Dakota Skye (pornografysk aktrise)

	Dakota Skye (pornografysk aktrise)
	persoan yn de seksyndustry
	persoanlike bysûnderheden
oare artyste-; nammen	Dakota Doll, Dakota Green, ; Brooklyn Kaye, Kota Sky
echte namme	Lauren Kaye Scott
nasjonaliteit	Amerikaansk
berne	17 april 1994
berteplak	Tampa (Floarida)
stoarn	9 juny 2021
stjerplak	Los Angeles (Kalifornje)
etnisiteit	Skotsk
	wurkpaad
wurksum as	neakenmodel, webcamgirl, ; pornoaktrise
jierren aktyf	2013 – no
	offisjele webside
	Dakota Skye op Twitter

Dakota Skye, echte namme: Lauren Kaye Scott (Tampa, 17 april 1994 – Los Angeles, 9 juny 2021), wie in Amerikaansk neakenmodel en pornografysk aktrise. Hja neamde harsels ek wol Kota Sky, en fierders makke se yn it begjin fan har karriêre ek wol gebrûk fan 'e skûlnammen Dakota Doll, Dakota Green en Brooklyn Kaye. Skye sette yn 2013 útein mei in wurkpaad yn 'e Amerikaanske pornoyndustry en spile sûnt yn in grut tal films.

Libben en karriêre

Jonkheid

Skye waard yn 1994 berne yn Tampa, yn 'e Amerikaanske steat Floarida. Hja wie fan etnysk Skotsk komôf. As lyts famke siet se op sawol ballet as turnjen. Yn it fuortset ûnderwiis spile se de trompet yn it muzykkorps fan har skoalle, en wie se dêrnjonken aktyf as cheerleader. Nei eigen sizzen hie se op har trettjinde foar it earst seksuële omgong mei in jonge. Behalven yn Floarida wenne Skye yn har middelbere-skoaltiid ek yn Ohio en Kentucky. Yn dy lêste steat makke se de skoalle ôf, wêrnei't se yn 't earstoan nachts wurke as fakkefolster foar de supermerkkeatling Walmart.

Pornokarriêre

Doe't se achttjin jier en dêrmei mearderjierrich wurden wie, begûn Skye oan in wurkpaad as webcamgirl. Dêrfoar naam se de skûlnamme 'Dakota Skye' oan, wêrfan't it earste diel in earbetoan is oan aktrise Dakota Fanning, wylst it lêste part ferwiist nei har eigen himelsblauwe (sky blue) eagen. Yn 2013, doe't se njoggentjin jier wie, makke se har debút yn in pornografyske film. Neffens de Internet Adult Film Database (IAFD) hie se yn 2024 yn mear as fjouwerhûndert pornofilms spile, al sieten dêr ek grif kompilaasjefideo's fan recycle byldmateriaal tusken. Skye wurke û.m. foar sokke foaroansteande labels as Evil Angel, Penthouse, Wicked Pictures, Jules Jordan Video, Digital Sin, New Sensations, Hustler Video en Digital Playground. Fierders wie se ek wol yn 't spier foar minder bekende studio's, lykas Mile High Media, Girlfriends Films en Pure Play Media. En teffens die se in protte wurk foar porno websiden op it ynternet, wêrûnder BangBros, Reality Kings, Brazzers, Naughty America en Kink.com.

Dakota Skye naam ûnder har karriêre sênes op mei kollega-aktrises as Ava Addams, A.J. Applegate, Summer Brielle, Casey Calvert, Adriana Chechik, Ariella Ferrera, Jillian Janson, Julia Ann, Brandi Love, Janet Mason en Penny Pax. Ek wurke se gear mei manlike tsjinspilers lykas Mike Adriano, Jordan Ash, Mick Blue, James Deen, Erik Everhard, Manuel Ferrara, Lance Hart, J. Mac, Jules Jordan, Sean Lawless, Keiran Lee, Mandingo, Sean Michaels, Ramon Nomar, Mr. Pete, Toni Ribas, Evan Stone, Chris Strokes, Bruce Venture en Mark Wood. Yn 2015 waard Skye nominearre foar twa AVN Awards (de Oscars fan 'e pornowrâld), yn 'e kategory bêste triosekssêne (f/m/m), foar har sêne yn 'e film From Both Ends 2, en yn 'e kategory bêste nije stjer.

Priveelibben

Skye wie in grut hûneleafhawwer en hie sels twa hûnen.

Op 4 juny 2017 waard Skye yn Pinellas Park, yn Floarida, arrestearre foar mishanneling fan har freon. Dy lei in ferklearring ôf wêryn't er bewearde dat se seks hân hiene, en dat er dêrnei woe dat se syn hûs ferliet. Skye wie lykwols oan 'e tillefoan en wegere fuort te gean ear't se har petear ôfrûne hie. Doe't har freon folhold dat se fuort moast, soe se him oanfallen hawwe, wêrby't se him sa'n terwinkel ferkocht dat er in sneed yn syn lippe oprûn. Hy skille dêrop de plysje dy't har oppakte en de arrestaasje ferwurke, wêrnei't se op persoanlike boarchtocht frijlitten waard. It is net bekend oft de saak ea foar de rjochter kommen is.

Ferstjerren

Dakota Skye ferstoar op 9 juny 2021 yn 'e âldens fan 27 jier yn in steancaravan yn Los Angeles. Ut 'e lykskôging kaam nei foarren dat de deadsoarsaak in oerdoazis fentanyl (in swiere pinestiller) wie. Neffens har muoike wraksele Skye mei in langjierrige ferslaving oan dat guod.^[1]

Lichemsskaaimerken

Dakota Skye wie blank, mei blauwe eagen en blûn hier. Neffens har offisjele opjefte wie se 1.57 m lang, mei in gewicht fan 45 kg, en in natuerlike kupmaat 32B. Behalven de wenstige gatsjes troch de earlellen hie se ek piercings troch har beide spiennen, har rjochternoaswjuk en it fel fan har lofterwang, likernôch healwei tusken har bûtenste eachhoeke en har ear. Fierders hie se ferskate tatoeaazjes: ien fan in blom op har lofterheup, in dreamcatcher op har rjochterheup, ien fan in fûgel op har rjochterskouder, ien fan in healmoanne boppe har rjochterboarst, in kat mei in heksehoed op boppe har lofterboarst, in folsleine sleeve (mouwe fan tatoeaazjes) op har lofterearm, en it wurd "Anal" mei in kroantsje derboppe op har lofterstút.

Prizen en nominaasjes

jier	priis	resultaat	kategory	foar har optreden yn
2015	AVN Award	nominearre	bêste triosekssêne f/m/m (mei Jordan Ash en Ramon Nomar)	From Both Ends 2
2015	AVN Award	nominearre	bêste nije stjer	n.f.t.

Keppelings om utens

Boarnen, noaten en referinsjes

Boarnen, noaten en/as referinsjes:

↑ Fruen, Lauren, APorn star Dakota Skye’s cause of death revealed as overdose from cocktail of drugs after battling fentanyl addiction, yn: The U.S. Sun, 28 septimber 2021.

[1] Fruen, Lauren, APorn star Dakota Skye’s cause of death revealed as overdose from cocktail of drugs after battling fentanyl addiction, yn: The U.S. Sun, 28 septimber 2021.

[1]