Readtsjerk

	Readtsjerk
	Readtsjerkje
	Emblemen
	Polityk
Lân	Nederlân
Provinsje	Fryslân
Gemeente	Dantumadiel
	Sifers
Ynwennertal	195 (1 jannewaris 2023)
Oerflak	7,14 km², wêrfan ; - lân: 6,93 km² ; - wetter: 0,21 km²
Befolkingsticht.	27 ynw./km²
	Oar
Tiidsône	UTC +1
Simmertiid	UTC +2
Koördinaten	53° 15' N 5° 55' E
	Doarpsgebiet Readtsjerk (grien) yn 'e gemeente Dantumadiel
	Offisjele webside
	Side Trynwâlden Online
	Kaart
	;

Readtsjerk is in doarp dat yn de gemeente Dantumadiel leit. Readtsjerk leit noardeastlik fan Mûnein, eastlik fan Aldtsjerk, súdwestlik fan Rinsumageast en súdeastlik fan Burdaard. Readtsjerk hat 195 (1 jannewaris 2023)^[2] ynwenners. Readstjerk hat net in doarpskearn, de measte wenten binne oan de Tsjerkestrjitte en de Koaiwei boud.

Readtsjerk hat altyd yn sawol de gritenij as de gemeente Dantumadiel lein.

Skiednis

Readtsjerk is ûntstien út de buorskip Wearbuorren, it lânhûs "De Healburd", en de pleats "De Seijewier". Om't oanwizings tsjutte op bewenning yn it twa kilometer noardlik fan it doarp leger lizzende diel, wurdt der fanút gien dat de oarspronklike lokaasje fan Readtsjerk opjûn is. Op kaarten fan Schotanus en Eekhoff binne dêr net mear bewenne terpen tekene. Ek wiist in fjildnamme dêr op it bestean fan in âld tsjerkhôf. Mooglik moast it âlde doarp fanwegen wetteroerlêst opjûn wurde en is it doarp doe ferhûze nei in útrinnende sânrêch fan de Trynwâlden. Om't de hjoeddeiske tsjerke oarspronklik 12e iuwsk is sil dat yn dy tiid plakfûn hawwe.^[3]

Eartiids stie yn Readtsjerk Sickama State. De state is foar 1700 sloopt.^[4]

Lizzing

Readtsjerk leit oan de grins fan de gemeente Tytsjerksteradiel op de eastlike râne fan de Trynwâlden. It doarp wurdt fan de Dokkumer Wâlden skieden troch in leger lizzend greidegebiet.

Mienskip

De feriening foar Doarpsbelang is yn 'e mande mei it súdwestlik oanbuorjende Mûnein. Der wurdt in doarpsfeest mei Aldtsjerk en ien mei Mûnein fierd.

Tsjerke

De Wikipedy hat ek in side Readtsjerkje.

Protestantsk Readtsjerk heart by de PKN Trynwâlden.^[5]

Ferienings

Toanielferiening It Nije Doarp (mei Mûnein)

Befolkingsferrin

Jier	1954	1959	1964	1969	1974	2004	2015	2020
Ynwenners	328	321	289	250	239	210	196	191

Gebouwen

Readtsjerk hat trije ryksmonuminten:

De tsjerke (Tsjerkewei)
East fan Readtsjerk stiet oan de Reidlânswei de poldermole De Hoop
in kop-hals-romppleats oan de Hjelburd 7 (noardlik fan Aldtsjerk)

Strjitten

Bûtefjild - Boskwei - Bûtefjildsterdyk - Dokter Kijlstrawei - Fjildwei Hjelburd - Iggewei - Tsjerkewei - Koaiwei - Marwei - Ottemawei - Reidfjildswei - Sickamawei - Tuskendammen - Tuskenmarren - Wearbuorren.

Sjoch ek

Fryske doarpen.

Keppeling om utens

Trynwâlen online

Boarnen, noaten en referinsjes

Boarnen, noaten en/as referinsjes:

Aukje Wijbenga - In doarp op it Fuottenein.
Webstee Mûnein/Readtsjerk (deade keppeling)

↑ https://opendata.cbs.nl/statline
↑ https://opendata.cbs.nl/statline
↑ Herma M. van den Berg, Noordelijk Oostergo. Dantumadeel
↑ Stinzen yn Fryslân, oproppen 8 oktober 2022
↑ Side PKN Trynwâlden

Wikimedia Commons

Ofbylden dy't by dit ûnderwerp hearre, binne te finen yn de kategory Readtsjerk fan Wikimedia Commons.

53° 15' NB, 5° 56' EL

	Dantumadiel
Doarpen en útbuorrens: Broeksterwâld • Damwâld • Driezum • De Falom • Feanwâlden • Feanwâldsterwâl (foar in part) • Rinsumageast • Readtsjerk • Sibrandahûs • Wâlterswâld • De Westereen
Buorskippen: Kûkherne (foar in part) • Eastwâld
Eardere doarpen: Dantumawâld • Ikkerwâld • Moarrewâld
· ·

[1] ttps://opendata.cbs.nl/statline

[2] ttps://opendata.cbs.nl/statline

[3] Herma M. van den Berg, Noordelijk Oostergo. Dantumadeel

[4] Stinzen yn Fryslân, oproppen 8 oktober 2022

[5] Side PKN Trynwâlden

[1]

[2]

[3]

[4]

[5]