Iemshaven

Ut Wikipedy
Gean nei: navigaasje, sykje
Satellytfoto fan de Iems. Lofts-boppe leit de Iemshaven
De Emmahaven fan de Iemshaven

De Iemshaven is in seehaven yn it noardeasten fan de provinsje Grinslân. De seehaven leit op it plak dêr’t de Iems yn de Noardsee streamt. De Iemshaven is mei de haven fan Delfsyl yn it behear fan Groningen Seaports.

De bou fan de Iemshaven waard yn 1968 troch de Provinsjale Steaten fan Grinslân besletten. De bou begûn oan it begjin fan de santiger jierren. De haven waard yn 1973 troch keninginne Juliana iepene.

De East-Fryske rederij AG Ems hat in feartsjinst fan de Iemshaven nei Boarkum ta. Sûnt maart 2018 slút der in treinferbining oan op de ôfreistiden fan de fearboaten. De Iemshaven hat it meast noardlike treinstasjon fan it lân.