George Gaynes

Ut Wikipedy
George Gaynes
akteur
persoanlike bysûnderheden
echte namme George Jongejans
nasjonaliteit Amerikaansk
berne 16 maaie 1917
berteplak Helsinky (Russysk Finlân)
stoarn 15 febrewaris 2016
stjerplak North Bend (Washington)
etnisiteit Nederlânsk
Frânsk
Poalsk
Russysk
jierren aktyf 19462003
offisjele webside
n.f.t.

George Gaynes (wiere namme: George Jongejans; Helsinki, 16 maaie 1917North Bend (Washington), 15 febrewaris 2016) wie in Amerikaansk akteur en sjonger fan heal Nederlânsk etnysk komôf. Ier yn syn karriêre wied er operasjonger, mar letter makke er namme as spiler yn komyske musicals, en dêrnei yn tillefyzjesearjes. Bûten de Feriene Steaten waard er it bekendst as de ûnnoazele kommandant Eric Lassard yn 'e Police Academy-filmrige út 'e 1980-er jierren. Gaynes waard 98 jier en ferstoar begjin 2016.

Libben en karriêre[bewurkje seksje | boarne bewurkje]

Jonkheid[bewurkje seksje | boarne bewurkje]

Gaynes waard yn 1917 berne as George Jongejans yn Helsinki, de haadstêd fan Finlân, dat doe noch ta it Russyske Ryk hearde (it waard letter datselde jiers ûnôfhinklik). Hy wie de soan fan 'e Nederlânske sakeman Gerrit Jongejans en de artyste Ija Grigorijevna de Gay (letter, nei har houlik mei in Britske baronet, bekend as lady Iya Abdy), dy't fan mingd Russysk, Poalsk en Frânsk komôf wie. Gaynes waard grutbrocht yn Frankryk, Ingelân en Switserlân. Yn 'e twadde helte fan 'e 1930-er jierren hied er in karriêre as operasjonger yn Frankryk en Itaalje. Under de Twadde Wrâldoarloch tsjinne er by de Nederlânske Keninklike Marine. Nei de oarloch ymmigrearre er nei de Feriene Steaten, dêr't er úteinsette mei in aktearkarriêre op Broadway.

Aktearkarriêre[bewurkje seksje | boarne bewurkje]

Yn 'e twadde helte fan 'e 1940-er jierren en yn 'e 1950-er jierren boude Gaynes in reputaasje op as komysk musicalakteur, al spile er ek yn serieuze musicals. Sa ferfolle er de rollen fan Bob Baker yn Wonderful Town, de god Jupiter yn Out of this World en Henry Higgins yn My Fair Lady. Yn 1962 makke er syn debút op 'e tillefyzje yn 'e westernsearje Cheyenne, en it jiers dêrop wied er foar it earst op it wite doek te sjen, yn 'e film PT 109. Njonken syn toanielkarriêre hie Gaynes yn 'e 1960-er en 1970-er jierren gastrollen yn tillefyzjesearjes as East Side/West Side, Bonanza, Mission: Impossible, Hawaii Five-O, Columbo en WKRP in Cincinnati.

Yn 1980 hie Gaynes in weromkearende rol yn 'e soapsearje General Hospital, as de maffiabaas Frank Smith, dy't ûnder fuotten helle waard troch it haadpersonaazje Luke Spencer (spile troch Anthony Geary). Fan 1984 oant 1987 fertolke er ien fan 'e haadrollen yn 'e searje Punky Brewster, as Henry Warnimont, de grommeljende mar ynnimlike pleechheit fan it titelpersonaazje. Efter de skermen regisearre er de alderlêste ôflevering fan 'e searje WKRP in Cincinnati.

Bûten de Feriene Steaten waard Gaynes benammen bekend mei syn filmrollen. Yn 1982 spile er yn 'e komeedzjefilm Tootsie de byrol fan John van Horn, in soapakteur op jierren dy't fereale rekket op haadrolspiler Dustin Hoffman dy't him as frou foardocht om't er oars net oan 'e bak komt as akteur. Noch bekender waard Gaynes troch syn fertolking fan 'e ûnnoazele Eric Lassard, de kommandant fan 'e plysjeskoalle yn 'e Police Academy-films, wêrfan't de earste, mei as titel simpelwei Police Academy, yn 1984 útbrocht waard. Dat waard sa'n trochslaand súkses dat ferfolgen útkamen yn 1985, 1986, 1987, 1988, 1989 en 1994, eltse kear mei Gaynes as Eric Lassard.

Oare bekende films dêr't Gaynes yn spile, wiene: The Way We Were (1973), Vanya on 42nd Street (1994) en Wag the Dog (1997). Fan 1989 oant 1991 hied er fierders noch in fêste rol yn 'e tillefyzjesearje The Days and Nights of Molly Dodd, as teäterprodusint Arthur Feldman, wêrby't syn echte frou, Allyn Ann McLerie, de rol spile fan 'e frou dêr't Feldman in relaasje mei kriget. Ek yn 'e searje Hearts Afire hie Gaynes fan 1992 oant 1993 in fêste rol, as senator Strobe Smithers.

Priveelibben[bewurkje seksje | boarne bewurkje]

Gaynes troude op 20 desimber 1953 mei aktrise en dûnseresse Allyn Ann McLerie, dy't oan syn dea ta by him bleau. Hja krigen twa bern: soan Matthew (Matt) en dochter Iya.

Matt waard op 'e middelbere skoalle trappearre op it gebrûk fan marihûana, en moast doe nei de strange Catalina Island School. Dêr learde er kajakjen, wat syn libben feroare. Hy ûntjoech him ta ien fan 'e bêste kajakkers fan syn generaasje, en hie yn 1980 nei de Olympyske Spullen yn Moskou sillen as de Feriene Steaten dy dat jiers net boycot hiene fanwegen de Russyske ynfal yn Afganistan. Yn 1989 kaam Matt Gaynes yn Yndia om by in auto-ûngemak doe't er ûnderweis wie nei Nepal om in dokumintêre oer kajakjen op te nimmen.

Iya Gaynes Falcone is in abbekate, dy't as kampanjeliedster foar ferskate Kalifornyske politisy tsjinne ear't hja sels twa terminen lang gemeenteriedslid wie yn Santa Barbara. Doe't se dêrnei kandidate wie foar it boargemasterskip, kaam har man te ferstjerren en rûn har kampanje op 'e non. Neitiid is se wertroud.

Ferstjerren[bewurkje seksje | boarne bewurkje]

George Gaynes kaam op 15 febrewaris 2016 thús te ferstjerren yn North Bend, yn 'e steat Washington. Hy waard 98 jier âld.

Filmografy[bewurkje seksje | boarne bewurkje]

Filmografy as akteur
jier titel rol of funksje opmerkings
films
1962 Cheyenne Rod Delaplane gastrol; ôfl.: Vengeance is Mine
1962 The Defenders John Ames gastrol; ôfl. The Last Six Months
1962 Hawaiian Eye Roger Korvin gastrol; ôfl. The Broken Thread
1962 The Alfred Hitchcock Hour Campbell gastrol; ôfl. Ride the Nightmare
1963 Empire ûnbekend gastrol; ôfl. The Four Thumbs Story
1963 The Gallant Men majoar Neumann gastrol; ôfl. Operation Secret
1963 East Side/West Side Stowe gastrol; ôfl. Who Do You Kill
1965 The Patty Duke Show Gaylord gastrol; ôfl. The Perfect Hostess
1968 Bonanza Purdy gastrol; ôfl. The Late Ben Cartwright
1968 Mannix Professor Brendan gastrol; ôfl. Who Will Dig the Graves?
1968 Mission: Impossible dr. Paul van Bergner gastrol; ôfl. The Elixir
1970 Hawaii Five-O Thurman Elliott gastrol; ôfl. Kiss the Queen Goodbye
1971 Hogan's Heroes generaal gastrol; ôfl. Easy Come, Easy Go
1971 Search for Tomorrow Sam Reynolds ferfanger foar Robert Mandan
1972 Columbo Everett gastrol; ôfl. Étude in Black
1972 Search majoar Giles Matthews gastrol; ôfl. In Search of Midas
1973 Columbo Frânsman gastrol; ôfl. Any Old Port in a Storm
1974 The Six Million Dollar Man generaal Wiley gastrol; ôfl. Nuclear Alert
1974 Cannon Edward Foxworth gastrol; ôfl. The Avenger
1974 McMillan & Wife Burton Rohner gastrol; ôfl. Guilt by Association
1975 Trilogy of Terror dokter Chester Ramsey tillefyzjefilm
1975 McCloud Floyd Spencer gastrol; ôfl. Fire!
1976 Captains and the Kings Orestes Bradley tillefyzjefilm
1976 City of Angels Eisley gastrol; ôfl. Palm Springs Answer
1976 Rich Man, Poor Man Book II Max Vincent minysearje
1976 Black Sheep Squadron generaal Chennault gastrol; ôfl. Flying Misfits, Part 1 en Flying Misfits, Part 2
1976 The Quest Gotham gastrol; ôfl. Day Of Outrage
1976 Delvecchio kommissaris Schaub gastrol; ôfl. Hot Spell
1977 Washington: Behind Closed Doors Brewster Perry minysearje
1977 Carter Country Murdock gastrol; ôfl. Out of the Closet
1979 Quincy, M.E. liedingjaande by loftfeartmaatskippij gastrol; ôfl. Aftermath
1979 Stockard Channing in Just Friends Rock La Rue gastrol; ôfl. Health May Be Hazardous
1979 WKRP in Cincinnati Henri gastrol; ôfl. Jennifer's Home For Christmas
1980 General Hospital Frank Smith fêste rol
1981 Evita Peron dokter fan Evita Perón tillefyzjefilm
1982 Quincy, M.E. Powell Dixon gastrol; ôfl. The Unquiet Grave
1983 Cheers Malcolm Kramer gastrol; ôfl. Where There's A Will
1984 Blue Thunder dr. Willi von Hartig gastrol; ôfl. Payload
1984 ABC Afterschool Special kaptein-luitenant-op-see Arnold Arrangussen gastrol; ôfl. Mom's On Strike
1984–1987 Punky Brewster Henry Warnimont fêste rol
1986 Hotel Gerald Milburn gastrol; ôfl. Scapegoats
1987 Punky Brewster Lars Warnimont gastrol; ôfl. It's a Dog's Life
1987 Matlock rjochter Hollis D. Dunaway gastrol; ôfl. The Power Brokers, Part 1 en The Power Brokers, Part 2
1989 The New Lassie Ogilvy gastrol; ôfl. Dangerous Party (a.k.a. Halloween)
1989–1991 The Days and Nights of Molly Dodd Arthur Feldman fêste rol
1992 Dinosaurs liedende âldste gastrol; ôfl. Nuts to War, Part 2
1992–1993 Hearts Afire senator Strobe Smithers fêste rol
1996 Chicago Hope Brook Austin weromkearende rol
1998 Police Academy: The Series kommandant Eric Lassard gastrol; ôfl. Lend Me Your Ears
1999 Sliders de âlde Quinn Mallory gastrol; ôfl. Roads Taken
tillefyzje
1963 PT 109 basiskommandant
1964 Les félins ûnbekend
1966 The Group Brook Latham
1969 Marooned Mission Director
1971 Doctor's Wives Paul McGill
1973 The Boy Who Cried Werewolf dokter Marderosian
1973 Slaughter's Big Rip-Off Warren
1973 The Way We Were kaptein fan 'e El Morocco
1976 Harry and Walter Go to New York Prince
1976 Nickelodeon Reginald Kingsley
1980 Altered States dr. Wissenschaft
1982 Dead Men Don't Wear Plaid dr. John Hay Forrest
1982 Tootsie John Van Horn
1983 To Be or Not to Be Ravitch
1983 I'm Going to Be Famous ûnbekend
1984 Police Academy kommandant Eric Lassard
1984 Micki + Maude dokter Eugene Glztszki
1985 Police Academy 2: Their First Assignment kommandant Eric Lassard
1986 Police Academy 3: Back in Training kommandant Eric Lassard
1987 The Numbers Game Don Salvatore
1987 Police Academy 4: Citizens on Patrol kommandant Eric Lassard
1987 Un Tassinaro a New York admiraal
1988 Police Academy 5: Assignment Miami Beach kommandant Eric Lassard
1989 Police Academy 6: City Under Siege kommandant Eric Lassard
1994 Vanya on 42nd Street Serybryakov
1994 The Fantastic Four professor in ûnôfhinklike superheldefilm, nea útbrocht
1994 Police Academy: Mission to Moscow kommandant Eric Lassard ek bekend as Police Academy 7: Mission to Moscow
1996 The Crucible rjochter Samuel Sewall
1997 Wag the Dog senator Cole
2003 Just Married pastoar Robert

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.