De Windhond (Saandam)

De Wynhûn
mûne / mole
lokaasje
provinsje	Noard-Hollân
gemeente	Saanstêd
plak	Saandam
koördinaten	52° 28' N 4° 49' E
bysûnderheden
type mûne	stellingmûne
funksje	bik- en slypmûne
flecht	3,75 m
boujier	1890
oare ynformaasje
eigner	Stifting De Zaanse Schans
monumintale status	gemeentlik monunimt
Kaart

De Wynhûn (offisjeel De Windhond) is in lyts mûntsje op 'e Saanske Skâns yn 'e Noard-Hollânske gemeente Saanstêd.

It mûntsje is yn 1890 troch Jan Swart boud en wie in jierdeiskado foar syn 7 jier âlde soan Tijmen. Yn dy tiid waarden sokke mûntsjes faak foar bern boud, dy't dêrmei in hanneltsje yn bikstien driuwe koene. Bikstien waard fral brûkt om mei te skjirjen. De Wynhûn is de lêste mûne yn syn soarte.

Nei omswalkingen yn Saandam waard it mûntsje lang om let yn 1965 oan 'e stifting De Zaanse Schans skonken. It mûntsje hie doe ek in seagerij, mar dy is by de ferhûzing nei de Saanske Skâns net wer boud. Der binne wol njoggen stampers foar bikstien meigien en yn 1980 is der noch in slypstien byset. Op it eardere plak hie it mûntsje ek noch in skuorre derby, dy't net lang ferlyn rekonstruearre is, sadat de mûne wer it oansjen fan eartiids hie.

It mûntsje is in gemeentlik monumint en regelmjittich yn bedriuw.

Keppeling om utens

• fer. De Hollânske Mûne.

Boarnen, noaten en/as referinsjes:

Mûnedatabase Commons Wikimedia Commons  Ofbylden dy't by dit ûnderwerp hearre, binne te finen yn de kategory De Wynhûn fan Wikimedia Commons.