Weener

Lizzing Weener yn Lier

Wapen stêd Weener

De âlde haven fan Weener

Gemeentehûs yn Weener

Katolike Sint Joseph-tsjerke yn Weener

Weener is in stêd en gemeente yn de Dútse dielsteat Nedersaksen, yn it distrikt Lier. De gemeente hat 16.000 ynwenners. Weener foarmet mei de gemeenten Jemgum (Jemmingen), Bunde en it doarp Bingum fan de gemeente Lier it Dútse diel fan it Reiderlân yn East-Fryslân. De stêd waard foar it earst neamd yn in kleasterferslach fan 951.

Bestjoerlike yndieling

De gemeente bestiet út de folgende kearnen:

• Weener (stêd)
• Beschotenweg
• Diele
• Dielerheide
• Halte
• Holthusen
• Holthuserheide
• Kirchborgum
• Möhlenwarf
• Sankt Georgiwold
• Stapelmoor
• Stapelmoorerheide
• Tichelwarf
• Vellage
• Weenermoor

De kearnen binne ûnderbrocht yn 8 kearngebieten (Ortschaften), dy't de eardere gemeenten binne.

Gemeentlike weryndieling 1973

De gemeenten Beschotenweg, Diele, Holthusen, Kirchborgum, Stapelmoor, St. Georgiwold, Vellage, Weenermoor en Weener waarden per 1 jannewaris 1973 gearfoege ta de nije gemeente Weener.

De eardere gemeenten hawwe elts in fertsjintwurdiger (Ortsvorsteher) by de gemeente. Dizze amtner hat de belangen fan it kearngebiet foar de organen fan de gemeente oer op'e noed, mar ferfolt ek helpfunksjes foar itselde gemeentlik apparaat.

Geografy

Weener hat in oerflak fan 81 km². It is goed te berikken oer de dyk, fia de Dútse A31 Leer-Ruhrgebiet en oer de A7/Dútse A280 Grins-Bunde. Weener hat teffens in stasjon oan it spoar Leer-Bad Nijeskâns-Grins. Weener leit oan de river de Iems.

Polityk

Gemeenteried

De gemeenteried fan Weener telt 32 sitten. Ek de boargemaster hat it rjocht op in sit yn de rie.

De sitferdieling is sûnt 2006 sa:

Partij/Groep	% stimmen	Sitten
SPD	53,0%	17
CDU	19,6%	6
Unôfhinklike Kiesmienskip Weener	19,0%	6
Bündnis 90/Die Grünen	5,6%	2
FDP	1,9%	1
Linke Alternative Landkreis Leer	0,8%	0
Boargemaster		1

Boargemaster

Namme	% stimmen
Wilhelm Dreesmann (partijleas)	51,9%
Rüdiger Kibilka (SPD)	48,1%

De boargemaster, Wilhelm Dreesmann, is rjochtstreeks keazen. Hy is ek lid van de ried (kraft Amtes), ûnôfhinklik en gjin diel fan in fraksje. Dit omdat er as boargemaster boppe de partijen stean moatte kin.

Boarnen, noaten en referinsjes

Boarnen, noaten en/as referinsjes:

Webside fan de Gemeente Weener [1]

Commons

Ofbylden dy't by dit ûnderwerp hearre, binne te finen yn de kategory Weener fan Wikimedia Commons.