Pskov (oblast)

Ut Wikipedy
Springe nei navigaasje Springe nei sykjen
Pskov oblast

Псковская область

Map of Russia - Pskov Oblast (2008-03).svg
flagge wapen
Flag of Pskov Oblast.svg Coat of arms of Pskov Oblast (2018).svg
sifers
soarte gebiet Oblast
ynwennertal 613.356 (2022)
oerflak 55.399 km²
befolkingstichtens 11,07 ynw. / km²
polityk
lân Flag of Russia.svg Ruslân
federaal distrikt Noardwest
ekonomyske regio Noardwest
haadplak Pskov
grutste plak Pskov
taal Russysk
Etnyske groepen Russen (95,01 %)
Oekraïners (1,33 %)
Wytrussen (1,04 %)
(stân: 2010)
oar
stifting 1 augustus 1927
tiidsône UTC +3
koördinaten 57° 19' N 29° 15' E
webside pskov.ru

De oblast Pskov (Russysk: Псковская область; Pskovskaja oblast) is in oblast yn it noardwesten fan Ruslân

Geografy[bewurkje seksje | boarne bewurkje]

De Peipesmar by Kûnest

It gebiet leit hielendal yn it westen fan it lân en grinzget yn it wêst en it suden oan Estlân, Letlân en Wyt-Ruslân, yn it noarden en noardeasten oan de oblast Leningrad, yn it easten oan de oblast Novgorod en yn it súdeasten oan de oblasten Tver en Smolensk. De Estske grins mei de oblast rint troch de Peipusmar. De belangrykste rivier is de Velikaja.

De oblast leit yn it gebiet fan de Easteuropeeske Leechflakte. It klimaat is tuskenbeide kontinintaal. It noardlike diel fan de oblast is flak en sompich. Oare gebieten binne troch gletsjers foarme en foar in part heuveleftich. Yn dy gebieten fan de oblast lizze in soad marren. Likernôch 40% fan de oblast bestiet út bosk.

Skiednis[bewurkje seksje | boarne bewurkje]

De Russen kolonisearren sûnt de 10e iuw it gebiet; Pskov is ien fan de âldste russyske stêden. Tusken 1230 en 1348 hearde it gebiet by de Republyk Novgorod. De regio hie in soad lêst fan ynfallen fan krúsridders en letter Poalen. Nei it ferdrach fan Bolotovo mei de Republyk Novgorod wie it gebiet tusken 1348 en 1391 in ûnôfhinkelik foarstedom. Dêrnei stie it ûnder ynfloed fan it Grutfoarstedom Moskou. Tusken 1399 en 1510 stjoerde Moskou ûnderkeningen nei Pskov, dêrnei waard it gebiet offisjeel by it Grutfoarstedom Moskou yndield. It súdlike diel fan de tsjintwurdige oblast hearde lykwols oant de Earste Poalske Dieling yn 1772 by Poalen-Litouwen. Sûnt 1708 hearde it noardlike diel by it gûvernemint Sint-Petersburch, sûnt 1727 by it gûvernemint Novgorod.

Dan ûntstie yn 1772 lang om let it gûvernemint Pskov, dat sa ûngefear de hjoeddeiske oblast besloech. Mar al gau waard fêststeld dat it net te bestjoeren wie en it gebiet waard al yn 1776 wer opdield yn de gûverneminten Pskov en Polotsk. Pskov waard in ûnderkeninkryk, dat yn 1796 by dekreet wer troch keizer Pavel I by dekreet yn it gûvernemint Pskov waard hersteld.

It súdlike diel fan de oblast ûndergyng noch ferskillende weryndielings, doe't it lang om let by it gûvernemint Vitebsk waard foege. Nei 1919 wie it gûvernemint Vitebsk ûnderdiel fan de Sovjet-Uny en yn 1924 waard it opheft. It noardeastlike diel waard by it gûvernemint Pskov yndield. Op 1 augustus 1928 waard it gûvernemint Pskov opheft en by de nije oblast Leningrad foege, wylst oare dielen oant 1945 by oare oanbuorjende oblasten weryndield waarden.

Yn de Twadde Wrâldkriich besetten de Dútsers de oblast. De partisanen wiene tige aktyf yn de regio. Nei de befrijing waard op 22 augustus de oblast Velikije Lûki en in dei letter de oblast Pskov stifte. De yn 1920 oerdroegen gebieten oan Letlân en Estlân waarden troch de Estske en Letske Sovjet-republiken oerdroegen oan de oblast Pskov, ynklúsyf de stêd Petsjory. It westlike diel fan de oblast Velikije Lûki waard op 2 oktober 1957 by de oblast Pskov foege en sûnt binne de grinzen net mear feroare.

Nei't de Baltyske steaten ûnôfhinklik waarden, ûnstiene foar de oblast swierrichheden no't it ferkearsrike gebiet op it fuottenein kaam te lizzen. Dat is ek de oarsaak fan it tebekrinnen fan it ynwennertal fan de oblast.

Bestjoer en stêden[bewurkje seksje | boarne bewurkje]

De oblast is yn 24 rajons en twa stedsdistrikten ûnderferdield. Der binne 14 stêden en 14 plakken mei in stedsk karakter. De twa grutste stêden Pskov en Velilije Lûki binne de twa stedsdistrikten. De folgjende stêden binne Ostrov en Nevel mei in folle leger ynwennertal.

Grutste stêden
Namme Russysk Ynwennertal (2021 / 2022 * ) Wapen Lokaasje
Pskov Псков 209.073 * Pskovgfull.jpg 57° 49' N 28° 20' E
Velikije Lûki Великие Луки 90.485 Velikie Luki COA (Pskov Governorate).png 56° 21' N 30° 31' E
Ostrov Остров 20.531 Coat of Arms of Ostrov (Pskov oblast).png 57° 20' N 28° 21' E
Nevel Невель 14.241 Coat of Arms of Nevel (Pskov oblast).png 56° 1' N 29° 56' E
Opotsjka Опочка 11.603 Opochka city coa n7839.png 56° 43' N 28° 40' E
Petsjory Печоры 9.003 Coat of Arms of Pechory (Pskov oblast).png 57° 49' N 27° 36' E
Porchov Порхов 8.095 Porkhov COA (Pskov Governorate) (1781).png 57° 46' N 29° 33' E

Befolkingsûntwikkeling[bewurkje seksje | boarne bewurkje]

Jier 1926 1939 1959 1970 1979 1989 2002 2022
Ynwenners 1.678.000 1.551.000 953.000 875.000 850.000 846.000 760.800 613.356

Ekonomy[bewurkje seksje | boarne bewurkje]

Wichtich yn de oblast binne de elektro- en tekstylyndustry. Ek de lânbou foarmet in wichtige sektor. De marren en bosken biede mooglikheden foar it toerisme.

Boarnen, noaten en referinsjes[boarne bewurkje]

Boarnen, noaten en/as referinsjes:

Dizze side is alhiel of foar in part in oersetting fan de Dútsktalige Wikipedyside; sjoch foar de bewurkingsskiednis: de:Oblast Pskow


 
Dielgebieten fan Ruslân

Flagge fan Ruslân

Republyk AdygeäAltaiBasjkortostanBoerjaasjeChakasjeDagestanIngûsjeesjeKabardino-BalkaarjeKalmukjeKaratsjai-TsjerkjesjeKareeljeKomiKrim (omstriden) • Mari ElMordoovjeNoard-Osseesje-Alaanje • Oedmoersje • Sacha • Tatarije • Tsjetsjeenje • TsjûvasjeTûva
Kraj AltaiChabarovskKamtsjatkaKrasnodarKrasnojarskPermPrimorjeStavropolTransbaikal
Oblast AmoerArchangelskAstrachanBelgorodBrjanskIrkûtskIvanovoJaroslavlKaliningradKalûgaKemerovoKirovKoerganKoerskKostromaLeningradLipetskMagadanMoermanskMoskouNizjni NovgorodNovgorodOarenburchOmskOrjolPenzaPskovRjazanRostovSachalinSaratovSmolenskSverdlovskTambovTjûmenTomskTsjeljabinskTûlaTverUljanovskVladimirVologdaVoronezjWolgograd
Autonome oblast Joadske Autonome Oblast
Autonoom distrikt Chanto-MansjeJamalo-NenetsjeNenetsjeTsjûkotka
Federale stêd MoskouSint-PetersburchSebastopol (omstriden)