Droegeham

Droegeham

Gemeente	Achtkarspelen
Gritenij	Achtkarspelen
Stimmen	27
Ynwenners (2008)	1749
Huzen	700
Koördinaten	53° 12' NB, 6° 6' EL
Netnûmer	0512
Postkoade	9289
Webstee	www.drogeham.com

Droegeham is in doarp yn it westlik part fan de gemeente Achtkarspelen. It doarp leit oan de súdkant fan it Prinses Margrietkanaal. Droegeham hat 1759 ynwenners (1 jan. 2005) en leit op in sândbulte wêrtroch it doarp yn it ferline by oerstreamings droech bleau. De namme is rjochtstreeks ôflaat fan de lizzing; in droege lântonge tusken it wetter. Ham betsjut ek in fan de dyk ynsletten stik lân. De 'Tarissing' is de basisskoalle fan it doarp.

It doarp wie earder yn haadsaak rjochte op de lânbou. Tsjintwurdich hawwe in soad fan de ynwenners harren wurk yn omlizzende plakken lykas Drachten, Ljouwert en Surhústerfean.

De NAM boarret yn 2007 opnij nei gas by Droegeham. By it doarp waard yn 1980 ek al nei gas boarre, mar dat waard dêr doe net fûn. Der wurdt tocht dat it der wol wêze moat.

Hamster Klokkestoel

Ynhâld

1 Mienskip
- 1.1 Befolking
- 1.2 Ferieningen
2 Ferskaat
3 Strjitten
4 Iepenbier ferfier
5 Sjoch ek
6 Keppeling om utens

[bewurkje seksje] Mienskip

Dorpskrante fan Droegeham hjit "Brinkpraat"

[bewurkje seksje] Befolking

1955 - 1394
1960 - 1372
1965 - 1391
1970 - 1472
1973 - 1564
2004 - 1759

[bewurkje seksje] Ferieningen

Fuotbalferiening Droegeham - fuotbal
All together - gospel
Mei fleur en faesje - toaniel
Dacapo - brassband
Sterke Yerke - folleybal
De Delte - tennis
The Slotstee Bulls - darts

[bewurkje seksje] Ferskaat

It grutste evenemint yn Droegeham is de "Gondelfeart op Tsjillen" dat elk jier yn septimber holden wurdt en dêr't tûzenen minsken op ôf komme.
Oare weromkommende eveneminten binne "De Ronde fan de Kerspelen", in hurdfytsronde foar amateurs en in grut Concours Hippique.
In 'Droegehamster' is ek de beneaming fan in net al te fette ko.
Jan Dotinga, de Fryske skriuwer, wie fan 1969 oant 1985 haad fan legere skoalle fan Droegeham. Oant 1992 wie er dêr learaar by it basisûnderwiis.