Abbey Hoes

Abbey Hoes
akteur
persoanlike bysûnderheden
echte namme	Emily Abigail Ashley Hoes Gauna
nasjonaliteit	Nederlânsk
berne	20 maaie 1994
berteplak	Rotterdam (Súd-Hollân)
etnisiteit	Nederlânsk
jierren aktyf	2008 – no
prizen	Gouden Keal 2014, 2017
offisjele webside
www.abbeyhoes.nl

Abbey Hoes (folút: Emily Abigail Ashley Hoes Gauna; Rotterdam, 20 maaie 1994) is in Nederlânsk aktrise. Hja is benammen bekend wurden troch har haadrollen yn 'e tillefyzjesearje Petticoat en de spylfilm Nena. Yn 2014 wûn se it Gouden Keal, de wichtichste Nederlânske filmpriis, yn 'e kategory bêste aktrise.

Libben en karriêre

Hoes waard yn 1994 berne yn Rotterdam, mar groeide op yn Mijnsheerenland, yn 'e Hoekske Waard, en folge de middelbere skoalle yn it Drintske Emmen. Hja krige as bern musicalles by it Jongereinteäter Hofplein yn Rotterdam, dêr't har de begjinsels fan sang, dûns en toaniel bybrocht waard. Nei't se slagge wie foar har eineksamens, sette se har nei wenjen yn Amsterdam, dêr't se yn septimber 2012 úteinsette mei in stúdzje oan 'e Amsterdamske Toanielakademy.

Mei tolve jier krige Hoes har earste roltsje, yn in reklamespotsje foar it frisdrinken Roosvicee, mei as tekst "Lekker, zeg!" Har filmdebút makke se yn 2009 mei in lytse byrol yn Lover of Loser fan regisseur Dave Schram. Datselde jiers noch fertolke se de titelrol yn 'e foar in Gouden Keal nominearre film Maite Was Hier. Yn 2014 waard se foar dyselde rol by de Seoul International Drama Awards nominearre foar in priis yn 'e kategory bêste aktrise. Yn 2012 hie Hoes ien fan 'e haadrollen yn 'e ferfilming fan it berneboek Koning van Katoren, fan auteur Jan Terlouw, troch regisseur Ben Sombogaart. Yn 2014 wûn Hoes it Gouden Keal yn 'e kategory bêste aktrise foar har titelrol yn 'e film Nena, oer in teenagefamke dat yn 'e simmer fan 1989 har earste seksuële relaasje hat wylst har oan MS lijende heit in deadswinsk koesteret. Dy film waard ek fertoand op it Filmfestival fan Mill Valley, yn Kalifornje.

Yn 2008 hie Hoes in weromkearende rol yn tsien ôfleverings fan 'e tillefyzjesearje SpangaS. Dêrnei folgen gastrollen yn searjes as Verborgen Verhalen, Van God Los, Zwarte Tulp en Dokter Deen. Ek hie se fêste rollen yn 'e searjes 2012: Het Jaar Nul, Vrijland en Feuten. Fierders die se fan 2012 oant 2015 de neisyngronisaasje fan 'e titelrol yn 'e bernesearje Violetta, fan Disney. Yn 2016 briek Hoes troch by in breder publyk mei har fertolking fan 'e haadrol fan Pattie Jagersma yn 'e lichtfuottige, musicaleftige dramasearje Petticoat. Foar dy rol wûn se in twadde Gouden Keal foar bêste aktrise. Yn 2017 hie Hoes in hiel lyts roltsje yn 'e Amerikaanske aksjekomeedzje The Hitman's Bodyguard.

Filmografy

Filmografy as aktrise
jier	titel	rol of funksje	opmerkings
tillefyzje
2008	SpangaS	Brechtje	weromkearende rol; 10 ôfl.
2009	2012: Het jaar Nul	Felix	fêste rol
2010	Verborgen Verhalen	Karin	gastrol; ôfl. Loser
2010–2012	Vrijland	Daantje Kruithof	fêste rol; 103 ôfl.
2012	Feuten	Charlie Zekveld	fêste rol yn seizoen 2
2012	Van God Los	Iris	gastrol; ôfl. D.I.S.C.O.
2013	De Ontmaskering van de Vastgoedfraude	Roos van Woerkom	minysearje
2012	Bijbel Tapes	ferskaat	as stimaktrise
2012–2015	Violetta	Violetta	fêste rol; as stimaktrise yn 'e Nederlânsktalige neisyngronisaasje
2014	Sneeuwwitje en de Zeven Kleine Mensen	Blanche (Sniewytsje)	minysearje
2015–2016	Zwarte Tulp	Lynn Kester	weromkearende rol
2016	Prooi	famke yn fytstunnel	cameo
2016–2018	Dokter Deen	Pip	weromkearende rol yn seizoen 3 en 4; 13 ôfl.
2016	Petticoat	Pattie Jagersma	fêste rol Gouden Keal foar bêste aktrise yn in tillefyzjesearje
2017	Sinterklaasjournaal	Zielepiet	gastrol; 1 ôfl.
2018	Nieuwe Buren	Fay op den Hage	fêste rol yn seizoen 3
2021	Swanenburg	Tara Verheijen	gastrol; ôfl. Iris 01
2021	De Verraders	harsels	dielnimster oan in realitytillefyzjeprogramma
2021	Het Perfecte Plaatje	harsels	dielnimster oan in realitytillefyzjeprogramma
2021	Dertigers	Claire	fêste rol yn seizoen 2
2022	Lost Luggage	Astrid Hoogsteder	Belgysk-Frânske minysearje
2022	Dirty Lines	Anouk	produksje fan Netflix
2022	Five Live	Honey Molenaar
films
2009	Lover of Loser	?
2009	Het Mysterie van de Volle Maan	Kelly
2009	Maite Was Hier	Maite	nom. Gouden Keal foar bêste aktrise nom. Seoul International Drama Award foar bêste aktrise
2010	Tirza	de jonge Ibi
2011	Nina Satana	Nina
2011	Razend	Roosmarijn
2012	Koning van Katoren	Kim
2015	Finnemans	Lizzie
2015	Nena	Nena	Gouden Keal foar bêste aktrise yn in film
2015	Cinderella	Anastasia	as stimaktrise yn 'e Nederlânsktalige neisyngronisaasje
2015	Minions	Tina Nelson	as stimaktrise yn 'e Nederlânsktalige neisyngronisaasje
2015	Het Verhaal achter Baron 1898	Doortje	koarte film foar de Efteling
2015	De Ontsnapping	de jonge Julia
2015	Ventoux	de jonge Laura
2016	Fissa	Anne-Bo
2016	Hotel de Grote L	Libbie
2017	The Hitman's Bodyguard	blommeferkeapster yn Amsterdam
2018	Gek van Oranje	Eva
2018	Zwaar Verliefd!	Tamara
2019	Vals	Abby
2019	Verliefd op Cuba	Maartje
2020	Buiten is het Feest	Sonne / Willemke
2020	Zwaar Verliefd 2	Tamara
2021	Liefde zonder Grenzen	Lieke
fideoklips
2009	She Blew Like Trumpets	?	nûmer fan Kyteman
2014	Zusje	suske	nûmer fan Ronnie Flex
2020	Mij Niet Eens Gezien	famke	nûmer fan Kriss Kross Amsterdam mei Yade Lauren en Lil Kleine

Trivia

Abbey Hoes is, oars as dat faak tocht wurdt, gjin famylje fan aktrise Isa Hoes. (Likemin is se besibbe oan akteur Geert Hoes, politikus Onno Hoes of muzykprodusint Johnny Hoes.)

Keppelings om utens

• (in) Offisjele webside fan Abbey Hoes
• (in) Folsleine filmografy fan Abbey Hoes yn 'e Internet Movie Database (IMDb)

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side. Commons Wikimedia Commons  Ofbylden dy't by dit ûnderwerp hearre, binne te finen yn de kategory Abbey Hoes fan Wikimedia Commons.