Archangelsk (oblast)

Ut Wikipedy
Archangelsk oblast

Архангельская область

flagge wapen
polityk
soarte gebiet Oblast
lân Ruslân
federaal distrikt Noardwestelik
ekonomyske regio Noard
haadplak Archangelsk
grutste plak Archangelsk
taal Russysk; Nenetsk
Etnyske groepen Russen (95.6 %), Oekraïners (1.4 %)
Nenets (0,6%) (stân: 2010)
sifers
ynwennertal 1.114.322 (2022)
oerflak 589.913 km²
befolkingstichtens 1,89 ynw. / km²
oar
stifting 1937
tiidsône UTC +3
koördinaten 63° 30' N 43° 0' E
webside www.dvinaland.ru

De oblast Archangelsk (Russysk: Архангельская область, Archangelskaja oblast) is in bestjoerlike ienheid yn it noardwesten fan it Europeeske diel fan de Russyske Federaasje. De haadstêd en grutste stêd is Archangelsk.

Skiednis[bewurkje seksje | boarne bewurkje]

Yn de 11e en 12e iuw kolonisearren de Russen it gebiet en bouden dêr de earste delsettings. Foar dy tiid bewennen Finsk-Ugryske stammen it gebiet. Mei de stifting fan Archangelsk troch Ivan de Grousume ûnstie der hannel. It wie de earste havenstêd fan Ruslân.

Geografy[bewurkje seksje | boarne bewurkje]

Lânskip fan Archangelsk oblast by Kimzja (Mezenski rajon)

De oblast leit oan de Wite See en ek de eilannegroepen Nova Sembla en Frâns Joazef falle der ûnder. Yn de oblast leit de autonome okrûg Nenetsië, dêr't njonken it Russysk it Nenetsk in offisjele taal is. Yn it easten grinzget de oblast oan de republyk Komi, yn it westen oan de republyk Kareelje en yn it suden oan de oblasten Vologda en Kirov.

De oblast leit yn it noarden fan de Easteuropeeske Leechflakte. De belangrykste rivier is de Noardlike Dvina, oare rivieren binne de Onega en Mezen.

It gebiet hat strange winters en koele simmers. De noardlike lokaasje krekt súdlik fan it Poalgebiet makket lânbou hast net mooglik. Mar 1,3% fan it gebiet hat in agraryske funksje.

Ekonomy[bewurkje seksje | boarne bewurkje]

De oblast is ryk oan oalje, ierdgas en diamant. Fan de yndustry foarmje de wapenyndustry, de houtbewurking en fiskerij wichtige sektoaren. It toerisme is beskieden oanwêzich.

Yn Severodvinsk is in grutte werf foar de oarlochsfloat. Yn Plesetsk leit njonken Bajkonoer yn Kazachstan ien fan de belangrykste russyske raketlansearbasissen en romtefeartsintra fan it lân.

Yn de Wite See leit op it eilân Sloveski ien fan de wichtichste sintra fan de Russyske otterdoksy. It Solovetski-kleaster falt ûnder it wrâlderfgoed fan UNESCO.

Bestjoerlike yndieling en stêden[bewurkje seksje | boarne bewurkje]

Parlemintsgebou fan de oblast Archangelsk
Aartsingel Sint-Michaelkatedraal, Archangelsk
Solevetski-kleaster

De oblast Archangelsk is ûnderferdield yn 21 rajons, 7 stedsdistrikten en de twa eilannegroepen Frâns-Joazef en it Fiktoaria-eilân. De twa belangrykste en tagelyk iennige grutte stêden binne Archangelsk en Severodvinsk. Meiïnoar binne der 13 stêden en 15 plakken mei in stedsk karakter.

Grutste stêden
Namme Russysk Ynwenners (2022) Wapen Lokaasje
Archangelsk Архангельск 342.164 64° 33' N 40° 32' E
Severodvinsk Северодвинск 179.742 64° 34' N 39° 48' E
Kotlas Котлас 62.284 61° 15' N 46° 39' E
Novodvinsk Новодвинск 37.256 64° 25' N 40° 49' E
Korjazjma Коряжма 35.345 61° 18' N 47° 10' E
Mirny Мирный 33.321 62° 45' N 40° 20' E
Velsk Вельск 22.217 61° 04' N 42° 06' E
Njandoma Няндома 18.857 61° 40' N 40° 12' E
Onega Онега 18.149 63° 55' N 38° 05' E

Boarnen, noaten en referinsjes[boarne bewurkje]

Boarnen, noaten en/as referinsjes:

Dizze side is alhiel of foar in part in oersetting fan de Dútsktalige Wikipedyside; sjoch foar de bewurkingsskiednis: de:Oblast Archangelsk


 
Dielgebieten fan Ruslân

Flagge fan Ruslân

Republyk AdygeäAltaiBasjkortostanBoerjaasjeChakasjeDagestan • (Donjetsk) • IngûsjeesjeKabardino-BalkaarjeKalmukjeKaratsjai-TsjerkjesjeKareeljeKomi • (Krim) • (Lûhansk) • Mari ElMordoovjeNoard-Osseesje-Alaanje • Oedmoersje • Sacha • Tatarstan • Tsjetsjeenje • TsjûvasjeTûva
Kraj AltaiChabarovskKamtsjatkaKrasnodarKrasnojarskPermPrimorjeStavropolTransbaikal
Oblast AmoerArchangelskAstrachanBelgorodBrjansk • (Cherson) • IrkûtskIvanovoJaroslavlKaliningradKalûgaKemerovoKirovKoerganKoerskKostromaLeningradLipetskMagadanMoermanskMoskouNizjni NovgorodNovgorodOarenburchOmskOrjolPenzaPskovRjazanRostovSachalinSaratovSmolenskSverdlovskTambovTjûmenTomskTsjeljabinskTûlaTverUljanovskVladimirVologdaVoronezjWolgograd • (Zaporizja)
Autonome oblast Joadske Autonome Oblast
Autonoom distrikt Chanto-MansjeJamalo-NenetsjeNenetsjeTsjûkotka
Federale stêd MoskouSint-Petersburch • (Sebastopol)
N.B.: de gebieten tusken heakjes wurde ynternasjonaal net erkend as diel fan Ruslân, mar as diel fan de Oekraïne