Algemien direkteur

Ut Wikipedy
Gean nei: navigaasje, sykje

In algemien direkteur is de einferantwurdlik binnen it bestjoer fan in bedriuw. Dizze titel wurdt ornaris inkeld brûkt yn grutte ûndernimmings. As it bestjoer mar út ien persoan bestiet, sprekt men yn 'e regel simpelwei fan in direkteur. Synonimen foar algemien direkteur binne bestjoersfoarsitter en delegearre bestjoerder. Tsjinwurdich heart men ek faak de Ingelske term CEO (útspr.: ['si:ʔi:ʔoʊ], likernôch: "sii-ii-oo"), dat in ôfkoarting is foar chief executive officer, "útfierend haadofsier".

De persize rol fan in algemien direkteur hinget ôf fan 'e bedriuwsfoarm. Der bestiet in model wêrby't it bewâld oer in ûndernimming inkeld fierd wurdt troch in bestjoerskommisje mei oan it haad de algemien direkteur. Mar it komt ek in soad foar dat der njonken it útfierend of deistich bestjoer (dan faak de direksje neamd) ek in ried fan bestjoer bestiet, dy't ornaris ien kear yn 'e moanne of noch minder faak gearkomt om tafersjoch op it deistich bestjoer te hâlden en strategyske beliedsbesluten te nimmen. Yn it earste model hat de algemien direkteur mear macht, mar beide kearen is hy of sy dejinge dy't binnen it bestjoer fan it bedriuw ferantwurdlik is foar de algehiele gong fan saken. Dat hâldt ek yn dat de algemien direkteur faak syn funksje dellizze moat as de resultaten fan it bedriuw ôffalle.

Sjoch ek[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: References en Further reading, op dizze side.