1937
tiidsône UTC +3
koördinaten 52° 42' N 41° 42' E
webside regadm.tambov.ru

De oblast Tambov (Russysk: Тамбо́вская о́бласть, Tambovskaja oblast) is in federale bestjoersienheid fan de Russyske Federaasje.

Skiednis[bewurkje seksje | boarne bewurkje]

Sûnt de 6e iuw nei Kristus ûnstie it Mordovinenfolk út lokale etnyske groepen fan Finsk-Oegryske komôf. De earste Russen ferskynden noch foar de Mongoalske tiid, mar de definitive kolonisaasje fûn yn de 17e iuw plak. Om de súdlike grinzen fan Ruslân te beskermjen waarden doe de befêstige stêden Kozlov (1635; sûnt 1932 omdoopt ta Mitsjoerinsk) en Tabov (1636) stifte. Dy stêden moasten de haadrûtes beweitsje om Nomadyske oerfallen tefoarren tekommen en makken in gaueftige kolonisaasje fan de krite mooglik.

Yn it ramt fan de bestjoerlike herfoarmings yn 1708 en 1719 fan Peter de Grutte waard it gebiet ûnderdiel fan it gûvernemint Azov. Yn 1779 waard Tambov in ûnderkeninkryk en yn 1796 it selstannige gûvernemint Tambov. Sûnder in soad feroarings bleau dat sa oant 1928.

Droechte en de wapene Sovjet-ynspekteurs dy't it iten foarderen, feroarsaken nei de revolúsje yn de regio in opstân tsjin de bolsjewiken. De opskuor yn it gûvernemint duorre fan 1920 oant 1921. Om de opstân te ûnderdrukken brûkten de bolsjewiken gemyske wapens tsjin de eigen befolking.

Op 27 septimber 1937 waard de oblast Tambov stifte út de oblasten Vornezj en Samara. Troch de foarming fan de oblast Penza rekke de oblast Tambov yn 1939 wer in diel fan it gebiet kwyt. Tusken 1954 en 1957 rekke de oblast tydlik noch it súdeastlike diel kwyt oan it doe stifte oblast Balasjov, mar dat diel waard nei de opheffing fan dat oblast wer by Tambov foege.

Geografy[bewurkje seksje | boarne bewurkje]

De oblast Tambov leit yn it súdlike diel fan it Russyske Leechlân en grinzget oan de oblasten Rjazan, Penza, Saratov, Voronezj (oblast)Voronezj and Lipetsk. It gebiet leit yn de bosksteppe en it gebiet bestiet foar likernôch 10% út bosk. Der binne likernôch 1400 rivieren en streamkes. Yn it Wolgabekken is de grutste rivier de Tsna, yn it Donbekken foarmje de Vorona, de Bitjûg, de Voronezj en de Savala de grutste rivieren.

Befolking[bewurkje seksje | boarne bewurkje]

De befolking bestiet hast folslein út Russen. Yn de begjintiid fan de Sovjet-Uny ûnstiene der Wytrussyske en Oekraynske minderheden. Harren oantal is lykwols bot sakke. Dêrfoaroer is it tal jezidi's bot tanommen.

Befolkingsferrin[bewurkje seksje | boarne bewurkje]

Jier 1897 1926 1939 1959 1970 1979 1989 2002 2022
Ynwenners 2.684.030 2.726.478 1.877.900 1.549.001 1.511.938 1.393.491 1.322.372 1.178.443 980.984

Bestjoersyndieling en stêden[bewurkje seksje | boarne bewurkje]

Tambov

De oblast is ferdield yn sân stedsdistrikten en yn 23 rajons. Grutste stêd is Tambov, folge troch Mitsjoerinsk, Rasskasowo, Morsjansk en Kotovsk. Meiïnoar hat de oblast acht stêden en tolve plakken mei in stedsk karakter.

Grutste stêden
Namme Russysk Ynwenners (2022) Wapen Lokaasje
Tambov Тамбов 287.407 Coat of Arms of Tambov (2008).svg 52° 43' N 41° 26' E
Mitsjoerinsk Мичуринск 89.876 Coat of Arms of Michurinsk (Tambov oblast) (2003).png 52° 53' N 40° 29' E
Rasskazovo Рассказово 42.293 Coat of Arms of Rasskazovo (Tambov oblast).gif 52° 40' N 41° 53' E
Morsjansk Моршанск 37.477 Coat of Arms of Morshansk (Tambov oblast) (2012).gif 53° 27' N 41° 48' E
Kotovsk Котовск 28.663 Kotovsk.png 52° 35' N 41° 30' E
Uvarovo Уварово 22.916 Coat of Arms of Uvarovo (Tambov oblast) 2012.gif 51° 59' N 42° 16' E
Kisanov Кирса́нов 15.753 Coat of arms of Kirsanov (2018).gif 52° 39' N 42° 44' E

Ekonomy[bewurkje seksje | boarne bewurkje]

De masjinebou, de gemyske yndustry en de libbensmiddelenyndustry foarmje wichtige pylders fan de ekonomy. De lânbou bestiet foaral út it hâlden fan fee en it ferbouwen fan feefoer.

Boarnen, noaten en referinsjes[boarne bewurkje]

Boarnen, noaten en/as referinsjes:

Dizze side is alhiel of foar in part in oersetting fan de Russysktalige Wikipedyside; sjoch foar de bewurkingsskiednis: ru:Тамбовская область


 
Dielgebieten fan Ruslân

Flagge fan Ruslân

Republyk AdygeäAltaiBasjkortostanBoerjaasjeChakasjeDagestanIngûsjeesjeKabardino-BalkaarjeKalmukjeKaratsjai-TsjerkjesjeKareeljeKomiKrim (omstriden) • Mari ElMordoovjeNoard-Osseesje-Alaanje • Oedmoersje • Sacha • Tatarstan • Tsjetsjeenje • TsjûvasjeTûva
Kraj AltaiChabarovskKamtsjatkaKrasnodarKrasnojarskPermPrimorjeStavropolTransbaikal
Oblast AmoerArchangelskAstrachanBelgorodBrjanskIrkûtskIvanovoJaroslavlKaliningradKalûgaKemerovoKirovKoerganKoerskKostromaLeningradLipetskMagadanMoermanskMoskouNizjni NovgorodNovgorodOarenburchOmskOrjolPenzaPskovRjazanRostovSachalinSaratovSmolenskSverdlovskTambovTjûmenTomskTsjeljabinskTûlaTverUljanovskVladimirVologdaVoronezjWolgograd
Autonome oblast Joadske Autonome Oblast
Autonoom distrikt Chanto-MansjeJamalo-NenetsjeNenetsjeTsjûkotka
Federale stêd MoskouSint-PetersburchSebastopol (omstriden)