Vriescheloo

Ut Wikipedy
Jump to navigation Jump to search
De Korenbloem

Vriescheloo (Grinslânsk: Vraiskeloo) is in doarp yn de gemeente Bellingwedde yn Grinslân. It hie begjin 2005 986 ynwenners.

De namme komt grif fan de Friezen dy't har yn of by de bosk (loo) fêstigen. Troch de fynst fan in fundearring fan in stienhûs yn de útfiering fan ruilverkavelingswurk blykte dat der yn de 13e/14e iuw in wenkonsintraasje wie op it fean.

Nei dizze perioade fêstige men him op de heger lizzende sânrêch oan de hjoeddeiske buorren. De Oksedyk wie ûnderdiel fan de eardere hannelsrûte tusken Winschoten, Bourtange en Múnster.

In úteinlike doarpsstruktuer, mei in 18e-iuwske tsjerke fan Vriescheloo as middelpunt, ûntstie yn de tiid fan de Frânske oerhearsking.

Yn it begjin fan de 20e iuw foarme de buorren fan Vriescheloo in lang lint fan bebouwing. Der wennen doe benammen minsken dy't yn de lânbou wurken, en in tal winkellju. Der hat earder ek in bierbrouwerij stien. Men fermakke him yn dy tiid mei merke, feekeurings, tentoanstellings, mei as hichtepunt de hurdraverijen fan hynders.

Nei de oarloch ûntstie in nije kearn mei in soad nijbou, wylst it winkelbestân hieltiten fierder efterút gie. Letter is der mear rekreaasje komd.

Yn it doarp stiet de monumintale nôtmole De Korenbloem.