Chef de Mission

Ut Wikipedy
Jump to navigation Jump to search

Chef de mission is de persoan dy't de lieding hat oer in Olympysk team.

Syn foarnaamste taak is te soargjen foar in optimale tarieding. De Chef de Mission is ek de sprekbuis en it boechbyld fan it team en moat soargje foar in sûne sportive sfear en motivaasje.

De chef de mission fan it Nederlânske team wurdt keazen troch it bestjoer fan it NOC*NSF. Foar de Spullen fan 2008 wie dat Charles van Commenée, de technysk direkteur fan it NOC*NSF. Foargongers fan him binne ûnder oaren Joop Alberda, Peter Vogelzang en Jan Loorbach. Foar de Olympyske Spullen fan 2010 yn Vancouver wie Henk Gemser Chef de Mission. Foar de Olympyske Simmerspullen fan 2012 yn Londen is dat Maurits Hendriks.