De Feanhoop

	De Feanhoop
	Emblemen
	Polityk
Lân	Nederlân
Provinsje	Fryslân
Gemeente	Smellingerlân
	Sifers
Ynwennertal	260 (1 jannewaris 2023)
Oerflak	9,45 km², wêrfan: ; - lân: 8,33 km² ; - wetter: 1,13 km² ;
Befolkingsticht.	31 ynw./km²
	Oar
Tiidsône	UTC +1
Simmertiid	UTC +2
Koördinaten	53° 05' N 5° 57' E
	Lokaasje De Feanhoop (grien) yn 'e gemeente Smellingerlân
	Offisjele webside
	Side De Feanhoop
	Kaart
	;

De Feanhoop is in doarpke yn it westen fan de gemeente Smellingerlân, by de westein fan de Wide Ie.

Op De Feanhoop wenje 260 (1 jannewaris 2023)^[2] minsken.

Skiednis[bewurkje seksje | boarne bewurkje]

De delsetting ûntstie as buorskip fan Boarnburgum yn 1819 mei de oanlis fan in nije feanterij mei polderdiken en mûnen.^[3] Yn 1875 waard it Polderhaadkanaal groeven, dat Nij Beets mei De Feanhoop yn de Grutte Polder Opsterlân ferbynt. Oan 'e ein fan de feart festigen har by de slûs hieltyd mear minsken. De measte petgatten waarden as brûkber boerelân oanmakke.

Earst yn 1955 krige De Feanhoop tagelyk mei de oare buorskippen De Wylgen en Smelle Ie de doarpsstatus.

De lêste tiid hat it doarp him jimmeroan mear op wettersport en rekreaasje rjochte. Sûnt 2015 is it Polderhaadkanaal sa útdjippe dat boatsjes wer troch it doarp farre kinne.

Mienskip[bewurkje seksje | boarne bewurkje]

De doarpskrante hjit "It Feantraperke".

Skoalle[bewurkje seksje | boarne bewurkje]

Fan 1921 oant 2013 hie De Feanhoop in iepenbiere basisskoalle mei de namme 'Op 'e Feanhoop'. De skoalle waard sletten fanwegen it tebekrinnend tal bern.^[4]

Ferienings[bewurkje seksje | boarne bewurkje]

Follybalferiening KAK

Befolkingsferrin[bewurkje seksje | boarne bewurkje]

Jier	1959	1964	1969	1974	2004	2012	2015	2020
Ynwenners	294	251	252	221	260	250	242	228

Berne[bewurkje seksje | boarne bewurkje]

Jeen van den Berg (1928-2014), winner Alvestêdetocht 1954.

Eveneminten[bewurkje seksje | boarne bewurkje]

Tagelyk mei it skûtsjesilen wurdt sûnt 1951 it Feanhoopfestival organisearre. De earste moandei fan de SKS-wedstriden skûtsjesilen wurde op de Feanhoop fersyld.^[5].

Gea[bewurkje seksje | boarne bewurkje]

Eastlik en súdlik fan it doarp leit it natoergebiet Petgatten De Feanhoop, in likernôch 200 hektare grut natoergebiet mei broekboskjes, petgatten en stripen wetter dat ûnstie tusken 1860 en 1920 troch feanôfgraving. De Noarder Krite is noch oarspronklik bûtlân en lit de natoer sjen sa't dy foar de feanôfgraving wie. De Bonnebuskepetten lizze eastlik fan it doarp wylst de Kraanlannen súdlik lizze. De namme komt fan de kranen, dy't dêr eartiids harren aaien leine. De gebieten wurde troch It Fryske Gea beheard. Yn 'e Kraanlannen is ek in fûgelhut.

Krekt benoardeasten De Feanhoop stiet yn 'e Bonnebuskepetten in Amerikaanske wynmotor fan it type Herkules Metallicus, dy't oanwiisd is as ryksmonumint. Tichteby de Kraenlânswei stiet yn 'e Kraanlannen noch in lytsere wynmotor, dy't yn 2009 boud is.^[6]

Westlik fan it doarp leit yn it doarpsgebiet fan Goaiïngahuzen it Unlân fan Jelsma en it Kobbelân, dat ek yn de 19e iuw troch feanôfgraving ûntstie. Beide gebieten lizze oaninoar, mar yn it Kobbelân waard it fean djipper ôfgroeven dan it Unlân fan Jelsma en dêr binne mear petgatten.

Gasbuis[bewurkje seksje | boarne bewurkje]

Yn 'e winter fan 2006/2007 is by De Feanhoop in 1,20 meter grouwe gasbuis fan 1060 meter lingte ûnder de Krûme Ie trochboarre. De Gasuny lei de nije gaslieding oan fan it Grinzer Gryptsjerk nei Warkum, dwerstroch Fryslân. De boarring by De Feanhoop is de grutste yn 'e skiednis fan it bedriuw.

Strjitten[bewurkje seksje | boarne bewurkje]

't Stalt, Boarnburgumer Heawei, De Flearbosk, Drachtster Heawei, Eijzengapaed, Kanaeldyk, Klusewei, Kraenlânswei, Krúswei, Slûswei.

Ferskaat[bewurkje seksje | boarne bewurkje]

Op De Feanhoop fart simmerdeis in pontsje nei de Headammen, tichtby it Nasjonaal Park De Alde Feanen.
By De Feanhoop leit yn in petgat oan 'e Drachtster Heawei tusken De Wylgen en De Feanhoop de ark fan de ferstoarne skriuwer Rink van der Velde. Fryske skriuwers kinne de arke brûke om te skriuwen.

Sjoch ek[bewurkje seksje | boarne bewurkje]

Fryske doarpen

Keppeling om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

>

↑ https://opendata.cbs.nl/statline
↑ https://opendata.cbs.nl/statline
↑ Aardrijkskundig Woordenboek, Van der Aa (1839-1851)
↑ Onderwijs in De Veenhoop, ôfskiedsboekje Op 'e Feanhoop 1921-2013]
↑ Wâldnet, 20 july 2006
↑ Molendatabase, oproppen 30 maaie 2023

Wikimedia Commons

Ofbylden dy't by dit ûnderwerp hearre, binne te finen yn de kategory De Feanhoop fan Wikimedia Commons.

	Smellingerlân
Doarpen en útbuorrens: Aldegea • Boarnburgum • Drachten • Drachtster Kompenije • De Feanhoop • Goaiïngahuzen • De Houtigehage • Koartehimmen • Nyegea • De Pein • De Rottefalle • Smelle Ie • De Tike • De Wylgen
Buorskippen: Bûtenstfallaat • Eibertsgeasten • De Folgeren • Galhoeke • De Geasten • De Kletten • De Koai • Luchtenfjild • Middelbuorren • Noarderein • Nijtap • Opperbuorren • Puntpeal • Sânbuorren • Sytebuorren • It Súd • Suderheide • Utein • Wierren
wizigje

53° 6' NB, 5° 57' EL

[1] ttps://opendata.cbs.nl/statline

[2] ttps://opendata.cbs.nl/statline

[3] Aardrijkskundig Woordenboek, Van der Aa (1839-1851)

[4] Onderwijs in De Veenhoop, ôfskiedsboekje Op 'e Feanhoop 1921-2013]

[5] Wâldnet, 20 july 2006

[6] Molendatabase, oproppen 30 maaie 2023

[1]

[2]

[3]

[4]

[5]

[6]