Aukje Wijbenga

Ut Wikipedy
Jump to navigation Jump to search

Aukje Wijbenga-de Boer (Hijum, 1927 - Mûnein, 25 septimber 2009) wie in skriuwster fan skiedkundige boeken oer de doarpen Mûnein en Readtsjerk. Teffens hie hja in soad niget oan genealogy.

Se ferfear fan de pleats 'Fjildsicht' yn it Bûtefjild ûnder Readtsjerk nei in wenstee oan de haven yn Mûnein. Trochdat se net mear op de pleats buorken kaam der mear tiid frij foar har hobby. Neidat it boek “It doarp op it fuottenein” in 1998 in grut súkses waard wie de tiid ryp foar Mûnein. Dat wie tagelyk it begjin fan it boek 'Mûnein fan buorskip nei doarp'. Se mocht dêrfoar yn 2007 de Kultuerpriis Tytsjerksteradiel ûntfange [1]. Ek hie hja ynteresse oan Fryske hynders, de skotsploech, folksdûnsjen en tradysjonele dracht.

Wijbenga hat ek in tal jierren warber west yn de kommisje Cultureel Erfgoed Trynwalden en by doarpsbelang Mûnein en Readtsjerk. Hja wie boaske oan Gauke Wijbenga.

Boarnen, noaten en referinsjes[boarne bewurkje]

Boarnen, noaten en/as referinsjes:
  • Frysk Deiblêd 24 novimber 2010. Mûnein heeft vanaf nu een Aukje Wijbengastrjitte
  1. Frysk Deiblêd, Aukje Wijbenga wint Kultuerpriis Tytsjerksteradiel: 950 euro en in replika fan it keunstwerk 'De omrin fan it wetter' fan Frans Ram