Stasjon Utert-Sintraal

Stasjon Utert-Sintraal station Utrecht Centraal
Stasjon Utert-Sintraal yn 2017
lokaasje
lân	Nederlân
Provinsje	Utert
Gemeente	Utert
plak	Utert
adres	Stationshal 305
koördinaten	52° 5' 21" NB, 5° 6' 35" EL
arsjitektuer
stasjonskoade	Ut
type	Trochgongsstasjon
iepening	18 desimber 1843
boujier	1843 1e stasjonsgebou 1939 2e stasjonsgebou 1974 3e stasjonsgebou 2012 4e stasjonsgebou
sloopjier	1938 1e stasjonsgebou 1975 2e stasjonsgebou
arsjitekt	1843 ûnbekende ûntwerper 1e stasjonsgebou 1939 S. van Ravesteyn 2e stasjonsgebou 1974 K. van der Gaast 3e stasjonsgebou 2012 Benthem en Crouwel 4e stasjonsgebou
oare ynformaasje
perrons	8
perronspoaren	16
spoarline	Sintraalspoarwei Rhijnspoarwei Steatsline H Utert-Rotterdam
stedsbus	Utertsk busnet
tramline	flugge tram
offisjele webside
NS stasjonsynformaasje
kaart

It stasjonshal fan de earste ferdjipping ôf sjoen

Yngong fan de Jierbeurs ôf

Undergrûnske tramhalte oan de eastkant (iepene yn 2019)

It Stasjon Utert-Sintraal (Ut) (Nederlânsk: Station Utrecht Centraal as ek wol Utrecht Centraal) is it sintraal stasjon fan de Nederlânske stêd Utert, de haadstêd fan de provinsje Utert. It stasjon is it knooppunt fan de Nederlânske spoarwegen en dêrom ek it grutste en drokste stasjon fan Nederlân mei mear as 200.000 passazjiers deis en likernôch 1.000 treinôfreizgings. It busstasjon leit njonken it treinstasjon en is ek it grutste en drokste busstasjon fan Nederlân. It stasjon hat 16 perronspoaren, dus trochgongspoaren en 4 kopspoaren, dus it einpunt.

Beskriuwing

It stasjon leit westlik fan de Utertske binnenstêd. It stasjon betsjinne yn 2019 207.360 passazjiers deis. Mei in 57 miljoen reizgers jiers is it stasjon it drokste fan Nederlân. Tichteby it stasjon binne de Haadgebouwen I, II, III (De Inktpot) en IV fan de Nederlânske Spoarwegen en ProRail. It stasjon waard oant desimber 2016 yngeand ferboud en útwreide ta OV-terminal. De spoaren wurde yn it midden oerdutsen troch de grutte stasjonshal dêrboppe. De spoaren 4 en 5 wurde foar in part oerdutsen troch de Katreinetoren en it rayongebou fan NS-Reizgers (Laag Katreine). De kopspoaren 1 oant en mei 3 wurde oerdutsen troch it Paviljoen, dêr't hoareka yn fêstige is en eigendom is fan de eigener fan Hoog Catharijne

Skiednis

It earste treinstasjon iepene dêre op 18 desimber 1843 doe't de Nederlandsche Rhijnspoorweg-Maatschappij it earste stasjon fan Utert iepene. Yn 1938 waard it stasjon in sintraal stasjon doe't it Stasjon Maliebaan oan oare kant de stêd ticht gie en de spoarline fan Hilfertsom nei it sintraal stasjon laat waard. It oarspronklike stasjonsgebou fan 1865 waard yn 1936 yngeand ferboud. Twa jier letter rekke it stasjon slim skeind troch in brân, dochs waard weropboud.

It stasjonsgebou waard yn de 1970-er jierren sloopt om plak te meitsjen foar Hoog Catharijne, dy't doe it grutste oerdutsen winkelsintrum fan Jeropa wie. Dy waard op 17 desimber 1973 iepene. Fan dat stuit ôf hie it stasjon gjin eigen yngong mear, mar moasten passazjiers troch it winkelsintrum hinne om yn it stasjon te kommen. Yn 1989 waard de stasjonshal fergrutte. Yn 1995 waard de stasjonshal fannijs fergrutte mei de bou fan in nij perron.

Tusken 2011 en 2016 waard it gânse stasjonsgebiet fannijs alhiel op 'e kop helle. De stasjonshal waard ferfongen troch in nijenien dy't folle grutter is, dêr't njonken it treinstasjon ek de bus- en tramstasjons oerdutsen waarden. It nije ûntwerp mei in bûgd dak waard ûntwurpen troch Benthem Crouwel Architekten. It dak hat trije bûgings: ien gruttenien yn it midden foar it treinstasjon en twa lytseren foar de bus- en tramstasjons oan wjerskanten. Nije oerdekkings waarden foar alle perrons boud en it stasjon waard skaat fan Hoog Catharijne.

Tram- en busstasjons

In lightrail-tsjinst mei in flugge tram sette yn 1983 útein yn Utert mei tsjinsten nei Nieuwegein en Iselstein, de "SUNIJ-line". De tramhalte op Utert-Sintraal wie ynearsten oan de eastkant fan it stasjon. By it ferbouwen fan it stasjonsgebiet waard de tramhalte ferfongen troch in tydlike halte oan it Jierbeursplein oan de westkant fan it stasjon. Dy tydlike halte hie trije spoaren.

Yn july 2016 waard it busstasjon oan de eastkant ek ferpleatst nei de kant fan de jierbeurs. Dat makke it plak oan de eastkant frij foar it bouwen fan in nije bus-en tramstasjon Centrumzijde (oan de kant fan it sintrum), allyk foar it bouwen fan in nij tramspoar nei de Uithof, in nij stasjonsplein, in nije fytsestalling en de Moreelse-brêge.

Op 9 desimber 2019 waard it bus- en tramstasjon oan de eastkant Centrumzijde iepene. It is fêstige yn it haadgebou oan de eastkant fan it spoarstasjon, en kin berikt wurde út it haadgebou wei. Op 16 desimber 2019 waard de Uithofline iepene, dy't fan de Centrumzijde nei de Uithof yn it easten fan de stêd rint.

Op 4 july 2020 waard de SUNIJ-line tydlik sletten om it Jierbeursplein op te kaltefaterjen. Nije perrons dêrfan waarden njonken de trochgongspoaren boud. Op 3 jannewaris 2021 waard it tramstasjon oan it Jierbeursplein iepene. De nije perrons waarden ûndergrûns boud. Op 2 july 2022 waard de ûndergrûnske trochgong fan it stasjon oan it Jierbeursplein nei Centrumzijde iepene, sa't der net mear 500 meter rûn hoegd te wurden fan de iene kant nei de oare kant. Trams kinne no fan Nieuwegein en Iselstein ûnder it Sintraal Stasjon nei de Uithof ta ride.

Yndieling

It stasjon hat acht perrons en sechtjin perronspoaren, dêr't der fjouwer kopspoaren fan binne. Fansiden de treinperrons binne der twa grutte busperrons oan de kant fan de Jierbeurs. Oan de kant fan it sintrum (Centrumzijde) is in bus-tramstasjon ûnderferparte yn in busperron en twa tramperrons. De stasjonshal is boppe de spoaren. Oan de eastkant fan de hal einiget oan in ferhege stasjonsplein dêr't ek de haadyngong fan winkelsintrum Hoog Catharijne is en einiget oan de kant fan de Jierbeurs (westlik) oan in plato dêr't de yngong fan it stedskantoar is en yn sydtagong ta it Beatrixgebouw fan de Jierbeurs en de haadtagong ta ien fan de WTC's fan Utert. It plato giet dêrnei oer yn in nust treppen nei it Jierbeursplein, in hotel en ferskate kantoaren.

Treinferbinings

Ynternasjonale, nasjonale en pleatslike treintsjinsten brûke it stasjon. It opmerklikste is dy fan de Intercity-Express en NightJet-treinen nei Dútslân, Switserlân en Eastenryk, de nasjonale intercity-tsjinsten nei alle parten fan Nederlân, en de pleatslike Sprinter-tsjinsten dy't nei plakken yn de omkriten fan Utert. Frachtferfier komt ek by it stasjon del, sa as de rûte Amsterdam - Betuwerûte - Ruhrgebiet, en de rûte Antwerpen - Noard-Dútslân.

De folgjende passazjierstsjinsten dogge Utert-Sintraal oan, mei in trochsneed fan 70 ôfreizgings deis (skema fan 2023):

Ynternasjonale treinen
Searje	Treintype	Rûte	Tsjinstroaster
100 ICE 43	Intercity-Express (NS International)	Amsterdam Sintraal – Utert Sintraal – Arnhim Sintraal – Oberhausen Hbf – Duisburg Hbf – Düsseldorf Hbf / Hannover Hbf – Minden – Herford – Bielefeld Hbf – ütersloh Hbf – Hamm – Hagen Hbf – Wuppertal Hbf – Köln Hbf – Siegburg/Bonn – Frankfurt am Main Flughafen Fernbahnhof – Mannheim Hbf – Karlsruhe Hbf – Offenburg – Freiburg (Breisgau) Hbf – Basel Bad Bhf – Basel SBB	Ien kear deis tusken Amsterdam en Basel.
120/220 ICE 78	Intercity-Express (NS International)	Amsterdam Sintraal – Utert Sintraal – Arnhim Sintraal – Oberhausen Hbf – Duisburg Hbf – Düsseldorf Hbf – Köln Hbf – Frankfurt am Main Flughafen Fernbahnhof – Frankfurt am Main Hbf	Ien kear deis tusken Amsterdam en Basel.
400	ÖBB Nightjet (ÖBB)	Amsterdam Sintraal – Utert Sintraal – Arnhim Sintraal – Innsbruck Hbf / Wenen Hbf / Zürich HB
Intercity's
Searje	Treintype	Rûte	Tsjinstroaster
500	Intercity (NS)	Rotterdam Sintraal – Utert-Sintraal – Amersfoart Sintraal – Swol – Assen – Grins	In healoeretsjinst mei searjes 600 en 700.
600	Intercity (NS)	Ljouwert – Meppel – Swol – Amersfoart Sintraal – Utert-Sintraal – Rotterdam Sintraal	In healoeretsjinst mei searjes 500 en 1800.
800	Intercity (NS)	Maastricht – Sittard – Roermond – Weert – Eindhoven Sintraal – De Bosk – Utert-Sintraal – Amsterdam Sintraal – Alkmar – De Helder	Rydt net jûns, wol op sneintejûn. Rydt allinnich yn de spits twa ritten fan em nei De Helder yn de spitsrjochting. Ryd yn it wykein inkeld tusken Maastricht en Amsterdam Sintraal en werom. Wurdt yn de jûnsoeren tusken Maastricht en Amsterdam Sintraal ferfongen troch de searje 2900.
1700	Intercity (NS)	De Haach Sintraal – Gouda – Utert-Sintraal – Amersfoart Sintraal – Apeldoarn – Dimter – Almelo – Hengelo – Ynskedee	In healoeretsjinst
11700	Intercity (NS)	Amersfoart Schothorst – Amersfoart Sintraal – Utert-Sintraal – Gouda – De Haach Sintraal
2000	Intercity (NS)	De Haach Sintraal – Gouda – Utert-Sintraal
2800	Intercity (NS)	Rotterdam Sintraal – Gouda – Utert-Sintraal	Rydt allinnich yn de spits fan moandei o/m tongersdei.
2900	Intercity (NS)	Inkhuzen – Hoarn – Amsterdam Sintraal – Utert-Sintraal – De Bosk – Eindhoven Sintraal – Weert – Roermond – Sittard – Maastricht	Rydt allinne yn 'e iere moarn en yn 'e jûnsoeren.
3000	Intercity (NS)	Nimwegen – Arnhim Sintraal – Ede-Wageningen – Veenendaal-De Klomp – Driebergen-Zeist – Utert-Sintraal – Amsterdam Sintraal – Saandam – Alkmar – De Helder	Veenendaal-De Klomp wurdt allinnich nei 20:00 en yn it wykein betsjinne troch dizze searje.
3100	Intercity (NS)	Skiphol Airport – Utert-Sintraal – Veenendaal-De Klomp – Ede-Wageningen – Arnhim Sintraal – Nimwegen
3200	Intercity (NS)	Arnhim Sintraal – Ede-Wageningen – Utert-Sintraal – Amsterdam Súd – Skiphol Airport – Leien Sintraal – De Haach HS – Delft – Skiedam Sintrum – Rotterdam Sintraal	Rydt allinnich yn de spits fan moandei o/m tongersdei.
3500	Intercity (NS)	Skiphol Airport – Utert-Sintraal – De Bosk – Eindhoven Sintraal – Helmond – Venlo	Wurdt yn de jûnsoeren en sneins ferfongen troch searje 3700.
3700	Intercity (NS)	Doardt – Rotterdam Sintraal – Skiedam Sintrum – Delft – De Haach HS – Leien Sintraal – Skiphol Airport – Amsterdam Súd – Utert-Sintraal – De Bosk – Eindhoven Sintraal – Helmond – Venlo	Rydt allinnich jûns en sneins. Rydt op wykdagen yn de betide jûn ien rit fan Venlo ôf nei Rotterdam Sintraal en twa ritten fan Dordrecht nei Venlo, de rest fan de ritten op wykdagen ride allinnich tusken Schiphol Airport en Venlo oer.
3900	Intercity (NS)	Inkhuzen – Hoarn – Amsterdam Sintraal – Utert-Sintraal – De Bosk – Eindhoven Sintraal – Weert – Roermond – Sittard – Heerlen	Rydt op freed o/m snein oant 18:00 oere net tusken Amsterdam Sintraal en Heerlen. Tusken Eindhoven Sintraal en Heerlen rydt dan de 13900. Wurdt yn de jûnsoeren ferfongen troch searje 2900.
8800	Intercity (NS)	Leien Sintraal – Alfen oan de Ryn – Woerden – Utert-Sintraal
Sprinters
Searje	Treintype	Rûte	Tsjinstroaster
4900	Sprinter (NS)	Utert-Sintraal – Hilfertsom – Almere Sintrum	Stoppet net op Hollandsche Rading, Hilfertsom Media Park en Bussum Súd. Rydt yn 'e betide moarn, jûns nei 20:00 en yn it wykein as 14900.
14900	Sprinter (NS)	Almere Sintrum – Hilfertsom – Utert-Sintraal	Rydt allinne jûns en yn it wykein. Stoppet net op Bussum Súd en [Stasjon Hilfertsom Media Park|Hilfertsom Media Park]]. Wurdt troch de wike oerdeis riden troch searje 4900.
5500	Sprinter (NS)	Utert-Sintraal – Den Dolder – Baarn	Rydt jûns en yn it wykein 1 x yn 'e oere.
5600	Sprinter (NS)	Utert-Sintraal – Amersfoart Sintraal – Swol
5700	Sprinter (NS)	Utert-Sintraal – Hilfertsom – Weesp – Amsterdam Súd – Skiphol Airport – Hoofddorp
6000	Sprinter (NS)	Utert-Sintraal – Geldermalsen – De Bosk
6900	Sprinter (NS)	De Haach Sintraal – Gouda – Utert-Sintraal – Geldermalsen – Tiel
7300	Sprinter (NS)	Breukelen – Utert-Sintraal – Driebergen-Zeist – Veenendaal Sintrum – Rhenen
7400	Sprinter (NS)	Uitgeest – Saandam – Amsterdam Sintraal – Breukelen – Utert-Sintraal – Driebergen-Zeist
8900	Sprinter (NS)	Leien Sintraal – Alfen oan de Ryn – Woerden – Utert-Sintraal	Rydt net jûns nei 20:00, freed en yn it wykein; Rydet yn in brede spits de hiele rûte.
14000	Sprinter (NS)	Utert-Sintraal – Gouda – Rotterdam Sintraal
28300	Sprinter (NS)	Utert-Sintraal – Utert Maliebaan	Trein nei it Spoarweimuseum, allinnich as dat iepen is (net op moandei, útsein yn de skoalfakânsjes)
Nachttreinen
Searje	Treintype	Rûte	Tsjinstroaster
1400	Nachtnet Intercity (NS)	Utert-Sintraal – Amsterdam Bijlmer ArenA – Amsterdam Sintraal – Skiphol Airport – Leien Sintraal – De Haach HS – Delft – Rotterdam Sintraal	De treinsearje 21400 foar de trajektferlingingen Rotterdam Sintraal - Eindhoven Sintraal en Utert Sintraal - Eindhoven ride allinnich yn freed en sneon te nacht. Yn it earste part fan woansdei en tongersdei te nacht stoppet de trein yn Gouda yn plak fan Delft op. Dêrneist wurde bussen ynset op it trajekt Rotterdam Sintraal - Delft – De Haach HS.
21400	Nachtnet Intercity (NS)	Rotterdam Sintraal – Eindhoven Sintraal – Utert-Sintraal	Alinne freedtenachts
22400	Nachtnet Intercity (NS)	Utert-Sintraal – Amersfoart Sintraal	Alinne freedtenachts
23400	Nachtnet Intercity (NS)	Utert-Sintraal – Driebergen Zeist – Veenendaal-De Klomp – Ede-Wageningen – Arnhim Sintraal – Elst – Nimwegen	Alinne freedtenachts en sneontenachts, stoppet richting Utert-Sintraal net op Veenendaal-De Klomp en Driebergen Zeist.
32700	Nachttrein (Arriva)	Maastricht – Sittard – Roermond – Weert – Eindhoven Sintraal – De Bosk – Utert-Sintraal – Skiphol Airport	Alinne freedtenachts

Keppelings om utens

• webside fan de Nederlânske Spoarwegen
• Dutch Public Reisplanner

Boarnen, noaten en referinsjes

Boarnen, noaten en/as referinsjes:

Parten fan dizze side binne oernommen fan de Ingelsktalige side, sjoch foar boarnen en de bewurkingsskiednis op dizze side. (ned) stationsweb.nl (ned) stationsinfo.nl Commons Wikimedia Commons  Ofbylden dy't by dit ûnderwerp hearre, binne te finen yn de kategory Utrecht Central station fan Wikimedia Commons.