Majoar

Ut Wikipedy
Gean nei: navigaasje, sykje

In majoar is in haadofsier fan middelhege rang yn 'e nasjonale kriichsmacht fan in soad lannen. Dizze rang komt foar by de lânmacht, de loftmacht, de maresjesee en de mariniers. De ekwivalinte rang by de marine is luitenant-op-see 1e klasse, wylst yn guon lannen de ekwivalinte rang by de loftmacht squadron leader is. De oansprektitel fan in majoar is "majoar". De boppelizzende rang is luitenant-kolonel, en de ûnderlizzende rang is kaptein. Dêrmei is majoar de leechste haadofsiersrang.

Etymology[bewurkje seksje | boarne bewurkje]

De term 'majoar' komt fan it Latynske wurd maior, dat "grut" betsjut. Oarpronklik wie de rang 'sersjant-majoar' ("grut-sersjant"), mar it 'sersjant'-diel ferdwûn meitiid út dizze rangoantsjutting; letter waard de folsleine namme sersjant-majoar op 'e nij ynfierd, mar doe as ûnderofsiersrang. Yn it Nederlânske leger jouwe majoars befel oan kompanjyen (hoewol't kompanjykommandanten by de ynfantery gauris kapteins binne). Teffens hawwe plakferfangende bataljonskommandanten de rang fan majoar.

Skematysk oersjoch[bewurkje seksje | boarne bewurkje]

Oersjoch fan 'e majoarsrangen mei ekwivalinten yn oare kriichsmachtûnderdielen:

lânmacht
en mariniers
marine loftmacht
majoar luitenant-op-see 1e klasse majoar
of squadron leader

Yn 'e Nederlânske kriichsmacht[bewurkje seksje | boarne bewurkje]

(oansprektitels kursyf werjûn)

Keninklike Lânmacht (KL) Keninklike Marine (KM) Keninklike Loftmacht (KLu) Keninklike Maresjesee (KMar)
NATO rang OF-3
Nl-landmacht-majoor.svg majoar
majoar
Nl-marine-vloot-luitenant ter zee der 1e klasse.svg luitenant-op-see 1e klasse
mynhear/mefrou
(by it Korps Mariniers: majoar)
Nl-luchtmacht-majoor.svg majoar
majoar
Nl-marechaussee-majoor.svg majoar
majoar

Sjoch ek[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.