Nyegea

Nyegea

Flagge Wapen
Gemeente	Smellingerlân
Ynwennertal (2005)	505
Webstee

de himrik fan Nyegea

Herfoarme tsjerke fan Nyegea

Nyegea is in doarp yn de gemeente Smellingerlân, noardwest fan Drachten. Nyegea leit oan rykswei N31, tusken Ljouwert en Drachten, dy't ek wol de Wâldwei neamd wurdt. It hat likernôch 505 ynwenners (2005: boarne gemeente Smellingerlân).

De buorren fan Nyegea is net al te grut. Grutste strjitte is de Kommisjewei (de trochrinnende dyk rjochting De Pein). It bûtengebiet fan Nyegea is frij grut (sjoch kaartsje). Yn Nyegea stiet in moaie Herfoarme tsjerke. Sûnt jierren hat Nyegea gjin basisskoalle mear. De bern geane no nei skoalle ta yn De Pein of De Tike. De ûndernimmersgeast is frij grut, lykas oearal yn de Fryske Wâlden, mar der binne gjin winkels of soksawat mear. Wat de gruttere plakken oangiet is Nyegea oanwiisd op plakken as Drachten en Burgum (beide op sa'n 5/6 kilometer ôfstân).

Befolking

• 1954 - 563
• 1959 - 613
• 1964 - 599
• 1969 - 552
• 1974 - 497
• 2005 - 505

Ferienings

• Nij Begjin - toaniel

Strjitten

Aldegeasterdyk, De Klynhoeke, Eartlânsreed, Eibertsgeasten, Fiifhoeke, Finnen, Hearrewei, Hegewei, Kilometerwei, Kommisjewei, Nije Tikewei, Skieppekampen, Stienkampen, Swartewei, Westerein, Wierren.

Sjoch ek

• Fryske doarpen.