Stasjon Doardt

Stasjon Doardt station Dordrecht
Stasjon Doardt yn 2014
lokaasje
lân	Nederlân
Provinsje	Súd-Hollân
Gemeente	Doardt
plak	Doardt
adres	Stationsplein 1
arsjitektuer
stasjonskoade	Ddr
iepening	1 jannewaris 1872
boujier	1870
arsjitekt	Karel Hendrik van Brederode
monumintale status	Ryksmonumint
monumintnûmer	522309
oare ynformaasje
perrons	3
perronspoaren	7
spoarline	Steatsline I Spoar fan Elst nei Doardt
	24.483 (2018)
offisjele webside
NS stasjonsynformaasje
kaart

Stasjon Doardt (Ddr) is it âldste spoarstasjon fan de stêd Doardt, yn de Nederlânske provinsje Súd-Hollân. It op 1 jannewaris 1872 iepene stasjon leit besuden it sintrum, by de njoggentjinde-iuwske skyl. It is boud as in standertstasjon fan de Steatsspoarwegen, in stasjon fan it type SS earste klasse, en is ien fan de twa stasjons dy't yn dizze klasse boud is, de oar is Stasjon Swol.

Gebou

It stasjon leit bûten de eardere stedsmuorren fan Doardt en bûten de eardere bebouwing. Om de stêd te ferbinen mei it stasjon is in streekrjochte trochstek nei de stêd oanlein, de Johan de Wittstrjitte. Lâns dizze rûte is yn 1879 in hynstetramwei iepene nei it sintrum fan Doardt en de Merwekade, dêr 't oansluting wie op de fearboaten nei de streek. Dizze tram is yn 1919 opheft. It stasjonsgebou is yn neorenêssânsestyl oplutsen en falt op troch syn monumintale boustyl. Yn de tiid dat it stasjon boud waard, stie it op it grûngebiet fan de doetiidske gemeente Dubbeldam.

Stasjon Doardt beskikt oer trije perrons mei dêrlâns sân perronspoaren: 1 oant en mei 5, 15 en 20. De spoaren 1 oant en mei 5 wurde brûkt foar trochgeande treinen, perronspoar 15 is in kopspoar oan de eastkant, yn gebrûk foar treinen rjochting Geldermalsen en it westlike kopspoar 20 wurdt allinnich yn de moarntiid brûkt troch in Sprinter rjochting Rotterdam. Dêrneist hat Doardt noch in tal frachtspoaren. Oan 'e westkant fan it emplasemint, op 'e hichte fan de eardere Spoarweihaven, slút de stamline nei de Doardtske havens oan.

Yn 1995 is in tredde spoar rjochting Lage Zwaluwe oanlein. Dit om frachttreinen de mooglikheid te jaan om te wachtsjen bûten it stasjon sûnder reizgerstreinen te hinderjen. Ek kommende fan Geldermalsen is in ekstra spoar oanlein.

Treinferbinings

Searje	Treintype	Rûte	Tsjinstroaster
2200	Intercity (NS)	Amsterdam Sintraal – Amsterdam Sloterdijk – Haarlim – Leien Sintraal – De Haach HS – Delft – Skiedam Sintrum – Rotterdam Sintraal – Doardt – Roosendaal – Flissingen
2400	Intercity (NS)	Lelystêd Sintrum – Almere Bûten – Almere Sintrum – Amsterdam Súd – Skiphol Airport – Leien Sintraal – De Haach HS – Delft – Skiedam Sintrum – Rotterdam Sintraal – Doardt
3700	Intercity (NS)	Doardt – Rotterdam Sintraal – Skiedam Sintrum – Delft – De Haach HS – Leien Sintraal – Skiphol Airport – Amsterdam Súd – Utert-Sintraal – De Bosk – Eindhoven Sintraal – Helmond – Venlo	Rydt allinnich jûns en sneins. Rydt op wykdagen yn de betide jûn ien rit fan Venlo ôf nei Rotterdam Sintraal en twa ritten fan Dordrecht nei Venlo, de rest fan de ritten op wykdagen ride allinnich tusken Schiphol Airport en Venlo oer.
21400	Intercity (NS)	Rotterdam Sintraal – Doardt – Eindhoven Sintraal – Utert-Sintraal	Alinne freedtenachts
5000	Sprinter (NS)	De Haach Sintraal – De Haach HS – Delft – Skiedam Sintrum – Rotterdam Sintraal – Rotterdam Blaak – Rotterdam Lombardijen – Doardt	Rydt net yn it wykein en nei 20:00 oere jûns.
5100	Sprinter (NS)	De Haach Sintraal – De Haach HS – Delft – Skiedam Sintrum – Rotterdam Sintraal – Rotterdam Blaak – Rotterdam Lombardijen – Doardt
5900	Sprinter (NS)	Doardt – Roosendaal	Jûns en yn it wykein ien kear yn 'e oere.
6600	Sprinter (NS)	Doardt – Breda – Tilburch – De Bosk – Nimwegen – Arnhim Sintraal	Rydt allinnich yn de spits tusken Nimwegen en Arnhim Sintraal v.v.
7100	Sprinter (Qbuzz)	Doardt – Gorkum
7300	Sprinter (Qbuzz)	Doardt – Gorkum – Geldermalsen

Boarnen, noaten en referinsjes

Boarnen, noaten en/as referinsjes:

Wikipedy:NL (ned) stationsweb.nl Commons Wikimedia Commons  Ofbylden dy't by dit ûnderwerp hearre, binne te finen yn de kategory Station Dordrecht fan Wikimedia Commons.