Noarderhoek I
De Noarderhoek I is in wenwyk binnen de stêd Snits. De wyk telt (yn 2008) 1560 ynwenners en hat in oerflakte fan 35 hektare (wêrfan 1 hektare wetter).
De wyk grinzet yn it noarden oan de wyk De Lotten, yn it easten oan de Noardeasthoek, yn it suden oan de Himdyk en yn it westen oan de Noarderhoek II.
De wyk wurdt diels begrinze troch de Boalserterdyk en de Worp Tjaardastrjitte, dy'tek de wichtichste ferkearsieren foarmje. Yn it easten wurdt de dyk begrinze troch it Spoar Ljouwert - Starum.
De Frjentsjerter Feart rint diels troch de wyk,ûnder de spoarwei rint in fuot- en fytstunnel. Yn it noardeasten fan de wyk stiet treinstasjon Snits Noard.
Histoarje en bebouwing[bewurkje seksje | boarne bewurkje]
It grutste diel fan de bebouwing fan de wyk, sa'n twa tredde, stamt út de perioade fan foar 1945. It oare diel fan de gebouwen en wenningen is boud yn de perioade tusken 1945 en 1975. Yn de wyk steane relatyf in soad iengesinswenningen, dy 't allegear yn de foaroarlochske perioade sûnt 1926 boud binne. It grutste diel fan de wyk bestiet ú hierwenningen, dy 't beheard wurde troch Wenningstichting De Wieren. De wyk hat amper heechbou en hat in grut plantsoen oan de Gijsbert Japiksstrjitte.
De wyn ûndergiet om 2010 in werynrjochting. Yn 2011 is yn de wyk in nijboud wensoarchsintrum iepene oan de Worp Tjaardastrjitte en Harmen Sytstrastrjitte.
Om de Ubbo Emmiusstrstrjitte binne in tal winkels, wêrûnder in kapper, in blommesaak en in slachterij.
Yn de wyk is in wykferiening Noarderhoek aktyf. De feriening beheart it wyksintrum Skuttersheuvel en bringt it wykblêd De Schuttersbode út.
Strjitnamen[bewurkje seksje | boarne bewurkje]
De strjitten yn de wyk binne meast neamd nei grutte Fryske skiedskriuwers:
| Strjitnamme | Ferneaming |
|---|---|
| Gysbert Japiksstrjitte | Gysbert Japicx (1603-1666), Fryske renêssânseskriuwer |
| Waling Dijkstrastraat | Waling Dykstra (1821-1914), Fryske skriuwer |
| Eeltje Halbertsmastrjitte | Eeltsje Halbertsma (1797-1858), Fryske arts en skriuwer |
| Ubbo Emmiusstrjitte | Ubbo Emmius (1547-1625) de earste rektor magnifikus fan de Akademy yn Grins |
It besjen wurdich[bewurkje seksje | boarne bewurkje]
Foarsjennings[bewurkje seksje | boarne bewurkje]
- It Algemiene Begraafplak, mei oarlochsgrêven
- It Friesland College, skoalle foar MBO-opliedingen
- It wyksintrum Skuttersheuvel
Sjoch ek[bewurkje seksje | boarne bewurkje]
| Boarnen, noaten en/as referinsjes: |
|
 |
Wiken en buerten yn de stêd Snits |  |
|---|---|---|
| Wiken: Aldfeart • Beammebuert • Binnenstêd • De Domp • It Eilân • Dúnterpen • It Ges • Harinxmalân • Himdyk • De Himmen • Houkesleat • Lemsterwei-East • Lemsterwei-West • Ljouwerterdyk • De Lotten • Noardeasthoek • Noarderhoek I • Noarderhoek II • Pasfear • Poarte fan Snits • Sperkhim • Stasjonsbuert • Stedsfinne • Swetteplan • Tinga | ||
| Buerten: Malta • Spitaal • Túndoarp | ||
| wizigje | ||