Jonkerslân

	Jonkerslân
	Fûgelsang
	Emblemen
	Bestjoer
Lân	Nederlân
provinsje	Fryslân
gemeente	Opsterlân
	Sifers
Ynwennertal	275 (1 jannewaris 2023)
Oerflak	4,65 km²
Befolkingsticht.	62 ynw./km²
	Oar
Koördinaten	53° 58' N 6° 00' E
	Offisjele webside
	FB-side Jonkerslân (net offisjeel)
	Kaart
	;

Jonkerslân is in doarp yn de gemeente Opsterlân, súd fan Gordyk.

Jonkerslân is bekend om de moaie beamwâlen. Der wurdt ek war dien om toeristen oan te lûken

Jonkerslân hat 275 (1 jannewaris 2023)^[2] ynwenners en is dêrmei it op ien nei lytste plak fan Opsterlân.

Skiednis

Jonkerslân hat syn namme krigen troch Piter Dekema. Piter Dekema wie neist riedshear by it Hof fan Fryslân ek ûndernimmer. Dekema wie ien fan de kompanjons fan de Skoatterlânske Kompenije, mar hy hie foar himsels ek in eigen feanterij.

Der wurdt oannommen dat Dekema's feanterij yn Opsterlân healwei de 16e iuw begûn mei syn sweager Boudewijn van Loo. Foar it ferfieren fan de turf waard de Jonkersfeart groeven. Dizze feart slette wer oan op de oare fearten dy't foar dit doel groeven binne. De Jonkersfeart is net mear befarber, mar is noch wol werom te finen yn it lânskip.

Jonkerslân is in jong doarp en hat lang in part fan Langsweagen west. Sa om 1850 hinne kaam der wat wy no in ferieniging foar doarpsbelang neame soenen. De oantekenboeken fan dy feriening binne bewarre bleaun en binne yn it museum fan 'e Gordyk. Yn 'e rin fan tiid binne de doarpsgrinzen yn Opsterlân feroare. De buorskippen Jonkerslân en Fûgelsang binne doe it doarp Jonkerslân wurden.

Doe't it boerebedriuw'yn Jonkerslân minder arbeiders nedich hie, fûnen minsken fral wurk op 'e Gordyk. Mei de oanlis fan De Feanboarch krige it doarp nijbou.

Mienskip

It doarpshûs fan Jonkerslân is De Lytse Jonker. Dat gebou wie eartiids de basisskoalle, mar doe't dy yn 2014 slute moast, waard it omboud ta it nije doarpshûs. "Us Doarpshûs", it âlde doarpshûs, waard dêrnei ferkocht en krige in nije funksje as wenhûs.

Yn it doarp is fierders is in spesjale Boarterstúnferiening, in Feestkommisje en in Aktiviteitenkommisje. Ein maaie, begjin juny is it jierlikse doarpsfeest. "Jarrewetter" is it pleatslike slokje.

Tsjerke

PKN-Langsweagen-Lúkswâld-Jonkerslân

Skoalle

Bern binne foar basisûnderwiis op Langsweagen oanwiisd. De skoalle fan Jonkerslân waard yn 2014 sletten fanwegen te min bern.

Ferienings

Eveneminten

Doarpsfeest (maaie/juny).

Strjitten

Bonteboksleane, De Nije Sleat, Feanboarch, Fûgelsang, Jelle Beenenwei, Langewyk, Sing-Sang, Twadde Kompanjonswei.

Publikaasje(s)

A. Postma e.o. Trije yn ien (Histoarysk fotoboek oer Jonkerslan, Langsweagen en Lúkswâld).

Sjoch ek

Boarnen, noaten en referinsjes

Boarnen, noaten en/as referinsjes:

Wikimedia Commons

Ofbylden dy't by dit ûnderwerp hearre, binne te finen yn de kategory Jonkerlân fan Wikimedia Commons.

52° 58' NB, 6° 2' EL

	Opsterlân
Doarpen en útbuorrens: Bakkefean • Beetstersweach • Fryske Peallen • De Gordyk • De Himrik • Jonkerslân • Langsweagen • Lippenhuzen • Lúkswâld • Nij Beets • Oerterp • Olterterp • Sigerswâld • Terwispel • De Tynje • Wynjewâld
Buorskippen: Ald Beets • Allardseach (foar in part) • It Foarwurk • Foksebuorren • De Hanebuert • Hanebuorren • Heidehuzen • Himrikerferlaat • Koartsweagen • Lyts Grins • Moskou (foar in part) • Nije Feart • Oerterp oan de Feart • Petersburch • Selmien • Sparjeburd • De Ulesprong • Weinterpferlaat • De Wyngaarden
· ·

[1] ttps://opendata.cbs.nl/statline

[2] ttps://opendata.cbs.nl/statline

[3] Sa24, 12 april 2017

[1]

[2]

[3]