Konstamonitou-kleaster
| Konstamonitou-kleaster
Μονή Κασταμονίτου | ||
| bouwurk | ||
| ||
| lokaasje | ||
| lân |  Grikelân
| |
| plak |  Agio Oros 603 86
| |
| bysûnderheden | ||
| type bouwurk | Kleaster | |
| boujier | Stifting 11e iuw | |
| offisjele webside | ||
| inathos.gr | ||
It Konstamonitou-kleaster (Gryksk: Μονή Κασταμονίτου) is in otterdoksk-kristlik kleaster yn de Autonome Monastike Steat fan de Hillige Berch Atos yn Grikelân. It kleaster stiet op de súdeastlike kant fan it skiereilân en is it twintichste kleaster yn de hiërargy fan de Atos-kleasters.
It Konstamonitou-kleaster waard stifte yn it midden fan de 11e iuw, of troch in net bekend lid fan de aristokratyske byzantynske Kastamonites-famylje of troch in oar persoan út it gebiet fan Kastamon yn it tsjintwurdige Turkije. It waard wijd oan Sint-Stefanus.
De skiednis fan it kleaster yn de Byzantynske perioade is frij ûnbekend en oant de 14e iuw liket it kleaster in beskieden delsetting west ta ha. Nei't it yn de jierren 1420 ferneatige waard troch in brân liet de Servyske ealman Radič it restaurearje. Fanút de súdlike slavyske lannen teagen in soad muontsen nei it renovearre kleaster. Dêrnei folge in tiid fan wolstân
De gebouwen fan it kleaster stamme út de 18e en 19e iuw.
Yn de bibleteek wurde 110 manuskripten en ûngefear 5.000 printe boeken bewarre.
Fan de kleasterskatten is in mirakuleus 8e iuwsk ikoan fan Stefanus it neamen wurdich. Dêrnjonken hat it kleaster noch twa wûnderdiedige ikoanen fan Panagia Hodegetria en Panagia Antiphonetria. Oare weardefolle saken fan it kleaster binne in stikje fan it Wiere Krús, in byzantynsk lykkleed, liturgysk tekstyl en liturgysk reau.
| Boarnen, noaten en/as referinsjes: | ||
|
Dizze side is alhiel of foar in part in oersetting fan de Ingelsktalige Wikipedyside; sjoch foar de bewurkingsskiednis: en:Konstamonitou Monastery
|
