PKN-tsjerke Sint-Georgius (Suwâld)

	Sint-Georgiustsjerke
	Lokaasje
lân	Nederlân
provinsje	Fryslân
gemeente	Tytsjerksteradiel
plak	Suwâld
adres	Tsjerkebuorren
koördinaten	53° 13' N 5° 55' E
	Tsjerklike gegevens
tsjerkegenoatskip	PKN
patroanhillige	Sint-Georgius
	Arsjitektuer
monumintale status	ryksmonumint
monumintnûmer	35684
	Webside
	Side Prot. tsjerke Ryptsjerk
	Kaart
	;

De PKN-tsjerke fan Suwâld is in oarspronklik oan de hillige Georgius wijde tsjerke. Sûnt de reformaasje wie it in herfoarme tsjerke; tsjintwurdich is it ryksmonumint de tsjerke fan de Suwâldster gemeente fan de Protestanske Tsjerke yn Nederlân.

Skiednis

De âldste dielen fan de tsjerke datearje nei alle gedachten noch út de 12e iuw en binne te finen yn it westlike diel. De oarspronklike romaanske tsjerke fan tufstien ferlear in soad fan it âlde oansjen.

Yn 1828 stoartte de sealtektoer fan de tsjerke yn. De tsjerke krige yn 1835 wer in nije toer. Nei in restauraasje fan de toer yn 1862 waard yn 1888 de hjoeddeiske toer boud. De gotyske finsters waarden doe ferfongen troch grutte rûnbôgeramen en in pear ramen waarden tichtmitsele. De yngong waard ferpleatst nei de westlike gevel.

It healrûne koer fan de tsjerke waard yn 1922 ôfbrutsen om plak te meitsjen foar in dwersskip.

Yn de jierren 1990 waard de tsjerke restaurearre. By de restauraasje makke de SOW-gemeente foar de tsjinsten gebrûk fan de grifformearde tsjerke.

Yn de toer hinget in yn 1617 troch Hans Falck getten klok.^[1]^[2]

Oargel

Tagelyk mei de foarnommen restauraasje joegen de tsjerkfâlden yn 1984 de opdracht oan Bakker & Timmenga út Ljouwert in nij oargel te bouwen. It instrumint waard yn novimber 1889 yn gebrûk nommen.^[3]

Ofbylden

Oargel
Preekstoel
Konsistoarje

Boarnen, noaten en referinsjes

Boarnen, noaten en/as referinsjes:

Wikimedia Commons

Ofbylden dy't by dit ûnderwerp hearre, binne te finen yn de kategory Georgiustsjerke, Suwâld fan Wikimedia Commons.

[1] Kerk en Orgel

[2] Reliwiki

[3] Kerk en Orgel

[1]

[2]

[3]