Stienwikerlân

Stienwikerlân (Nederlânsk: Steenwijkerland; Nedersaksysk: Steenwiekerlaand of Stienwiekerlaand) is in gemeente yn de provinsje Oerisel, mei 42.358 ynwenners (1 jannewaris 2003), en mei in oerflak fan 330,00 km² (wêrfan 40,72 km² wetter).

Gemeentenamme

Op 1 jannewaris 2001 waarden de gemeenten Iselham en Brederwide oan de gemeente Stienwyk tafoege. De ynwenners fan dy twa eardere gemeenten wienen it lykwols net iens mei de namme Stienwyk. Se joegen oan in namme as "Kop fan Oerisel" of "Stienwikerlân" better te finen omdat by allinnich de namme "Stienwyk" it krekt like oft de gemeenten troch Stienwyk anneksearre wienen. Troch dy protesten is de namme fan de gemeente op 1 jannewaris 2003 feroare ta Stienwikerlân.

Plakken

It haadplak fan de gemeente is Stienwyk, en de oare plakken yn de gemeente binne: Baarlo, Baars, Barsbeek, Basse, Belt-Skutsleat, Blankenham, Blauwe Hand, Bloksyl, De Bult, Doosje, Dwersgrêft, Iestfean, Giteren, Hytfjild, Iselham, Jonen, Kadoelen, Kaleberch, Kallenkote, De Klosse, De Kolk, De Kúnder, Liuwte, Marijenkampen, Moespot, Miggebyt, Nederlân, Aldemerk, Onna, Ossensyl, Paaslo, De Pol, Roekebosk, Ronduite, Skearwâlde, Sint Janskleaster, Stienwikerwâld, Tuk, Follehove, Wanperfean, Wjittering, Willemsoard, Witte Paarden en Súdfean.

Eksterne ferwizing

• Webstee fan de gemeente