Tantoo Cardinal

Ut Wikipedy
Jump to navigation Jump to search
Tantoo Cardinal
Filmklapper.png akteur
persoanlike bysûnderheden
echte namme Tantoo Cardinal
nasjonaliteit Flag of Canada.svg Kanadeesk
berne 20 july 1950
berteplak Fort McMurray (Alberta)
etnisiteit Flag of the Metis (francophone).PNG Mety
Gjin Flagge (Bekend).PNG Kry
jierren aktyf 1975 – no
offisjele webside
gjint

Tantoo Cardinal (Fort McMurray (Alberta), 20 july 1950) is in Kanadeesk aktrise fan mingd Mety- en Kry-Yndiaansk etnysk komôf. Se hat in protte film- en tillefyzjewurk dien, wêrby't se ornaris byrollen fertolke. Dêrnjonken hat se ek in soad op 'e planken stien. Yn Jeropa ken men har mooglik út spylfilms as Dances with Wolves en Legends of the Fall.

Libben en karriêre[bewurkje seksje | boarne bewurkje]

Jonkheid[bewurkje seksje | boarne bewurkje]

Cardinal waard yn 1950 berne yn Fort McMurray, yn it noardlike part fan 'e Kanadeeske provinsje Alberta. Har mem, Julia Cardinal, wie in Mety (Métis) (d.w.s. ien dy't fan mingd blank en Yndiaansk ras wie), en har heit wie in Kry-Yndiaan (Cree). Hja waard grutbrocht troch it folk fan har mem.

Karriêre[bewurkje seksje | boarne bewurkje]

Yn 1975 sette Cardinal mei 25 jier útein mei in karriêre as aktrise. Hja hie rollen yn in grut tal films. Sa spile se yn 1990 de rol fan Black Shawl yn it bekroande Dances with Wolves, mei as tsjinspilers û.o. Kevin Costner, Mary McDonnell, Graham Greene, Rodney A. Grant en Floyd Red Crow Westerman. It jiers dêrop wie se te sjen as de frou fan it personaazje Chomina, yn 'e film Black Robe. Mei û.m. Brad Pitt, Anthony Hopkins, Aidan Quinn, Julia Ormond, Gordon Tootoosis en Karina Lombard spile Cardinal yn 1994 yn it bekroande Legends of the Fall, wêrby't se de rol fan Pet Decker fertolke.

De hânleasten fan Tantoo Cardinal op 'e Aboriginal Walk of Honour, yn Edmonton.

Guon oare films dêr't Cardinal byrollen yn hie, wiene Loyalties (1986), War Party (1988), Sioux City (1994), Smoke Signals (1998) en Eden (2012). Yn 1994 fertolke se de titelrol yn 'e film Silent Tongue, en yn 1994 spile se yn 'e tillefyzjefilm Lakota Woman: Siege at Wounded Knee, oer de Besetting fan Wounded Knee. Op 'e tillefyzje spile Cardinal yn 1992 ek mei Eric Schweig en Gordon Tootoosis yn 'e minysearje By Way of the Stars. Gastrollen hie se yn searjes as North of 60, Dr. Quinn, Medicine Woman, Spirit Bay, The Killing, Arctic Air en Longmire. Yn 2012 en 2013 hie se in fêste rol yn 'e rige Blackstone.

Yn 1999 rjochte Cardinal mei Gordon Tootoosis de Saskatchewan Native Theatre Company op, in Yndiaansk toanielselskip yn Kanadeeske provinsje Saskatchewan, en yn dy hoedanichheid holp se jonge Yndiaanske akteurs om harren karriêre fan 'e grûn te krijen. Sels stie se ek in protte op 'e planken, en yn 2012 hie se de rol fan Regan yn in opfiering fan it toanielstik Kening Lear, fan Shakespeare, troch in folslein Yndiaanske cast yn it National Arts Centre yn 'e Kanadeeske haadstêd Ottawa. Yn 2009 waard Cardinal foar har bydragen oan film, tillefyzje en toaniel beneamd yn 'e Oarder fan Kanada.

Priveelibben[bewurkje seksje | boarne bewurkje]

Op 23 augustus 2011 waarden Cardinal, har kollega-aktrise Margot Kidder en tsientallen oaren arrestearre by in demonstraasje tsjin it foarstelde trochlûken fan 'e Keystone-oaljepiiplieding.

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.