Trochrinner
In trochrinner, ek trochrinder is in puzelsoarte sûnder swarte fakjes yn it diagram.
De wurden moatte yn ien rigel of kolom efter elkoar ynfold wurde. De omskriuwings fan de wurden binne per rigel of kolom oanjûn, mar sûnder oan te jaan hoe lang oft de wurden binne. Dêrtroch is yn it begjin inkeld fan it earste of it lêste omskreaune wurd bekend wêr’t it krekt ynfold wurde moat. Soms is sels de rigel of kolom net nûmere, dit wurdt in folslein trochrinnende trochrinner neamd. Troch it ûntbrekken fan swarte fekjes is it oplossen fan trochrinners lestiger as fan krúswurdpuzels. It is dan ek oan te rieden om te begjinnen mei ‘sekere' oplossingswurden fan de râne fan it diagram ôf.
Trochriners ûntstiene nei alle gedachten as fariant fan de krúswurdpuzel. De trochrinner waard yn de tritiger jierren fan de tweintichste iuw betocht troch de redakteur fan Denksport, Ger Goedegebuure. [1]
Wannear’t de earste Fryske trochrinpuzel publisearre waard is net bekend. Op 2 desimber 1978 ferskynde yn Frysk & Frij in trochrinder fan Tseard Elsinga út Grins.[2] De puzel fan 11x11 blykte foar in soad puzelders wat te dreech. In wike letter ferskynde dêrom ûnder it kopke ‘Foar de pluzers’ fan guon horizontale omskriuwings it letteroantal fan it frege wurd lykas: 4. plak yn Fryslân (4); fortsjinste (4); [3]
Swierrichheid
[bewurkje seksje | boarne bewurkje]De Nederlânske puzelútjouwerij Denksport hat trochrinners yn fiif ferskillende swierrichheidsgradaasjes, rinnend fan 3 oant 7 stjerren. De Flaamske útjouwerij 'De Puzzelaar' hat trochrinners fan 3 stjerren.
| Boarnen, noaten en/as referinsjes: |
|
| Taalpuzels | |
|---|---|
|
anagrampuzel
• drûdel
• filippine
• hertpuzel
• hynstesprong
• kryptogram
• krúswurdpuzel
• paspuzel
• pazurgo
• pentagrampuzel
• petpuzel
• rebus
• sânglêspuzel
• scrabble
• sitaatpuzel
• slashpuzel
• spiraalpuzel
• Sweedske puzel
• taartpuzel
• trochrinner
• weefpuzel
• wordfeud
• wurdfrissel
• wurdian
• wurdl
• wurdljedder
• wurdriuwen
• wurdsiker
| |