Nancy Travis

Ut Wikipedy
Springe nei navigaasje Springe nei sykjen
Nancy Travis
Filmklapper.png akteur
Nancy Travis 2012.jpg
persoanlike bysûnderheden
echte namme Nancy Ann Travis
nasjonaliteit Flag of the United States.svg Amerikaansk
berne 21 septimber 1961
berteplak New York (New York)
etnisiteit Flag of England.svg Ingelsk
jierren aktyf 1980 – no
offisjele webside
Nancy Travis yn 'e IMDb

Nancy Travis (folút: Nancy Ann Travis; New York, 21 septimber 1961) is in Amerikaansk aktrise dy't op it wite doek benammen bekend wurden is mei har rollen yn 'e film Three Men and a Baby, yn it ferfolch dêrop, Three Men and a Little Lady. Op 'e tillefyzje is se bekend fan 'e komeedzjesearjes Becker en Last Man Standing.

Libben en karriêre[bewurkje seksje | boarne bewurkje]

Jonkheid en oplieding[bewurkje seksje | boarne bewurkje]

Travis waard yn 1961 berne yn New York, as de dochter fan Gordon Travis, in ferkeapmeiwurker, en dy syn frou Theresa, in maatskiplik wurkster. Hja groeide lykwols op yn Boston, yn 'e Amerikaanske steat Massachusetts, en letter yn Baltimore, yn Marylân. Se waard roomsk grutbrocht.

Karriêre[bewurkje seksje | boarne bewurkje]

Nei't se de middelbere skoalle trochrûn hie, sette Travis útein mei aktearjen. Har earste rol hie se yn it toanielstik It's Hard to Be a Jew, yn it American Jewish Theatre yn New York. Letter rjochte se mei oaren it toanielselskip Naked Angels op. Yn 1984 makke hja har debút op Broadway yn it stik I'm Not Rappaport. Fan 1985 ôf spile Travis ek yn in grut tal films, wêrûnder de komeedzje Three Men and a Baby (1987), mei Tom Selleck, Ted Danson en Steve Guttenberg, en it ferfolch dêrop, Three Men and a Little Lady (1990). Op it wite doek wie Travis fierders te sjen yn fillms as Air America (1990), Internal Affairs (1990), Greedy (1994), Fluke (1995) en The Sisterhood of the Traveling Pants (2005).

Dêrnjonken wie Travis ek op 'e tillefyzje te sjen, mei gastrollen yn û.m. de dramasearje Desperate Housewives, de sikehûssearje Grey's Anatomy en de komeedzjesearje How I Met Your Mother. Yn 1986 spile se mei Omar Sharif yn 'e minysearje Harem. Yn 1999 hie se in haadrol yn 'e komeedzjesearje Work with Me, wêrfoar't se ek produsinte wie, mar fanwegen minne sjochsifers waard dy rige al nei fjouwer ôfleverings stopset. Yn 2002 fertolke Travis de haadrol fan perfester Joyce Reardon yn 'e minysearje Rose Red, nei in ferhaal fan horrorskriuwer Stephen King. Datselde jiers bemachtige hja in fêste rol yn 'e lêste beide seizoenen fan 'e komeedzjesearje Becker, as de tsjinspylster fan Ted Danson, wêrby't hja de oarspronklike froulike haadpersoan, spile troch Terry Farrell, ferfong. Fan 2007 oant 2009 hie Travis in fêste rol yn The Bill Engvall Show. Fierders hat se ek geregeldwei wurke as stimaktrise, bygelyks fan 1994 oant 1997 foar de Disney-tekenfilmsearje Duckman.

Yn 2011 krige se ien fan 'e haadrollen yn 'e komeedzjesearje Last Man Standing. Dêryn spile se Vanessa Baxter, de wynsûpende, sosjaal knoffelige mem fan trije dochters, en de frou fan it personaazje fan Tim Allen. Travis waard ek cast as Emmeline Hattenbarger yn 'e sikehûssearje Heart of Dixie, mar doe't de opnamen dêrfoar net te kombinearjen blieken mei har ferplichtings oangeande Last Man Standing, ferliet se dy searje al nei twa ôfleverings. Nei seis seizoenen sette tillefyzjenetwurk ABC Last Man Standing yn 2017 stop, mar de rige waard yn it neijier fan 2018 troch Fox nij libben ynblaasd. Travis behold har haadrol oant de searje úteinlik yn 2021 foargoed ophold.

Yn 2017 en 2018 spile Travis in weromkearende rol yn 'e searje Mr. Mercedes. Yn 2018 en 2019 hie se in fêste rol yn 'e komeedzjesearje The Kominsky Method, fan tillefyzjeprodusint Chuck Lorre. Dêryn hie se Michael Douglas en Alan Arkin as tsjinspilers.

Priveelibben[bewurkje seksje | boarne bewurkje]

Travis troude yn 1994 mei Robert N. Fried, de eardere algemien direkteur fan filmstudio Savoy Pictures en oprjochter fan SpiritClips.com. Mei him hat hja twa soannen: Benjamin (1998) en Jeremy (2001). Yn 2007 spile Travis mei har soan Benjamin yn 'e koarte film Sally, dy't skreaun wie troch har man.

Filmografy[bewurkje seksje | boarne bewurkje]

Filmografy as aktrise
jier titel rol of funksje opmerkings
tillefyzje
1985 Malice in Wonderland Ann tillefyzjefilm
1986 Harem Jessica Gray minysearje
1986 Spenser: For Hire Maggie Ellis gastrol; ôfl. The Hopes and Fears
1993 Fallen Angels Bette Allison gastrol; ôfl. The Frightening Frammis
1994–1997 Duckman Bernice
Beverly
Beatrice
beppe
as stimaktrise; fêste rollen; 67 ôfl.
1995–1997 Almost Perfect Kim Cooper fêste rol; 34 ôfl.
1996 The Real Adventures of Jonny Quest Spencer as stimaktrise; gastrol
1998 Superman: The Animated Series Darci Mason as stimaktrise; gastrol; 1 ôfl.
1999 Work with Me Julie Better fêste rol; 9 ôfl.; ek produsinte
2000 Running Mates Jenny Pryce tillefyzjefilm
2002 Rose Red prof. Joyce Reardon minysearje
2002–2004 Becker Chris Connor fêste rol; 39 ôfl.
2007–2009 The Bill Engvall Show Susan Pearson fêste rol; 30 ôfl.
2007 The Party Never Stops: Diary of a Binge Drinker    April Brenner tillefyzjefilm
2008 Medium Laura Swenson gastrol; ôfl. Do You Hear What I Hear?
2009 Numb3rs dr. Jane Karellen gastrol; ôfl. First Law
2009 Safe Harbor Robbie tillefyzjefilm
2010 The Pregnancy Pact Lorraine Dougan tillefyzjefilm
2010 A Walk In My Shoes Cindy / Trish tillefyzjefilm
2010 Desperate Housewives dr. Mary Wagner weromkearende rol; 2 ôfl.
2011 Grey's Anatomy Alison gastrol; ôfl. Not Responsible
2011 How I Met Your Mother Cheryl Whittaker gastrol; ôfl. Legendaddy
2011 Hart of Dixie Emmeline "Mrs. H" Hattenbarger    fêste rol; 2 ôfl.; ôfsein omreden fan oare ferplichtings
2011–2021 Last Man Standing Vanessa Baxter fêste rol; 194 ôfl.
2017–2018 Mr. Mercedes Donna Hodges weromkearende rol; 7 ôfl.
2018 The Ranch Karen gastrol; ôfl. Telling Me Lies
2018–2019 The Kominsky Method Lisa fêste rol; 16 ôfl.
films
1987 Three Men and a Baby Sylvia Bennington
1988 Married to the Mob Karen Lutnick
1988 Eight Men Out Lyria Williams
1988 I'll Be Home for Christmas Leah Bundy
1989 How Much Is Really True? ? koarte film
1990 Loose Cannons Riva
1990 Internal Affairs Kathy Avilla
1990 Air America Corinne Landreaux
1990 Three Men and a Little Lady Sylvia Bennington
1992 Passed Away Cassie Slocombe
1992 Chaplin Joan Barry
1993 The Vanishing Rita Baker
1993 So I Married an Axe Murderer Harriet Michaels
1994 Greedy Robin
1995 Fluke Carol Johnson
1995 Lieberman in Love Kate koarte film
1995 Destiny Turns on the Radio Lucille
1995 Body Language T.J. Harlow
1996 Bogus Lorraine Franklin
1999 My Last Love Susan Morton ek filmprodusinte
2000 Beyond Suspicion Carol
2005 The Sisterhood of the Traveling Pants Lydia Rodman
2007 The Jane Austen Book Club Cat Harris
2007 Sally Sally koarte film
2014 Squatters Carol
2014 Dissonance Bobbi koarte film
2015 The Submarine Kid frou Koll
2017 Bernard and Huey Mona
2018 Married Young Rachel

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.