Vatopedy-kleaster

Ut Wikipedy
Jump to navigation Jump to search
Vatopedy

Βατοπέδι

Vatopedi monastery 2006.jpg
lokaasje
lân Flag of Greece.svg Grikelân
plak Flag of the Greek Orthodox Church.svg Agio Oros 603 86
bysûnderheden
type bouwurk Kleaster
boujier 10e iuw, 18e en 19e iuw
webside inathos.gr

It Vatopedy-kleaster (Gryksk: Βατοπέδι) op de Berch Atos, Grikelân, waard yn de twadde helte fan de 10e iuw boud troch trije muontsen út Adrianopel. Dy trije muontsen mei de nammen Atanasios, Nikolaas en Antonios wiene learlingen fan hillige Atanasios fan Atos.

Fan dy tiid ôf waarden ferskillende gebouwen stifte. De measten dêrfan stamme út de Byzantynske tiid en út de 18e en 19e iuw, de bêste tiid fan it kleaster.

Tsjintwurdich wenje der likernôch 50 muontsen yn it kleaster.[1] Troch skinkings yn 1292 fan keizer Andronikos II waard Vatopedy grutgrûnbesitter. Sûnt tsjin it ein fan de 12e iuw mear Slavykse muontsen yn it kleaster gyngen wenjen krige it kleaster ek stipe fan de Bulgaarske tsaren en Servyske kenings. Bekende muontsen fan it kleaster wiene Gergorios Palamas en, foar't it Hilandar-kleaster stifte, waard ek Sava fan Servje. De yn Ruslân tige fereare hillige Maksimus de Gryk die yn it begjin fan de 16e iuw yn it Vatipedy-kleaster syn monastike ûnthjitten.

Alhoewol't it kleaster yn de skiednis plonderingen en oerfallen ûndergyng fan Katalaanske piraten en letter ek Turken, is der nea in ûnderbrekking west yn it monastike libben fan it kleaster.

It kleaster stifte yn 1749 de ferneamde Akademy fan Atos, dy't yn dy drege tiid foar de Grykske in mooglikheid ta ûnderwiis bea.

Yn de hiërargyske oarder fan de Atos-kleasters stiet Vatopedy op it twadde plak. It kleaster heart by de rykste kleasters op it skiereilân.

Gebouwen[bewurkje seksje | boarne bewurkje]

  • De oan de Ferkundiging wijde 10e iuwske katolikon mei fresko's dy't werin geane op de 14e iuw, mar yn de 18e en 19e iuw oerskildere binne;
  • It refektoarium;
  • De klokketoer út de Byzantynske tiid (1427);
  • De 10e iuwske noardeastlike toer, dêr't hjoeddedei de bibleteek yn is ûnderbrocht.
In muonts yn it Vatopedy-kleaster (2006)

Kleasterskatten[bewurkje seksje | boarne bewurkje]

It kleaster bewarret in gurdle, dêr't guon fan leauwe dat dy ea fan de jongfaam Marije west hat en dy't hja oan de apostel Tomas jûn hawwe soe. In sulveren mei juwielen besette relykhâlder mei dêryn de skedel fan Jehannes Krysostomos hat de namme wûnderdiedich te wêzen. Yn it kleaster binne mearder ikoanen oanwêzich dêr't wûnderen oan ta skreaun wurde en it kleaster besit in tsjelk makke út ien inkeld stik japsis.

Yn de bibleteek is it hânfêst fan Vatopedy it neamen wurdich, in midsiuwsk keninklik hânfêst út de 13e iuw fan Ivan Asen II fan Bulgarije. It waard yn 1929 yn de bibleteek ûntdutsen. Dêrnjonken hat it kleaster 2.000 manuskripten en 35.000 printe boeken. Ferneamd is it oktateuch "Kodeks Vatopedinus 602" mei 164 kleurrike miniatueren.

Boarnen, noaten en referinsjes[boarne bewurkje]

Boarnen, noaten en/as referinsjes:

Dizze side is alhiel of foar in part in oersetting fan de Ingelsktalige Wikipedyside; sjoch foar de bewurkingsskiednis: en:Simonopetra