Nijhoarne

Nijhoarne
gemeente	It Hearrenfean
Gritenij	Skoatterlân
Stimmen	??
Ynwenners (2010)	1.489
Huzen	{{{huzen}}}
Koördinaten	52° 57' NB, 6° 3' EL
Netnûmer	0513
Postkoade	8414
Webstee	www.oude-nieuwehorne.nl

Nijhoarne (Nieuwehorne) is in doarp yn de gemeente It Hearrenfean, noardwest fan it trijegemeentenpunt mei de Stellingwerven. Oant de gemeentlike weryndieling fan 1934 makke it, lykas it susterdoarp Aldhoarne, diel út fan de gemeente Skoatterlân.

Tsjerke fan Nijhoarne

Nijhoarne leit lykas in protte oare doarpen yn it gebiet "Tusken Feart en Tsjonger" tusken de Skoatterlânske Kompanjonsfeart oan de noardkant en de rivier de Tsjonger oan de súdkant. It leit tusken Ketlik en Aldehoarne yn. Der binne in soad houtwâlen. It gebiet hat him ûntwikkele troch de ferfeaning. De Skoatterlânskewei rint mei in soad lintbebouwing troch de doarpen. Yn it noarden fan Nijehoarne is by in fallaat yn de Kompanjonsfeart it buorskip Bontebok ûntstien, dit doarp hat yn 1979 de status fan in apart doarp krige.

Lytse en Grutte Kiekenberch en de tichtby lizzende Ketlikerheide en Ketlikerskar binne unyk. Ald- en Nijhoarne lizze oan De Tsjonger dêr't simmerdeis in soad boaten troch Slûs I farre.

Mienskip

lizzing fan Nijhoarne

Yn Nijhoarne stiet de Sevenaerskoalle it doarpshûs De Kiekenhof. Hjiryn sit ek it pjutteboartersplak De Lytse Bearkes. Op de lêste sneon yn septimber steane Ald- en Nijhoarne yn it teken fan it Flaeijelfeest. Tsien kear yn 't jier ferskynt doarpskrante De Hoarnekrite. De VVV organisearret in soad doarpsaktiviteiten.

Ferienings

• Jan de Roas Sjongers, neamd nei Jan de Roos.
• Ien Twa Trije - iisklup
• TF De Hoarne - tennis. Oprjochte yn 1985. Yn 2010 is in jubileumboek makke troch Evert de Jong.
• BVK - biljerten
• Omnisportferiening Udiros - gymnastyk, kuorbal, fuotbal en follybal
  • Fuotbalferiening UDIROS
• Doarpsargyf
• Mingd koar "Sjongnocht"

Befolking

1954	1959	1964	1969	1974	2004	2005	2006	2007	2008	2009	2010
894	898	889	946	1131	1491	1494	1472	1491	1488	1496	1489

Strjitten

De strjitten yn Nijhoarne en ferklearring fan de strjitnammen.

Sjoch ek

• Fryske doarpen.
• De Frije Wiken.

Iepenbier ferfier

Line fan Qbuzz:

• Line 15: It Hearrenfean - Aldskoat - Mildaam - Ketlik - Nijhoarne - Aldhoarne - Jobbegea Skuorregea - Jobbegea - Hoarnstersweach - Donkerbroek - Easterwâlde - Appelskea - Smilde - Bovensmilde - Assen

Keppeling om utens

• Webstee fan Ald- en Nijhoarne
• Skiednis en ferklearring strjitnammen