Casey Calvert (pornografysk aktrise)

Ut Wikipedy
Casey Calvert (pornografysk aktrise)
persoan yn de seksyndustry
persoanlike bysûnderheden
echte namme Sarah Goldberger
nasjonaliteit Amerikaansk
berne 17 maart 1990
berteplak Baltimore (Marylân)
etnisiteit Angelsaksysk Amerikaansk
Joadsk
wurkpaad
wurksum as neakenmodel, pornoaktrise
jierren aktyf 2012 – no
offisjele webside
www.caseycalvert.com

Casey Calvert, echte namme: Sarah Goldberger (Baltimore, 17 maart 1990), is in Amerikaansk neakenmodel en pornografysk aktrise fan mingde Angelsaksysk Amerikaansk en Joadsk etnysk komôf. Hja sette yn 2012 útein mei in wurkpaad yn 'e Amerikaanske pornoyndustry en spile sûnt yn in grut tal films. Calvert hat al foar acht ferskillende AVN Awards nominearre west, en yn 2015 wûn se in XRCO Award.

Libben en karriêre[bewurkje seksje | boarne bewurkje]

Jonkheid en oplieding[bewurkje seksje | boarne bewurkje]

Calvert waard yn 1990 berne yn Baltimore, yn 'e Amerikaanske steat Marylân, mar groeide op yn Gainesville, yn Floarida. Se waard grutbrocht yn it konservative joadendom en gie eltse sneon nei synagoge oant har bat mitzvah, wêrnei't har âlden oerstapten nei it reformjoadendom en inkeld noch op 'e hjeldagen nei synagoge giene. Op 'e middelbere skoalle die Calvert oan fuotbal en turnjen. Yn 2012 studearre se magna cum laude ôf oan 'e Universiteit fan Floarida yn Gainesville, mei in bachelortitel yn filmproduksje en as byfakken soölogy en antropology.

Pornokarriêre[bewurkje seksje | boarne bewurkje]

Yn 'e maityd fan har earste stúdzjejier begûn Calvert te wurkjen as neakenmodel foar keunstlessen en letter ek as fetysjmodel. Se keas har artystenamme by wize fan earbetoan oan perfester Clay Calvert, fan wa't se kolleezjes oer mediawetjouwing folge hie. Der wie har nammentlik altyd ferteld dat pornografy yllegaal wie, en sûnder Calvert syn ûnderrjocht, sa sei se letter yn in fraachpetear, hie se dat no miskien noch wol tocht. Yn datselde ynterview fertelde se ek dat de namme 'Casey' (klinkt as 'K.C.') basearre wie op 'e inisjalen fan 'e foarnammen fan 'e bern fan 'e bekende Amerikaan op wa't se fereale wie, mar se sei der net by wa't dat wie.

Nei't se yn 'e simmer fan 2012 ôfstudearre wie, makke Calvert op 5 novimber fan dat jier op 22-jierrige leeftyd har debút yn in pornografyske film foar de lytse studio SexArt. Neffens de Internet Adult Film Database (IAFD) spile se sûnt yn likernôch 270 films, û.m. foar sokke foaroansteande labels as Penthouse, Wicked Pictures, Elegant Angel, Digital Playground, Zero Tolerance, Jules Jordan Video, New Sensations, Evil Angel, Devil's Film en Digital Sin. Fierders hat se ek wol wurke foar minder bekende studio's, lykas West Coast Productions, Girlfriends Films, Pure Play Media, Third Degree Films, Mile High Media en Metro. En teffens hat se in protte yn 't spier west foar pornowebsiden op it ynternet, wêrûnder BangBros, Brazzers en Naughty America.

Tusken 2014 en 2016 waard Calvert net minder as acht kear nominearre foar in prestizjeuze AVN Award (de Oscar fan 'e pornowrâld), en yn 2015 wûn se in XRCO Award. Yn septimber fan datselde jier waard se oannommen om ien kear yn 'e moanne in kollumn oer seksueel fetisjisme en BDSM te skriuwen op The Naked Truth, it blôch fan 'e webside GameLink. Dy kollumn krige de titel Casey's Corner. Se hat ek oer pornografy skreaun foar de Amerikaanske online-krante The Huffington Post. Njonken har aktearwurk is Calvert ek aktyf as neakenmodel en hat se posearre foar fotoreportaazjes yn ferskate neakenblêden, wêrûnder de Penthouse.

Priveelibben[bewurkje seksje | boarne bewurkje]

Calvert beskôget harsels as in feminist. Se mei graach kuierje, snorkelje en rotsklimme. Yn fraachpetearen hat se oanjûn dat se ek besocht hat om in karriêre as mainstream-aktrise te begjinnen, mar potinsjele wurkjouwers hawwe wegere har in kâns te jaan fanwegen har eftergrûn yn 'e pornografy. Neffens har koe men har sels werom doe't se ûnder har eigen namme audysje die.

Lichemsskaaimerken[bewurkje seksje | boarne bewurkje]

Casey Calvert is blank, mei brune eagen en brún hier. Neffens har offisjele opjefte is se 1.60 m lang, mei in gewicht fan 50 kg, en in natuerlike kupmaat 34B. Behalven troch har earlellen hat se gjin piercings, en as tatoeaazjes hat se allinnich in hiel lyts klaverke trije op har rêch.

Prizen en nominaasjes[bewurkje seksje | boarne bewurkje]

Jier Priis Resultaat Kategory Foar har optreden yn
2014 AVN Award nominearre skandalichste sekssêne (mei Ralph Long) Homecoming
nominearre bêste nije stjer n.f.t.
XRCO Award nominearre nije stjer fan it jier n.f.t.
2015 AVN Award nominearre bêste lesbyske sekssêne (mei Jada Stevens) Dirty Panties 2
nominearre bêste P.O.V.-sekssêne (mei Tim von Swine) POV Pervert 17
nominearre bêste triosekssêne (f/f/m) (mei Adrianna Luna en Mike Adriano) Anal Inferno 3
nominearre bêste groepsekssêne (mei Mischa Brooks, Juelz Ventura, Xander Corvus, Tommy Pistol en Michael Vegas) Nymphos
Xbiz Award nominearre bêste sekssêne yn in gonzofilm (mei mei Dana DeArmond, Phoenix Marie en James Deen) James Deen's 7 Sins
nominearre bêste aktrise yn in film mei in relaasjetema Proud Parents
XRCO Award wûn ûnbesongen sirene n.f.t.
2016 AVN Award nominearre bêste lesbyske sekssêne (mei Shyla Jennings) Sisterly Love 2
nominearre bêste sekssêne mei dûbele penetraasje (mei James Deen en Erik Everhard) Analized
Xbiz Award nominearre bêste aktrise yn in lesbyske pornofilm Girlfriends
nominearre bêste sekssêne yn in koarte pornofilm (vignette release) (mei Toni Ribas) My Hotwife Blindfolded
nominearre artyste fan it jier n.f.t.
XRCO Award nominearre ûnbesongen sirene n.f.t.

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes: