Suwâld

	Suwâld
	Doarpshûs de Suderfinne
	Emblemen
	Bestjoer
Lân	Nederlân
Provinsje	Fryslân
Gemeente	Tytsjerksteradiel
	Sifers
Ynwennertal	625 (1 jannewaris 2023)
Oerflak	13,45 km², wêrfan: ; - lân: 12,65 km² ; - wetter 0,8 km²
Befolkingsticht.	51 ynw./km²
	Oar
Tiidsône	UTC +1
Simmertiid	UTC +2
Koördinaten	53° 10' N 5° 55' E
	Offisjele webside
	Side Suwâld ; FB-side Doarpsbelang Suwald ; FB-side Ald Suwâld ;
	Kaart
	;

Suwâld is in doarp yn de gemeente Tytsjerksteradiel op de râne fan de Fryske Wâlden, súd fan Hurdegaryp en tsien kilometer súdeastlik fan Ljouwert.

Suwâld hat 625 (1 jannewaris 2023)^[2] ynwenners.

Skiednis

De namme komt fan suderwâld. It streekdoarp is ûntstien op in lange smelle sânrêch bewesten de Wide Ie. Oan beide kanten fan de sânrêch lei leechfean. It doarp komt al as Suethawald foar yn 1328 en as Zuwawald yn 1419. Yn de 12e iuw moat der al in tsjerkje stien hawwe.

Suwâld hat de earste sinnepont fan 'e wrâld, dy pont mei de namme 'Schalkediep' fart oer it Prinses Margrietkanaal en wurdt in soad brûkt troch fytsers. Yn it simmerseizoen fart hy alle dagen fan 11:00 oere oant 20.30 oere, sneins oant 18 oere. Oan it Prinses Margrietkanaal is in jachthaven foar passanten.

Suwâld hat 625 (1 jannewaris 2023)^[3] ynwenners.

Mienskip

Suwâld hat in aktyf ferieningslibben. Boppedat wenje der ferskate keunstners mei in eigen atelier dy't op ôfspraak foar de besiker ipen binne. Yn de buorren fan it doarp stean de restaurearre tsjerke en it doarpshûs 'De Suderfinne' mei de jeugdsoas It Pypke. De doarpskrante hjit 'Mei Inoar'. De bewenners wurde ek wol 'kanaäniten' neamd.

Tsjerke

De Wikipedy hat ek in side PKN-tsjerke Sint-Georgius (Suwâld).

Suwâld hie njonken de herfoarme tsjerke ek in grifformearde tsjerke (sjoch: Eben-Haëzer (Suwâld)). De grifformearde tsjerke waard yn 2000 ferkocht nei't de grifformearden en herfoarmen tegearre gyngen en docht tsjintwurdich tsjinst as wenhûs. Yn it ramt fan de foarming fan in PKN-gemeente krige de herfoarme tsjerke de namme fan foar de reformaasje werom.

Skoalle

Bernemienskip De Triangel (Prot.-kristlik)

Ferienings

Biljertklub Keu's genoeg
Muzykferiening 'Speelt wel'
Oranjeferiening Suwâld
Skaak- en damklub Gezellig Samen zijn
Shantykoar Pypkesjongers
Sportferienings Suwâld: gymnastykferiening, follybalferiening, fuotbalferiening Suwâld
Toanielselskip Suwâld 'Kom mar Op'

Befolkingsferrin

Jier	1954	1959	1964	1969	1973	2006	2015	2020
Ynwenners	672	613	616	589	544	622	663	638

Berne

Petrus Overney (1636-1711), klokkejitter
Douwe Algra (1900-1975), fersetsman

Strjitten

Alde Lunewei, Aldemiede, Daniel Bouweswei, De Warren, Ds Oosterhuisstrjitte, Ds Pelstrjitte, Heechhiem, Louwsmarwei, Monnikenwei, Mostermûne, Noarderein, Symen Halbeswei, Suderein, Tsjerkebuert.

Sjoch ek

Fryske doarpen.

	Tytsjerksteradiel
Doarpen en útbuorrens: Aldtsjerk • Burgum • Earnewâld • Eastermar • Feanwâldsterwâl (foar in part) • Garyp • Gytsjerk • Hurdegaryp • Jistrum • Mûnein • Noardburgum • Oentsjerk • Ryptsjerk • Sumar • Suwâld • Tytsjerk • Wyns
Buorskippen: Bartlehiem (foar in part) • De Joere • Gytsjerksterhoeke • It Heechsân • Iniaheide • Kûkherne (foar in part) • Lytse Geast • Noardermar • Quatrebras • Sigerswâld • Skûlenboarch • Sumarreheide • Tergrêft • It Wytfean • Sânhuzen • Swarteweisein
· ·