Bianca Trump

Ut Wikipedy
Gean nei: navigaasje, sykje
Bianca Trump
Bianca trump.jpg
persoanlike bysûnderheden
oare artyste-
       nammen
Bionca Trump, Biannca Trump,
Christine Smith, Wendy
echte namme Wendy Christine Iwanow
nasjonaliteit Flag of the United States.svg Amerikaansk
berne 7 novimber 1972
berteplak New York (New York)
etnisiteit Flag of Italy.svg Italjaansk
Flag of Russia.svg Russysk
wurkpaad
wurksum as neakenmodel, stripper,
pornoaktrise, prostituee
jierren aktyf 19912000
offisjele webside
www.biancatrumpxxx.com

Bianca Trump, echte namme: Wendy Christine Iwanow (New York, 7 novimber 1972), is in rêstend Amerikaansk neakenmodel, stripper, pornografysk aktrise en prostituee fan Italjaansk-Russysk komôf, dy't ek wol gebrûk makke fan 'e artystenammen Bionca Trump, Biannca Trump, Christine Smith en Wendy.

Libben en karriêre[bewurkje seksje | boarne bewurkje]

Bianca Trump is hikke en tein yn 'e buert Bay Ridge, yn 'e New Yorkske wyk Brooklyn. Se groeide op as iennichste dochter yn in gesin mei sân bern. Yn 1990, doe't se achttjin jier wie, begûn se te wurkjen as stripper. In jier letter, yn 1991, makke se har debút yn in pornografyske film. Se spile yn har karriêre, neffens de Internet Adult Film Database (IAFD), yn totaal yn likernôch 125 pornofilms.

Dêrby stie Trump bekend om har troch boarstfergrutting krigen kup 36DD en har willigens om mei te dwaan oan wat yn 'e pornoyndustry "de lichtere foarmen fan rûge seks" neamd wurde, ntl. spanking en hierlûken en soksoarte dingen. Under har pornokarriêre ferskynde Trump ferskate kearen op primetime-tillefyzje, lykas yn it beruchte praatprogramma The Jerry Springer Show, fan presintator Jerry Springer. Yn 2000 loek se har út 'e pornoyndustry werom.

Dêrnei wurke Trump oant 2002 as callgirl, wêrby't se neffens de geroften mear as $ 1.200,– yn 'e oere frege. Ein 2001 begûn ien fan har silikoaneboarstymplantaten te lekken, wêrop't se beide ferwiderje liet. Trump is ferskate kearen mei justysje yn oanrekking kommen, û.m. foar oanklachten fan berôving (1995), rasistysk hâlden en dragen (2001), ferfalsking fan checks (2003) en besit fan ferbeane amfetamines (2005).

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: Referencias, op dizze side.