Ljouwerterdyk (wyk)

Ljouwerterdyk

De Ljouwerterdyk, statistysk Omjouwing Ljouwerterdyk en bungalowpark, is in wenwyk binnen de stêd Snits. De wyk hat (iyn 2008) 840 ynwenners en hat in oerflakte fan 43 hektare (wêrfan 5 hektare wetter).

Lizzing en berikberheid

De wyk grinzet yn it noarden oan de wyk Pasveer, yn it easten oan de De Domp, yn it suden oan de Binnenstêd en de It Eilân en yn it westen oan de Beammebuert.

De grutste ferkearsieren fan de wyk binne de Ljouwerterdyk (yn it westen) en de Griene Dyk (yn it noarden). Wetterwegen yn de wyk binne de Aldfeart, dy't de westlike grins foarmet en it Simmerrak, yn it suden grinsline.

Histoarje en bebouwing

In blik op de Ljouwerterdyk (2011).

De earste bebouwing fan dizze wyk wie oan it Simmerrak. Om 1860 wie de binnenstêd fol en waard hjir, krektas yn de Noardeasthoeke, bûten de stêdswâlen boud. Oan de Ljouwerterdyk folgen letter steatige huzen yn de riante styl fan Engelsman Ebenezer Howard. Yn dizze tiid waard ek it Sportpark Ljouwerterdyk oanlein.

Efter it Sportpark leit it Boargemaster de Hooppark, mei ûnder mear swimbad It Rak en it Joadske begraafplak. Ten noarden fan it park is yn de jierren 70 in grutte bungalowwyk boud.

Strjitnammeferklearring

De strjitten yn it suden fan de wyk binne ferneamd nei skipsûnderdielen. Yn it noarden binne de strjitten ferneamd nei it Wiarda (laach).

It besjen wurdich

• Sportpark Ljouwerterdyk
• It Joadske begraafplak
• Joadsk monumint
• Rivier de Aldfeart
• De fuotgongers en fytsbrêge oer de Aldfeart tusken de 1e Easterkaai en de Harinxmakaai

Foarsjennings

• Swimbad It Rak
• It Boargemaster de Hooppark
• De Snitser Jachthaven

Boarnen, noaten en referinsjes

Boarnen, noaten en/as referinsjes:

Gemeentebestjoer Snits (1978) Geschiedenis in straatnamen. Plak fan útjefte: Snits. Gemeente Snits, Provinsje Fryslân, Rykstsjinst foar Archeology, Kultuerlânskip en Monuminten (2008) Sneek. Plak fan útjefte: Amersfoort.