Hengelo (gemeente)

Hengelo
flagge	wapen
lokaasje
polityk
lân	Nederlân
Provinsje	Oerisel
Goa	Twinte
boargemaster	Sander Schelberg
sifers en geografy
haadplak	Hengelo
grutste plak	Hengelo
ynwennertal	83.096 (1 jannewaris 2024)
befolkingstichtens	1.365 ynw./km²
oerflak	61,83 km²
● wêrfan lân	60,84 km²
● wêrfan wetter	0,99 km²
tal stêden	1
tal doarpen	1
ferkearsieren	Steatsline D, Spoar fan Almelo nei Salzbergen, A1, A35, N739
skiednis
oprjochte	1811
oar
postkoade	7550-7559
tiidsône	UTC +1
simmertiid	UTC +2
webside	Webstee fan de gemeente

Hengelo (Nedersaksysk: Hengel) is in stêd en gemeente yn de provinsje Oerisel, mei 83.096 ynwenners (1 jannewaris 2024, boarne: CBS), en mei in oerflak fan 61,75 km² (wêrfan 0,69 km² wetter). De gemeente Hengelo waard oprjochte yn 1811.

De stêd Hengelo omfettet it grutste part fan de gemeente. Yn it súdlike part fan de gemeente leit it tsjerkedoarp Beckum. Dêrneist falle de buorskippen Woolde (foar in grut part) en Oele ûnder de gemeente.

Skiednis

Hoewol't út archeologysk ûndersyk bliken dien hat dat der op it plak dêr 't de gemeente him no befynt al in pear tûzen jier bewenning west hat, is de gemeente Hengelo pas ûntstien yn 1811.

De gemeente begûn pas te groeien yn de yndustriële revolúsje fan de njoggentjinde iuw. Ynearsten wie der ek yn Hengelo tekstylyndustry, mar wêr 't dy him yn de rin fan de iuw hieltyd mear konsintrearje soe yn Ynskedee, kaam yn it Hengelose ekonomysk libben de klam hieltyd mear te lizzen op de technyske yndustry.

Yn de jierren 90 waarden der plannen ûntwikkele om de gemeenten Ynskedee, Hengelo en Borne gear te foegjen ta ien gemeente Twintestêd. Yn 2000 waard fan dat plan ôfsjoen, benammen omdat in referindum dy't yn de gemeente Hengelo holden hie útwiisd hie dat der sa goed as gjin draachflak ûnder de pleatslike befolking bestie.

Plakken

De gemeente Hengelo bestiet út 1 stêd, in doarp en trije buorskippen. It gemeentehûs stiet yn Hengelo.

Stêd	Doarp	Buorskip
Hengelo	Beckum	Oele
		Twekkelo
		Woolde

Lizzing

De gemeente Hengelo ûntstie yn 1811 út de marken Beckum, Oele en Woolde. De grinzen waarden yn 1820 wetlik fêstlein en oanjûn troch grinspeallen of fjildstiennen. Fan dy peallen en stiennen binne der acht bewarre bleaun. De gemeente Hengelo leit rûchwei yn it midden fan Twinte en wurdt omjûn troch de plakken Borne yn it noardwesten, Deurningen yn de gemeente Dinkellân yn it noarden, Ynskedee yn it súdeasten, Haaksbergen yn it suden en Delden yn de gemeente Hôf van Twinte yn it westen. In part fan it bûten Twickel leit binnen de gemeentegrinzen.

Ferkear en ferfier

Troch de gemeente rint de steatsline D (Sutfen - Glanerbrug) en ut spoar fan Almelo nei Salzbergen mei twa stasjons yn de gemeente Hengelo en Stasjon Hengelo Gezondheidspark . It busferfier wurd fersoarge troch EBS ûnder de oerkoepeljende namme RRReis. De diken A1 (Knooppunt Watergraafsmeer - De Lutte), de A35 (Swol - Ynskedee) en de 739 (Haaksbergen - Hengelo) trochkruse de gemeente.

• 
  Pleats Wolfkate yn Beckum (2012)
• 
  Stasjon Hengelo (2019)
• 
  Stasjon Hengelo Gezondheidspark (2012)
• 
  Wettermolen Oldemeule yn Oele (2006)
• 
  Swimffiver Tuindorpbad yn Hengelo (2010)
• 
  Skutslûs Hengelo yn it Twintekanaal (2011)

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Hengelo, Oerisel fan Wikimedia Commons.

Oerisel	Flagge fan de provinsje Oerisel
Almelo - Borne - Dalfsen - Dimter - Dinkellân - Haaksbergen - Hardenberg - Hellendoorn - Hengelo - Hôf fan Twinte - Ynskedee - Kampen - Losser - Oldenzaal - Olst-Wijhe - Ommen - Raalte - Rijssen-Holten - Staphorst - Stienwikerlân - Swartewetterlân - Swol (haadstêd) - Tubbergen - Twinterâne - Wierden
· ·