Meidogger oerlis:Drewes/argyf2015

Global account

Hi Drewes! As a Steward I'm involved in the upcoming unification of all accounts organized by the Wikimedia Foundation (see m:Single User Login finalisation announcement). By looking at your account, I realized that you don't have a global account yet. In order to secure your name, I recommend you to create such account on your own by submitting your password on Special:MergeAccount and unifying your local accounts. If you have any problems with doing that or further questions, please don't hesitate to contact me on my talk page. Cheers, DerHexer (talk) 10 jan 2015, 16.40 (CET)

Walde/inzen

Ha, Drewes. Dat sil yn it Frysk "Waldinzen" wurde moatte, tink ik. Alle Nederlânske wurden op -ens hawwe yn it Frysk -ins (lins, mins(ke), Rins(e), yntins; no, der sille wol mear wêze, mar dêr kom ik op it stuit even net op). "Waldinzen", dus. Ieneach fan 'e Esk (talk) 10 jan 2015, 17.06 (CET)

Ik bin bliid dat jo noch op myn advys te seil doare te gean. Ieneach fan 'e Esk (talk) 10 jan 2015, 17.17 (CET)

U, û of oe?

Drewes, ik bin no mei de Russen oan 'e gong, en it falt my op dat dy nammen der mar wat hinne stavere wurde. Fral de Russyske, of eins Syrillyske, û wurdt op trije ferskillende manieren stavere (u, û, oe). It liket my de baas om dêr wat oarder yn oan te bringen. No makket it my net sa'n mâle soad út hokfoar fariant oft it wurdt, as dy mar konsekwint brûkt wurdt. Om't jo gauris in Russyske biografy oanmeitsje en iksels dat mar komselden dien haw, liket it my ta dat jo yn dizze saak it earste wurd mar hawwe moatte. Ik moat sizze dat de û yn persoansnammen net myn persoanlike foarkar hawwe soe, mar as jo dy foarm ditoangeande krekt graach hawwe wolle, dan sil ik dêr ek gjin sliep om ferlieze. Salang't we mar net farianten as Jûlija Lipitskaja, Nikita Chroesjtsjov en Vladimir Putin njonkeninoar hawwe, dat liket nearne nei. Ieneach fan 'e Esk (talk) 11 jan 2015, 12.17 (CET)

Ja, okee, mar ik bedoelde mei "oe" en "u" yn dit gefal net de twalûd-oe en de ú, mar gewoan de koarte û, dêr't se yn it Nederlânsk ek wol foar brûkt wurde yn Poetin en Putin (ek net altyd konsekwint). Mar as jo foar it transliterearjen fan 'e Syrillyske û de foarkar jouwe oan ús "û", dan is my dat ek wol bêst.

Oer de W/V-kwestje: it tinkt my dat wy ek wer net tefolle ferfryskje wolle moatte. It is wier dat de v oan it begjin fan Russysk nammen mear liket op ús w en oan 'e ein mear op ús f. Dat wol sizze: sa't wij dy nammen útsprekke. Mar yn it Russysk is it fansels konsekwint in v-klank. En dy hat it Frysk ek wol ("weve"), allinnich net oan it begjin of de ein fan wurden. Mar de begjin-V ferfryskje wy yn oare talen ek net (c.q. Rita Ferdonk), en as we oan 'e ein-v begjinne te prutsen, komme we wer yn 'e problemen mei Russen om utens, lykas Isaac Asimov. Dus ik soe foarstelle om 'e v yn Russyske nammen gewoan te hanthavenjen, en inkeld de stavering fan 'e û gelyk te lûken. En dat moat neffens jo de û wurde. Dêr kin ik my wol yn fine, mar dan meitsje we der dus ek Chrûsjtsjov fan. Ieneach fan 'e Esk (talk) 11 jan 2015, 14.43 (CET)

Dat liket my wol it bêste. Wat de u/û/oe-kant oangiet, wachtsje ik even ôf wat der út it berie komt. Ik notearje ûnderwilens alle Russyske nammen mei û wol even, dan kin ik aansten oanpasse wat der oanpast wurde moat sûnder dat ik it hiele spul wer troch hoech. Ieneach fan 'e Esk (talk) 11 jan 2015, 18.01 (CET)

Wat dy /u(:)/ of /oe/ lûden oanbelanget, soe ik sa ticht mooglik by de ynternasjonale fonetyk bliuwe. Ik sykje sels altiten efkes op de Ingelske en Frânske Wiky. In pear foarbylden fan my: Pûtin, Pûsjkin, Bûlgakov, Krûsjtsjov, Toergenjev. De lêste soe ik leaver mei û skriuwe, mar dat is yn it Frysk hast net út te sprekken. Ik brûk faker de Fryske û en allinne as de Frânsman in twalûd oe makket, gean ik dêryn mei. Nammen kinne jo sjen as frjemde wurden en dy wurde foar it ienlûd stavere mei û.Yn 'e Wâlden (talk) 12 jan 2015, 14.35 (CET)

Ik kin hjirmei út 'e fuotten, Drewes. En ik bin mei jo iens dat we de Ch net ferfryskje moatte ta K, dat komt wer op itselde del as de W/V-kwestje dêr't we it al oer iens rekke wiene. (Dat wurdt trouwens ek allinne yn talen as it Frânsk dien, dêr't se de ch net útsprekke kinne en de letterkombinaasje ch al in oar foneem fertsjintwurdiget -- yn it Frânsk sj, yn it Ingelsk tsj.)

Litte wy dan ôfprate dat we foar de Syrillyske û-klank yn 'e Fryske Wikipedy tenei gewoan altyd fan "û" staverje sille. Dat giet dan net inkeld Russyske nammen oan, mar ek Oekraynske, Wytrussyske, Kazachske en Bulgaarske nammen, want dêr hawwe se it Syrillysk skrift ek -- ik haw my der juster even yn ferdjippe. (Foar Masedoanysk en Servysk leit it wat oars, dêr brûke se yn haadsaak wol it Syrillysk, mar ek wol it Latynske alfabet, sadat dêr yn 'e regel al in standerdisearre Latynske fariant bestiet.) Ik woe mei-iens mar ôfprate dat we it û-lûd yn Georgyske en Armeenske nammen (dy talen hawwe har eigen skrift) ek mar op dizze seldichste wize staverje sille. Wat tinkt jo dêrfan? Ieneach fan 'e Esk (talk) 12 jan 2015, 15.46 (CET)

Dat sit der wol yn, Drewes.Ieneach fan 'e Esk (talk) 12 jan 2015, 16.34 (CET)

Koeweit

Jo binne mis, Drewes. Neffens de list fan lannenammen efteryn it Frysk Hânwurdboek moet it Koeweit wêze, mei oe. Ik fyn persoanlik Kûweit ek logysker, mar ja, sa is it no ienris. Ieneach fan 'e Esk (talk) 13 jan 2015, 20.52 (CET)

Lit mar, Drewes, ik sjoch wol, it komt wer út Yn 'e Wâlden syn koker. Dy man stiet oerskrank mei de fuotten oan wjerskanten fan in hikke; oan 'e iene kant wol er beslist de nije stavering trochsette, mar oan 'e oare kant wol er syn eigen sin dwaan as de stavering fan 'e Fryske Akademy him net útkomt. Ik haw tsjin him sein dat er ris út 'e rie komme moat. Ieneach fan 'e Esk (talk) 13 jan 2015, 21.09 (CET)

Ek haw ik tsjin him sein dat hy no mar sizze moat wat it wurde moat, want my makket it úteinlik neat út as we der "Kûweit" fan meitsje, ek al giet dat tsjin 'e offisjele stavering yn. Ik haw ek sein dat it jo, leau 'k, ek net it measte skele kin, mar miskien haw ik datoangeande wol foar myn beurt praat. Hawwe jo hjir noch in miening oer? Ieneach fan 'e Esk (talk) 13 jan 2015, 21.21 (CET)

Myn ûntskuldigings, Drewes. Ik sil net wer foar myn beurt prate. Ieneach fan 'e Esk (talk) 14 jan 2015, 11.30 (CET)

beskerme

Tema:Fryske literatuer is in side dy't ek net omstaverje kin. Soene jo dat op jo nimme wolle?Yn 'e Wâlden (talk) 17 jan 2015, 10.45 (CET)

Eastfrysk - East-Frysk

Goeie, Drewes. No bin ik aansten oan Dútslân ta, en dan krij ik ek te meitsjen mei de Eastfriezen. Dan sit ik mei de stavering fan it wurd "Eastfrysk". Der stiet my sa by dat jo my dêr ris wat oer te witten dien hawwe, mar ik kin it op myn eigen oerlisside net fine, dat it sil wol earnewêr op in oerlisside by in artikel stean. Eins soe "Eastfrysk" oaninoar moatte, want grammatikaal sjoen kin "East-Frysk" hielendal net, mar der stiet my sa by dat jo dêr beswier tsjin hiene op grûn fan geografyske arguminten. No kinne we fansels altyd in útsûndering meitsje; dêr hinget de grammatika ommers fan oaninoar, mar ik wit it presize net mear fan jo redenaasje. Dat soene jo my nochris útlizze kinne wat neffens jo it ferskil is tusken de oantsjuttings "Eastfrysk" en "East-Frysk"? Ieneach fan 'e Esk (talk) 20 jan 2015, 11.47 (CET)

Okee. Tank foar jo flugge reäksje. Ieneach fan 'e Esk (talk) 20 jan 2015, 12.43 (CET)

Jûn, Drewes. Ik haw mei Kening Aldgilles oerlein, en we hawwe in manier betocht om fan 'e foute ferbûging "East-Frysk" ôf te kommen sûnder dat de gebietsoantsjuttings yn East-Fryslân yn 'e knipe komme. Yn it koart komt it derop del dat ik kategoryen oanmeitsje sil dy't begjinne mei "Eastfrysk", mar dy't dan inkeld betrekking hawwe op lju út it eardere greefskip. Foar de Landkreis Friesland en Sealterlân (en as it nedich is Rustringen en it Lân Woersten) komme der aparte kategoryen. Dy wurde dan allegear mei-inoar ûnderbrocht yn 'e koepelkategory "Persoan út East-Fryslân". Ik woe "Eastfrysk persoan" noch wat ûnderferdiele -- út it eardere greefskip komme fierwei de measte lju, haw ik wol sjoen. Sealterlân moat ik noch even besjen, en foar de Landkreis Friesland woe ik it mar by de kategory Persoan litte. Ieneach fan 'e Esk (talk) 24 jan 2015, 21.44 (CET)

Jûn, Drewes. No, ik haw de lju út East-Fryslân dertrochhinne jûtst. (Sjoch: Kategory:Persoan út East-Fryslân.) Foar "Rjustringsk persoan" haw ik by neier ynsjen de modernere namme "Bûtjadingsk persoan" mar brûkt. De kategory oangeande de Landkreis Friesland haw ik al even op omstind, mar doe't ik seach dat de side oer dat gebiet "Fryslân (Nedersaksen)" hiet, haw ik der mar "Fryslânsk persoan" fan makke. "Fryslânsk" docht earst wat nuver oan, mar grammatikaal is der neat op oan te merken, en dy foarm waard noch nearne foar brûkt, dat sadwaande. Ik haw ek de Kategory:Greve fan East-Fryslân omneamd ta Greve fan Eastfryslân. Om dat ferskil wie dit hiele sirkus ommers begûn. Ieneach fan 'e Esk (talk) 25 jan 2015, 23.05 (CET)

Dútsers

Ha Drewes, dêr bin ik wer te seuren. Ik bin no mei de Dútsers oan 'e gong, en ik woe jo even witte litte dat ik in pear kategorynammen feroare haw. De Kategory:SS'er hyt no Kat:Lid fan de SS, en Kat:NSDAP-lid haw ik feroare yn Kat:Lid fan de NSDAP. Net dat dat no beslist nedich wie, mar ik woe straks ek mar "Lid fan de Gestapo" en "Lid fan de SA" en sa oanmeitsje, en dan hawwe we alles even yn deselde foarm. En ik moat it hiele rychje dochs by del, dat dan is it ek gjin ekstra wurk, no? "SS-er" is fansels neat mis mei, mar "SA-er" fyn ik al net sa moai, en "Gestapo-er" kin fansels net. En doe't ik ienris "Lid fan de SS" oanmakke hie, haw ik "NSDAP-lid" mar oan dy foarm oanpast, dat sadwaande. Ieneach fan 'e Esk (talk) 21 jan 2015, 13.14 (CET)

Tankewol dat jo myn oandacht dêr even op fêstigje. Hun... Oargelist, dêr haw ik noch noait fan heard. Wêr't ik wei kom sizze we fan oargenist (mei "wa" fan "wargel"). It is net iens by my opkommen om dat yn it wurdboek op te sykjen. Ieneach fan 'e Esk (talk) 21 jan 2015, 17.10 (CET)

Ik haw de beide kategoryen mei "oargenist" ek al oanpast, ik bedoel, as it net yn it wurdboek stiet, dan stiet it der net yn, mar ik hear hjir op 'e noardlike Klaai om my hinne neat oars as "oargenist". Dat wol sizze, foarsafier't dat wurd te praat komt, fansels, wat no ek wer net sa'n rare soad is, yn acht nommen dat ik gjin oargel spylje en ek net mear yn tsjerke kom. "Oargelist" haw ik wier noch nea heard. No bin ik it mei jo iens dat we hjir op 'e Wikipedy de wurdboekfoarmen mar wat oanhâlde moatte -- dêrom haw ik it spul ek daliks feroare -- mar it is fansels sa dat net it hiele Fryske taaleigen yn it wurdboek stiet. Sa seit ús mem ek wol "lykswols", foar "ek". ("Moat ik dat even foar mem dwaan?" "As it kin graach, en oars lykswols.") Mar dat is ek net werom te finen yn it wurdboek. We sille it der mar op hâlde dat it regionale foarmen binne (al fyn ik trouwens "oargenist" logysker as "organist", je sizze ommers ek "oargel", en net "orgel").

Even wat oars, Drewes. Ik hie Yn 'e W. syn kommentaar net sjoen om't er it op 'e oerlisside fan 'e kategory set hie, ynstee fan op myn eigen oerlisside, en ik hâldt fansels net alle oerlissiden yn 'e gaten; dêr soe ik drekt as in deitaak oan hawwe. No seach ik lêsten op 'e projektoerlisside fan Wikidata dat de lju dêr berjochten oaninoar stjoere troch oan it begjin fan it berjocht "{ {Ping|namme fan 'e adressearde} }" te setten (en dan fansels sûnder in spaasje tusken de akkolades). Dan ferskynt der boppe-oan 'e side gewoan de melding dat jo in berjocht hawwe, ek al is dat dus net op jo eigen oerlisside. Ik freegje my ôf oft dat op ús Wikipedy ek wurket. Dêrom sil ik jo daliks ris "pinge" fanôf myn eigen oerlisside, en dan soe it moai wêze as jo my even fertelle oft jo in melding krigen hawwe. As it wurket, hawwe we der in handich stik ark (tool) by. Ieneach fan 'e Esk (talk) 21 jan 2015, 20.04 (CET)

Dat wurdt him net, Drewes, it Berjocht:Ping is ûnbekend (read) op 'e Fryske Wikipedy. Wol spitich oars, mar om it sels oan te meitsjen, dat giet my boppe de pet. Ieneach fan 'e Esk (talk) 21 jan 2015, 20.08 (CET)

No, ik sjoch wolris op Wiki:Nije Siden, mar yn dizze foarm hie ik it noch net, nee. Tank hjirfoar. Wol handich. Ik sil it even in goed plakje jaan. Ieneach fan 'e Esk (talk) 21 jan 2015, 20.32 (CET)

Oekraïne - Ukraïne

Liket my gjin goeie feroaring ta, Drewes. "Oekraïne" is de juste stavering (neffens de nije stavering moat men ommers altyd fan "oe" skriuwe as it Nederlânsk ek fan "oe" hat, wat yn dit gefal sûnder mis sa is). Boppedat sit der in bealchfol wurk oan om alle besibbe siden en kategoryen om te neamen, wat dus ûnnedich wurk is om't "Oekraïne" al goed is. Yn'eW. hat hjiroer in berjocht op myn oerlisside efterlitten, wêryn't er my fan 'e wiziging op 'e hichte stelde (der waard my net iens nei in miening frege), en oft ik alle kategoryen mei "Oekraynsk" mar even oanpasse woe. As wie ik syn feintsje! It ûnfatsoen en de arrogânsje fan dy fint binne hast net te leauwen. En dat wylst ik noch altyd op syn ûntskuldigings wachtsje foar syn eardere fandalistysk gedrach mei de televyzjekategoryen... Ik haw sein dat er mar sjen moast dat er it sels opknapte, en dat men by it omneamen fan in side ferantwurdlik is foar it omneamen fan alle besibbe siden en kategoryen en it behâld fan alle besteande links. It spyt my dat jo no hieltyd sydlings yn 'e fjoerliny komme te lizzen, Drewes, wylst jo úteinlik neat mei dizze rûzje fan dwaan hawwe. Dat woe ik even sizze. Ieneach fan 'e Esk (talk) 24 jan 2015, 12.42 (CET)

skoattele

Dei Drewes, ik seach dat ik wol de side Ukraïne omneamd mar dat yn de ynhâldlike tekst net oanpast haw. Soene jo dat dwaan wolle, de side is skoattele.Yn 'e Wâlden (talk) 25 jan 2015, 12.48 (CET)

Ik sjoch no dat Ieneach hjir in ferhaal op setten hat dat om in kantekening freget. Ik haw my foarnaam om net mear mei dy man oer toponimen yn debat te gean. Oerlizze hat mei sokken gjin sin. Hy kin of wol net begripe, dat in list mei suggestjes hiel wat oars is as in staveringstradysje. Ik hie him net as feintsje frege, mar om't ik as de dea wie dat ik ferkeard troch syn kategoryen hinne rinne soe. Mar jo kinne jo altiten oanfallen fiele fansels. Bêstgenôch, soe ik sizze. Yn 'e Wâlden (talk) 25 jan 2015, 13.02 (CET)

Bêste Drewes, it is net myn gewoante, om samar de boel der bydel te smiten. Wol haw ik Ieneach freonlik frege de skoattel derôf te heljen. Wy moatte no earst mar ôfwachtsje.Yn 'e Wâlden (talk) 25 jan 2015, 18.44 (CET)

De skoattel op 'e side Oekraïne hie ik der yn oktober of novimber al op set om Russyske aktivisten bûtendoar te hâlden dy't der in nije lânkaart opset hiene wêrop't de Krim as diel fan Ruslân oanjûn wie. Yn'eW. miende dat ik it om him dien hie -- oer jo altyd oanfallen fiele sprutsen. Mar goed, ik lês hjirboppe dat er my safolle mooglik mije sil, en it liket my yndie in goed ding ta dat wy sa min mooglik kontakt hawwe sille. Dizze man wol altyd gelyk hawwe en dan kinne je prate as Brugman, mar dan jout it dochs neat. De opfetting dat lannenammen gjin ûnderdiel fan 'e stavering útmeitsje is te gek foar wurden; se steane dochs yn it wurdboek? As ik tenei fan Belgia skriuw ynstee fan België of Belgje, dan sil dochs in elk sizze dat it fout is? Mar goed, hy moat ek mar dwaan wat er net litte kin. As er it net sa bedoeld hie (it "feintsje"-ynsidint, sil ik mar sizze), dan hied er syn boadskip even wat taktfoller bringe moatten -- ik kin net rûke wat hy bedoelt, ik gean ôf op wat er skriuwt. En as er earder mei de televyzjekategoryen net sa raar te wurk gien wie (wat ek hielendal net hoegden hie), dan hied er no net benaud hoegden te wêzen foar myn reäksje. No, we sille sjen wat er derfan bakt mei it omneamen, mar ik haw der earlik sein in hurde holle yn dat alle links beholden bliuwe sille. Oan 'e oare kant, as ik it wurk wer foar him opknap, dan leart er noait dat de hoemannichte wurk dy't efter in omneaming weikomt, in wichtige faktor wêze moat by de beslissing om dy omneaming al of net troch te setten. Om in foarbyld te jaan: ik fyn it wurd "kriich" net moai. Ik haw neat tsjin in âlderwetsk wurd sa no en dan, mar "kriich" is sa freeslike argaysk, ik moast der de earste kear gewoan om laitsje doe't ik it hjir stean seach. En dat wylst we yn "oarloch" in prima alternatyf hawwe. Dat ik soe mar wàt graach "kriich" útbanne wolle, mar der binne safolle siden en kategoryen dy't dat wurd brûke, dat der gjin begjinnensein oan is. Dat ik haw my der mar by dellein. Dat is de realiteit fan 'e Wikipedy: je krije it nea hielendal nei it sin. Yn'eW. is dat leau 'k noch oan it ûntdekken. Ieneach fan 'e Esk (talk) 25 jan 2015, 22.57 (CET)

Berne yn Fryslân

Goeie, Drewes. Ik bin no mei Nederlân oan 'e gong, dat hie ik oant it lêst bewarre. Ik boartsje mei it idee om, allinnich foar Fryslân, kategoryen oan te meitsjen mei "Persoan berne yn ... (folje plak yn)". Want der komme hieltyd mear Fryske minsken by, en ik fyn dy doarpskategoryen sa stadichoan wat rommelich wurden. Boppedat gean ik no alle persoanen bylâns, dat as we dit wolle, dan moat it no ek mar wurde. Às ik it trochset, woe ik dizze "berne yn (plak)"-kategoryen ûnderbringe yn in kategory "berne yn Fryslân", sûnder de gemeenten dertuskenyn, want dat is no mei de weryndielings hieltyd oan it feroarjen, en dan bliuwe we oan 'e gong. Ik haw ien kategory sa oanmakke om ris te sjen hoe't it liket, sjoch Kategory:Persoan berne yn Wânswert. Wat tinkt jo hjirfan? Ieneach fan 'e Esk (talk) 26 jan 2015, 12.11 (CET)

No, hartstikkene moai dat jo jo dêryn fine kinne. Dan moat it mar wêze. Ieneach fan 'e Esk (talk) 26 jan 2015, 16.43 (CET)

No haw ik krekt de kategory:Berne yn De Rottefalle oanmakke, mar no freegje ik my ôf, is it ek op De Rottefalle, lykas "Op De Lemmer" en "Op It Hearrenfean"? Witte jo dat, Drewes? Ieneach fan 'e Esk (talk) 26 jan 2015, 17.22 (CET)

Okee. Ieneach fan 'e Esk (talk) 26 jan 2015, 17.44 (CET)

No, as jo dêr dy kusten út wenje, dan moatte jo it mar sizze wat it wurde moat. Moat it Op De Rottefalle wurde? Dan feroarje ik it noch even. Ieneach fan 'e Esk (talk) 29 jan 2015, 17.36 (CET)

In blyk fan wurdearring

Drewes, ik leau net dat ik al neamd haw hoe't ik jo wurk op it mêd fan 'e "Berne yn ..."-kategoryen wurdearje, dat by dizzen. Behalven in wurd fan tank woe ik jo ek eefkes wat sterkers tahawwe. Asjeblyft, en ik soe sizze, slaan it net yn ien kear efteroer.

Fierders woe ik jo oandacht ek even fêstigje op 'e Kategory:Persoan berne yn Fryslân (berteplak ûnbekend), dêr't we noch wat lju yn byinoar smite kinne. Teffens liket it my de baas, no't ik dochs oan 'e gong bin, om (as ik dêr aansten oan ta kom) in ûnderskie te meitsjen tusken "Frysk skriuwer" (yn 'e sin fan: skriuwer út Fryslân) en "Skriuwer yn it Frysk", wat ferskillende dingen binne. Allyksa foar "Frysk sjonger" en "Sjonger yn it Frysk". Sa. No haw ik jo leau 'k wer hielendal bypraat. Ik sil mar einigje mei: "tenei mear", want der sil grif wol wer ris wat wêze. Ieneach fan 'e Esk (talk) 28 jan 2015, 22.30 (CET)

Tuike-tuike, man! Ieneach fan 'e Esk (talk) 28 jan 2015, 22.42 (CET)

Uthoeken fan Nederlân

Net oerdriuwe, Drewes, ik haw gjin Betuwsk persoan en gjin Goaisk persoan. Oft it nedich is, dat is fansels in hiel oar ferhaal, mar ik haw der wol aardichheid oan. En ik fantasear der net samar wat op los; ik basearje my hjirby op 'e taalkundige sitewaasje, mei't it Nedersaksysk útinoar falt yn Grinslânsk, Drintsk, Stellingwerfsk, Sallânsk, Twintsk, Urksk, Feluwsk en Achterhoeksk. Dat binne fansels ek kriten mei in eigen identiteit, dy't ôfwykt fan 'e Nederlânske noarm. Jo sille my dan ek gjin kategoryen oanmeitsjen sjen foar de Rânestêd, want dat binne gewoan Nederlanners. No, oft de lju dy't ik hjir yndiel de pleatslike dialekten ek sprekke, dat is fansels fers twa. Dat kin ik net witte. Der sil grif ymport út Hollân en ek folslein assimilearre lânseigen lju tusken sitte. Dus gean ik mar út fan it berteplak, dat dogge wy ommers by Fryslân ek.

Fierders wol ik jo derop wize dat de Ingelske Wikipedy al dizze kategoryen ek hat. As jo soargen hawwe oer wêr't dit einigje sil, dan kin ik jo gerêststelle: behalven "Achterhoeksk persoan" en mooglik "Urksk persoan" (as sokken der binne) haw ik no alle kategoryen oanmakke dy't ik op dit mêd fan doel bin oan te meitsjen. Dat is te oersjen, toch? Ieneach fan 'e Esk (talk) 29 jan 2015, 01.00 (CET)

It Goaisk is in Hollânsk dialekt, en sa goed as útstoarn troch de tafloed fan ymport dy't dy krite yn 'e 20e ieu te ferwurkjen krigen hat. De yndieling is yndie in bytsje wiete-fingerwurk, dat jou ik ta, want Drinten en Twinten foarmje ûnderdiel fan 'e Nedersaksers, mar dat is sûnder mis àl in etnyske groep. Mar ik haw juster ek Loadewyk Napoleon Bonaparte yndield by Kening fan Nederlân, en dat is eins ek net alhiel je-fan-dat. Ieneach fan 'e Esk (talk) 29 jan 2015, 01.21 (CET)

Dûbele side?

Drewes, kinne jo ris sjen nei de siden Jo Vegter en Johannes Vegter? Behalven de bertedatum liket it my ta dat frijwol alles itselde is, dat ik haw sa'n idee dat it in dûbele side is. Mar de iene side is fan jo, en de oare hawwe jo redaksjewurk oan dien, dat nei alle gedachten kinne jo dit better beoardielje as ik. It soene miskien neven wêze kinne, mar wol apart dat se dan op deselde dei en yn itselde plak stoarn binne... Ieneach fan 'e Esk (talk) 29 jan 2015, 16.58 (CET)

Overleg

Nee, by my is dat (op dit stuit) net sa. Is it by jo noch hieltyd sa? Ieneach fan 'e Esk (talk) 2 feb 2015, 21.00 (CET)

Foarsiden Elikser

Goeie, Drewes. Ik haw kontakt hân mei Jitske Kingma fan Utjouwerij Elikser, en sy hat der yn tastimd dat de Fryske Wikipedy de ôfbyldings fan 'e foarsiden fan 'e troch har útjouwerij publisearre boeken brûke mei (se hat ús dus it gebrûksrjocht jûn, mar it copyright bliuwt by har). Is der in plak op 'e Wikipedy dêr't wy sokke... hoe sil ik it neame... "tastimmingen" fêstlizze kinne? Ieneach fan 'e Esk (talk) 5 feb 2015, 11.47 (CET)

No, bêst, dan set ik it der elke kear wol even by. Wat se der ynternasjonaal fan fine, dat sil my oan myn r... roeste, om mei Youp van 't Hek te sprekken. Ik haw sels ek minne ûnderfinings mei it opladen fan ôfbylden op Commons. Dy copyright-Gestapo dêre smyt it spul der sûnder pardon wer ôf, ek al is it hûndert kear jins eigen wurk, en diskusje is net mooglik, want reedlike arguminten wurdt net op reägearre. Dat de tiid dat ik dêr noch wolris in kaartsje of in flagge hinne brocht, dy is foarby. Hoe dan ek, tank foar it andert en foar de ynfo oer soartgelikense regelingen. Hiel ynteressant. Gr. Ieneach fan 'e Esk (talk) 5 feb 2015, 19.48 (CET)

Yn beweging

Welja, heite, laitsje my mar wer út! Alles goed en wol, mar ferskil moat der wêze, Drewes. Ieneach fan 'e Esk (talk) 14 feb 2015, 18.53 (CET)

Keutgernier

Drewes, ik fyn it bêst. Hingje it der mar oan. Ieneach fan 'e Esk (talk) 19 feb 2015, 15.30 (CET)

Johan Winkler

Sorry, Drewes, ik hie de side even globaal oereage, en ik hie it kopke "Literatuer" opfetten as in boarne, dat ik tocht, dy moat ûnderoan. Ik sjoch no dat der eins "Wurk" mei bedoeld wurdt. Dat komt derfan, as je it spul even gau-gau bylâns geane... Ieneach fan 'e Esk (talk) 20 feb 2015, 21.01 (CET)

Fraach

Dei, Drewes, der hat immen op myn oerlisside in berjocht efterlitten, dêr't ik net it krekte fan begryp. Soene jo it ris bestudearje wolle?Yn 'e Wâlden (talk) 25 feb 2015, 16.06 (CET)

Yn 'e Wâlden de wacht oansein

Goeie, Drewes. Om jo op 'e hichte te hâlden it fogjende. It is net sa'n leuk berjocht, mar de problemen mei Yn 'e Wâlden hâlde oan. Ik haw juster ris sjoen nei wat er makke hie fan it omneamen fan 'e Oekraynske kategoryen, en dêr bin ik bêst fan skrokken. Ik haw de hiele middei wurk hân om syn prutserij wer rjocht te breidzjen. Blykber hat er him neat gelegen lizze litten oan 'e krityk en advizen dy't er earder fan my krigen hie.

• Sa hie ik him spesifyk frege om gjin wiskwarskôgings yn 'e âlde "Oekraynske" kategoryen te setten, mar dy yn pleats dêrfan troch te wizen nei syn nije "Ukraynske" kategoryen, om't njoggen fan 'e tsien brûkers fan 'e Wikipedy fansels sykje op "Oekraynsk" mei in "oe". Ik hie him sels noch útlein hoe't er sa'n trochwizing by in kategory dwaan moast, foar it gefal dat er dat net wist. Mar likegoed hied er njoggen fan 'e tsien kear dochs in wiskwarskôging pleatst, en yn 'e inkele gefallen dat er al trochwiisd hie, hied er hast altiten trochwiisd nei dwersferkearde kategoryen.
• Fierders hied er guon "Ukraynske" kategoryen net iens oanmakke, mar wol in wiskwarskôging yn 'e korrespondearjende "Oekraynske" kategoryen set.
• De Wikidata-keppelings wiene hast nergens oanpast en wêr't dat wol dien wie, hied er de ferkearde siden deroan keppele (Ukraïne oan Ukrainian people, Ukraynsk persoan oan Ukrainian actors, ensfh.).
• Ek hied er op eigen manneboet mar beslist om oerkoepeljende kategoryen as Oekr. skriuwer, Oekr. keunstner, Oekr. wittenskipper, Oekr. akteur, ensfh., mar hielendal net oan te meitsjen, sadat de kategoryopbou folslein ferkloate wie.
• En fan 'e kategoryen dy't er wól oanmakke hie, hied er de yndieling totaal nei de Filistinen holpen trochdat er der blykber mar wat mei de pet nei goaid hie, wylst it iennichste dat er hoegde te dwaan, wie: de yndieling út 'e âlde kategoryen kopiëarje en yn 'e nije kategoryen plakke, om dêrnei "Oe-" yn "U-" te feroarjen.

Sjoch, iderien makket wolris in fout, ik ek wol, en dêr is neat mis mei. Mar by him binne it gjin ynsidintele foutsjes, mar in strukturele en folslein ûnnedige skansearring fan de Wikipedy, dêr't er boppedat al earder op oansprutsen is. Ik tink dat net ien no noch ûntkenne kin dat soks dan delkomt op fandalisme. Ik leau, omdat er hjir ek wol goed wurk docht, mient er dat er oarmans wurk ûngestraft fandalisearje kin, mar sa sit it hjir net. No is der net ien dy't mear it mier oan sokke konflikten hat as ik, mar as je sokken as Yn'eW. ien finger jouwe, dan nimt er de hiele hân. Dat, ik haw him de wacht oansein, want dit kin sa net trochgean. Om my hied er no eins daliks wol útsletten wurde kinnen, mar ik haw him noch ien lêste warskôging jûn. Ieneach fan 'e Esk (talk) 27 feb 2015, 15.08 (CET)

Bêste Drewes,

Ik haw myn uterste bêst dien op de kategoryen fan Oekraïne/Ukraïne, mar Ieneach hat safolle ûnsinnige kategoryen betocht dat jo deryn ferdwale. Boppedat hat er it lef om redirects te meitsjen fan ieu dy't ik allang oerset haw nei iuw. In redirect is bedoeld om sinfolle kombinaasjes te meitsjen krekt as tillefoan redirect telefoan. Mar fansels net om de flaters dy't ik der krekt úthelle haw mei in redirect der weryn te setten. Ik sil noch ienkear it ferwoastende wurk fan Ieneach weromsette en dan bin ik der klear mei. As ik de flaters derút helje en dy omkoal set se der like hurd weryn, falt der hjir gjin sinnich wurk te dwaan. Boppedat, wat my oanbelanget mei dy omkoal wolris ophâlde mei syn kategoryen dêr't mar ien wiky ynsit.Yn 'e Wâlden (talk) 27 feb 2015, 15.55 (CET)

No Drewes, no sjogge jo it sels. Alles wat de man sels net betinkt, dat is ûnsinnich en minsken dy't him op syn misdragings wize, dat binne omkoalen. Ik haw besocht him oan it ferstân te peuterjen dat trochwizings bedoeld binne om 'e brûkers fan 'e Wikipedy nei de juste side te lieden, en as 99% fan 'e Friezen fan "reboelje" skriuwt en gjin idee hat dat de stavering no "rebûlje" is, dan moat Ierappelreboelje dus trochwize nei Ierappelrebûlje, sa simpel is it. Mar ik leau, it wol der by him net yn. En dat kategoryen mei ien artikel net oant yn der ivichheid mar ien artikel hâlde, dat haw ik him ek alris besocht te fertsjutskjen, mar ek dêr hâldt er stiiffêst oan syn eigen ideeën fêst. Tsja, wat kin ik hjir fierder noch fan sizze? Ieneach fan 'e Esk (talk) 27 feb 2015, 16.17 (CET)

Dei Drewes, ik hie my foarnaam om net mei dizze man yn diskusje te gean. Ik haw in soad geduld, mar hjir is gjin sjerp oan te striken. Fansels is it ûnsinnich as ik de flaters derúthelje en dy ... set se oer in redirect der weryn. Hoe't sa'n man hjir ea moderator wurden is, kin ik my net begripe.Yn 'e Wâlden (talk) 27 feb 2015, 16.26 (CET)

Wat in flauwe kul; in trochwizing is allinnich fout as er nei de ferkearde side trochwiisd, en better tefolle trochwizings as te min, tinkt my. It is fansels ek wol de omkearde wrâld: as ik de Wikipedy better besykje te meitsjen troch de brûkers nei de juste side ta te lieden, dan is dat "ferwoastend wurk", mar as hy de hiele kategory-yndieling fan in lân ferneukt, dan is dat de skuld fan dejinge dy't dy kategoryen oanmakke hat. No, mar as er mient dat hy hjir it spul even regelje sil, dan hat dit diktatorke it wol by de ferkearde ein. Ieneach fan 'e Esk (talk) 27 feb 2015, 16.41 (CET)

Dei Drewes, of dy omkoal hellet de skoattels derôf en set de saken werom nei sa't se wiene of ik ha myn lêste wurk hjir dien. Ik wit, dat dy omkoal krekt as ik mei in rêchpûdsje rint, mar ik bin net fan doel om de nukken fan syn rêchpûdsje derop ta te nimmen. Ik haw nea de ambysje hân om hjir moderator te wurden, mar mei sa'n hawwe jimme ek oan ien wol genôch. Sa'n moderator hat oant no ta it uterste fan myn geduld frege. Dêrby haw ik besocht him yn syn wearde te litten. Fansels hiene jimme sa'n persoan nea moderator meitsje moatten, sokken kikke ommers op skoattels. De man snapt net dat de wikys oer de wikys ferbine, ynstee fan syn tûzende ûnsinnige kategoryen mei heechút ien of twa wikys.
As ik de flaters der stik foar stik úthelje, dan helpt it net echt as dy omkoal se der oer in redirect weryn set. Salang't der keppelings sitte oan in wiky mei in fout skreaune namme bliuwt ek by my de automatyske redirect yntakt, mar fout skreaune redirecten soargje derfoar dat sokke omkoalen dy't har net oan in staveringsferoaring oanpasse wolle/kinne ek sokke foute keppelings wer útbouwe kinne. En dêrmei hâlde wy inoar oan it wurk. Ik winskje jimme njonken tûzende en tûzende ûnsinnige kategoryen dochs ek noch ynhâldlike wikys ta. Goeie,Yn 'e Wâlden (talk) 27 feb 2015, 23.29 (CET)

Ik haw it lêzen. Bin net bliid mei guon kwalifikaasjes yn de tekst. Der sil in oplossing komme moatte. Der wurdt foarearst net mear skoattele as útsletten, ik set alles werom! Letter mear oer ++ en -- fan jim beide. 213.10.25.163 28 feb 2015, 02.19 (CET) (Drewes om utens)

Hearken minsken, Drewes, ik wit suver net wêr't ik begjinne moat. Lit ik earst sizze dat it my muoit dat jo hjir wer by belutsen rekke binne. Ik hie allinnich even in berjocht op jo oerlisside pleatst om jo op 'e hichte te hâlden fan 'e gong fan saken, mar doe't dêr in reäksje mei sokke útwrydske oantigings ûnder pleatst waard, koe ik dat fansels net oer myn kant gean litte, en no is it útrûn op in konfrontaasje dy't hielendal net op jo oerlisside thúsheart.

Oer Yn'eW. it folgjende: ik moat tajaan dat ik persoanlik him sa stadichoan leaver gean as kommen sjoch, mar de Wikipedy is iepen projekt, dêr't in elk it rjocht hat oan mei te dwaan, dus hy ek. Dan moat er him lykwols al oan 'e regels hâlde dy't foar iderien jilde. Yn dy regels is fêstlein dat fandalisme ûnakseptabel is, dat men oarmans wurk mei respekt behannelje moat en dat men jin yn 'e omgong oan 'e normale fatsoensregels hat te hâlden. Ik moat tajaan dat ik my op dat lêste punt ek ferliede litten haw ta wat dat eins net sa heart (troch him in dwersbongel te neamen). Dat hie ik sa net sizze moatten, en dêrfoar biedt ik hjirby myn ekskuzes oan, mar men kin in pod wol sa lang traapje oant er barst. Oangeande fandalisme en it omgean mei oarmans wurk is Yn'eW. lykwols fier oer de skreef gien en op it punt fan fatsoen hat er him ek op it rântsje fan it talitbere bejûn. Yn pleats fan ûntskuldigings foar syn misdragings krij ik skelwurden en ferwinskings nei de holle slingere, en sels ûnwiere, kwetsende en nearne op basearre oantigings (wannear haw ik ea in side skoattele foar de "kik"?). En no komt er ek noch mei in ultimatum.

Om it noch minder te meitsjen soed er my juster sels even foarskriuwe wat ik wol en net trochwize mei. No, ik tink, it moat ek al net raarder wurde! Sokke dingen giet hy hielendal net oer. Ik wie sels twongen om it spul te skoatteljen, oars hied er der wer oansitten te knoeien. As ik syn omstaverings no weromset hie, dan hied er grûn hân om him te bekleien, mar dêr bin ik net oan west. Trochwizings feroarje neat oan 'e tekst fan in artikel, mar wize de brûkers inkeld nei it juste artikel ta. De goede skriuwwize sjogge se dan dêre. Syn suggestje hjirûnder is neat wurdich, want as de minsken earst nei in hiel oare side ta laat wurde dêr't se dan sykje moatte om it juste wurd, dan geane se wol ergens oars op it ynternet te rie. Soks is allinnich moai as je fan 'e lêzers ôf wolle.

Drewes, ik bin it mei jo iens dat der in oplossing komme moat, en leafst sa gau mooglik, mar der is mar ien oplossing mooglik: Yn'eW. moat him tenei gewoan oan 'e regels hâlde. Punt út. As er nochris oarmans wurk fandalisearret, wurdt er útsletten, en salang't syn wurk der neat fan te lijen hat moat er ophâlde mei syn besykjen om te bepalen wat oaren wol en net dwaan meie. Syn ultimatum, dêr kinne we fansels hielendal neat mei; as er wier net mei de regels libje kin sa't dy op 'e Wikipedy foar alle meidoggers jilde, dan kin er yndie mar better in oare leafhawwerij sykje. Ieneach fan 'e Esk (talk) 28 feb 2015, 16.19 (CET)

Utstel yn 'e tastân

No't myn earste lilkens wat sakke is, wurdt it tiid om mei in útstel yn dizze tastân te kommen. Litte wy as foarbylden ris spoekeblom, jirpelreboelje en gersdroegerij nimme. As wy dy noris redirecte litte nei de 'List fan omstavere wurden'. Dus spoekeblom, jirpelreboelje en gersdroegerij ferwize redirect nei de 'List fan omstavere wurden'. Dêrmei kriget de lêzer hiel efkes it sinjaal 'der is wat feroare' en dyjinge dy't yn in tekst keppelje wol kriget it sinjaal 'ik moat de nije keppeling brûke'. Op basis fan de keppelingen mei de wiky 'List fan omstavere wurden' kinne wy dan oer bygelyks fiif jier dy oerstallige keppelings der maklik wer úthelje.Yn 'e Wâlden (talk) 28 feb 2015, 11.38 (CET)

Dei Drewes, ik haw ûnder droegerij en boek nochris in tuskenoplossing makke foar út en troch in 'foute' keppeling. Ik tink dêrby oan it kearnbegryp, bygelyks 'ieu' mar seker net oan alle ieu-fertakkings. Dêrmei wurde net klakkeleas lege foute keppelings troch ferwiisd. Yn 'e Wâlden (oerlis) 15 mrt 2015, 12.11 (CET)

Unakseptabel. Wy hawwe ôfsprutsen dat der gewoane trochwizings komme moatte. Hâld op mei jo besykjen om jo nuvere opstigings oan alle oare meidoggers op te dringen. Ieneach fan 'e Esk (oerlis) 15 mrt 2015, 15.24 (CET)

Earen waskje en mûle útspiele.

• Us wikypedy moat frij fan ‘’Hollânske tastannen’’ bliuwe. Skelle hoecht net, fatsoenlik bliuwe. It soe samar kinne dat ik tenei de skelwurden dy’t ik tsjinkom wiskje.
• De nije Fryske stavering is de noarm. Wy sille ús hâlde moatte oan de offisjele stavering fan de Fryske Akademy, ek at ús dat net noasket .
• It is fansels dat der in redirect makke wurde moat fan in sykwurd as kategory yn de âlde stavering nei it nij stavere wurd as kategory. Ik leau net dat in ferwizing nei de List fan omstavere wurden/toponimen allinne foldwaan sil.
• Eltsenien is frij om in nije kategory oan te meitsjen, ek at der mar ien lemma ûnder falt.
• Der binne gjin oanwizings dat wy hjir behearders hawwe dy’t graach skoattelje as wiskje foar de kik. Wy hawwe allinnich serieuze meidoggers.
• Der binne gjin redenen om te tinken dat wy hjir fêste meidoggers hawwe dy’t fandalisme bedriuwe. Drewes (talk) 28 feb 2015, 23.09 (CET)

Ik kin my hjir wol yn fine. It is net hûndert prosint fan wat ik graach sjen soe, mar sa mei it hinnebrûze. Drewes, tankewol foar jo bemiddeling. Ieneach fan 'e Esk (talk) 28 feb 2015, 23.26 (CET)

It is fansels, dat der in redirect makke wurde moat fan in sykwurd as kategory yn de âlde stavering nei it nij stavere wurd as kategory. Ik leau net dat in ferwizing nei de List fan omstavere wurden/toponimen allinne foldwaan sil. Dat fan toponimen haw ik net neamd. Dat jo it fansels fine dat wy automatysk de fouten deryn sitte litte, moatte jo witte. Mar as fan in automatysk redirect de keppelings oerset binne nei de keppeling yn de nije stavering dan is soks foar my net langer mear fansels, dat wy dêrnei it foute begryp hanthavenje. As ik de fouten derút helje en oaren sette dy der oer redirect weryn, om't harren persoanlikheid soks no ienris freget, dan hoech ik dêr net oan mei te dwaan. Sa hâlde wy de fouten deryn. As ik jûns twa kear de saken neisjoch, kin ik fan myn frou net ferwachtsje dat dy soks ek sa docht. Ik soe har oan deselde ûnwissichheid helpe as iksels haw. Ik bin ree om rekken te hâlden mei immen syn persoanlikheid, mar net om syn nukken oer te nimmen. Ik haw in poging dien om eltsenien op de helte te kommen, fierder sil ik wier net gean. Dei Drewes en oaren ik winskje jimme noch in soad ûnsinnige kategoryen. Hjir lykje ús wegen te skieden.Yn 'e Wâlden (talk) 1 mrt 2015, 09.06 (CET)

Even foar de goede oarder, foar dejingen dy't dit lêze en net it hiele spul meikrigen hawwe, dy toponimen lizze besletten yn Dubai, dat Yn'eW. ek beslist net trochwize litte woe nei Dûbai. Foar de rest fyn ik it oprjocht spitich dat de Wikipedy in warber meidogger ferliest, mar as immen der sa op gebrand is om op alle terreinen syn eigen sin troch te driuwen en wegeret om ek mar it lytste bytsje yn te binen (sjoch ek Yn'eW. syn lêste reäksje op syn eigen oerlisside), dan is dit miskien wol de bêste oplossing. Ieneach fan 'e Esk (talk) 1 mrt 2015, 14.51 (CET)

Dúdlike wurden fan Drewes dy't ik allinnich mar ûnderskriuwe kin. Wy hâlde ús gewoan oan de nije stavering. Alde sidenammen/kategoryën brûke wy foar de trochferwizing en wurde net samar fuortsmiten. As der dan dochs minsken binne dy't yn de âlde stavering skriuwe, dan wol ik leaver net sjen dat ien mei de digitale heafoarke achter him of har oan sit. Sokke siden komme wól yn 'e beneaming om omstavere te wurden. Dit berjocht is ynhâldlik eksakt itselde as Drewes skreaun hat, mar gefoelsmjittich miskien wat oars formulearre. Groetnis --Kening Aldgilles (oerlis) 19 mrt 2015, 11.03 (CET)

Link FA

Goeie, Drewes. Ik sjoch dat jo it Berjocht:Link FA wiske hawwe om't it net funksjonearre. Ik wit net wat der mei wie, mar as jo hjirre (Wiki:Wat_is_hjirmei_keppele/Berjocht:Link_FA) sjogge, dan binne der no hûnderten siden mei in berjocht dat net mear wurket (dus allegear "reade triedsjes", sa't Geoffrey sizze soe). Dat is dochs wol wat in probleem. Is dat berjocht net te herstellen, sadat it wer funksjonearret? Ieneach fan 'e Esk (talk) 2 mrt 2015, 19.25 (CET)

Hawwe jo der dan beswier tsjin dat ik it berjocht weromset? Ek al funksjonearret it net nei behearren, dan binne yn elts gefal al dy reade triedsjes fuort. Ieneach fan 'e Esk (talk) 2 mrt 2015, 19.37 (CET)

Tige tank. Ik soe der fan 'e moarn even nei sjen, mar it is al yn kannen en krûken, sjoch 'k wol. (Hie juster in famyljeferplichting dêr't ik hast de hiele dei mei besteld wie, dat doe waard it neat.) Ieneach fan 'e Esk (talk) 4 mrt 2015, 11.52 (CET)

Sjoerco

Drewes,

Snap net sa folle fan wat te dwaan op disse side, mar neffens my stjûr ik no in E-mail nei Drewes. Wat der krekt fan my ferwachte wurdt wit ik net.

Neffens my is der net sa folle feroare oan 'Skiednis fan ...' wat ik ynstjûrd ha.

Ha ek noch (Karakter, iten en ekonomy fan de Friezen)oanmakke en kin ek wol brûkt wurde, allinne ik wyt net hoe at dat moat.

Groet fan Sjoerdco.

-- This email was sent by Sjoerdco to Drewes by the "Email user" function at Wikipedy.

Wurk fan meidogger Sjoerdco

Tsja, Drewes, wat sil ik hjirfan sizze? It is net neutraal genôch, fral it stik oer it "karakter fan 'e Friezen" net. Ik soe wolris witte wolle watfoar boarnen oft hy brûkt hat, want hy sil it grif net allegear út 'e tomme sûgd ha, al kin ik my net oan 'e yndruk ûntlûke dat er der ek dingen bybetocht hat. Lykas by it "iten fan 'e Friezen", dêr't er úthâldt dat de Friezen yn 't earstoan rau fleis ieten, wat ymplisearret dat sy sels útfûn hawwe soenen hoe't men troch gebrûk fan ferhitting (fjoer) iten siede koe. Dat is fansels ûnsin, foar soks moat men folle fierder werom yn 'e tiid, miskien wol hûnderttûzen jier. Ieneach fan 'e Esk (talk) 4 mrt 2015, 11.36 (CET)

It wurk fan Sjoerdco haw ik ea ris lêzen yn in boek skreaun troch in ûnderwizer Steenstra út Doanjum yn de 1840er jierren. It boek hyt de Geschiedenis der Friezen of sa. De skriuwer helle in soad ferhalen oan fan 'de ouden vertelden' ensfh. In soad fan dizze ferhalen komme út de Fryske romantyk út de 19e iuw, dy't nei alle wissichheid net wier wiene. Dêr sitte ek wol wiere ferhalen yn, mingd mei fantasy. Kneppelfreed (oerlis) 6 mrt 2015, 07.03 (CET)

Diktators

Bliuwt altyd in wearde-oardiel, bin ik bang, want diktators neame harsels nea sa. Ik fyn persoanlik dat it bewiismateriaal him sa stadichoan sa opsteapelet dat je der suver net mear omhinne kinne dat Pûtin in diktator is, mar as jo it net neutraal genôch fine, kin ik dêr ek bêst begrip foar opbringe, en as jo it feroarje wolle yn "presidint", fiel jo dan frij. Ieneach fan 'e Esk (talk) 4 mrt 2015, 15.49 (CET)

Skiednis fan de Friezen

Goeie, Drewes. Ik haw it spul ris even oereage. Tsja... Wol spitich fan al dat wurk dat dy man deryn stutsen hat, mar as it net doocht, dan doocht it net, en om hiel earlik te wêzen haw ik der ek gjin sin oan om dat allegear út te plúzjen. Miskien soene jo him nochris oanskriuwe kinne, dat er ûnbetroubere boarnen brûkt en dat er der sels nochris nei sjen moat, en syn bydragen neutraler meitsje moat. As jo dat al dien hawwe (dat haw ik net byholden), of hy jout gjin thús, of jo binne der hielendal klear mei en hawwe jo nocht, dan yndie mar rigoereus yngripe en fuort mei de brot. It is jo kar (want hy brûkt jo as oansprekpunt, haw ik wol sjoen), mar ik stean achter jo beslissing. (Tink der wol om dat Skiednis fan de Friezen al bestie foar't Sjoerdco syn bydragen deroan tafoege, dus eins weromsette yn pleats fan wiskje.) Ieneach fan 'e Esk (oerlis) 8 mrt 2015, 17.43 (CET)

Dichter

Drewes, jo hawwe in punt. Ik hie dy trochwizing earlik sein allinnich mar oanmakke om't op 'e side dichter ek it ferskil mei lietsjeskriuwer/tekstdichter útlein waard, dat ik tocht, earst mar sa, dan sjogge wy letter wol wer ris. Mar ik bin miskien wolris wat te rûch. Ik sil dizze trochwizing fuorthelje. Ieneach fan 'e Esk (oerlis) 15 mrt 2015, 19.12 (CET)

Ai Tominaga

Goeie, Drewes. Ik haw jo side oer Ai Tominaga besjoen, en ik seach dat jo dêr myn ynfoboks foar porno-aktrises brûkt hawwe. Ik haw dat juster en hjoed ris even yn my omgean litten, en it liket my ta dat we better net de ynfoboks pornoaktrise brûke kinne foar mainstream-aktrises. Ik tink dat we better elke skyn foarkomme kinne dat we mainstream-aktrises fan it ien of oar betichtsje dat se mooglik net sa leuk fine soenen. Jo sille miskien sizze, och, in hurdrinner sjocht it net en in stadichrinner maalt der net om, mar oan 'e oare kant, it is no noch simpel op te lossen, mar as der aansten hûndert mainstream-aktrises binne mei dizze ynfoboks, dan hawwe we der wer in bealchfol wurk fan.

Jo hawwe my al ferskate kearen ferteld dat jo neat fan ynfoboksen begripe, mar it is net sa dreech om in besteande ynfoboks oan te passen sadat jo dy foar mainstream-akteurs brûke kinne, en dat wol ik bêst even dwaan. (De trúk is om in besteande ynfoboks te kopiëarjen en dan allinnich de tekst oan te passen en net oan 'e programmatuer te kommen.) Ik sil wolris even sjen. (tenei mear...) Ieneach fan 'e Esk (oerlis) 17 mrt 2015, 21.46 (CET)

Wat tinkt jo hjirfan, Drewes? Ik haw der in universele of generike ynfoboks fan makke. Dat wol sizze dat de dingen dy't jo by "boarne bewurkje" net ynfolje (lykas stjerplak en -datum as de persoan yn kwestje noch libbet) op 'e foarkant fan 'e side net te sjen binne, dus gjin gepruts mear mei "n.f.t.". (Dat is wat dat ik útfûn haw nei't ik de ynfoboks foar pornoaktrises oanmakke, wat ien fan myn earste prebearsels wie.) De breedte fan 'e ôfbylding kinne jo sels ynfolje by ôfbyldingsbreedte, sa't jo sjogge. Ik hie der even wat muoite mei om't dat by my earst net wurke, mar doe die bliken dat ik it yn it berjocht fout typt hie ("ôbyldingsbreedte", sûnder f), en ja, dan wurket it net, fansels. No, ik hoopje dat jo hjir wat mei kinne. Ieneach fan 'e Esk (oerlis) 17 mrt 2015, 22.32 (CET)

P.S.: it berjocht sels kinne jo hjir fine. Ik haw de balken in lila kleurke jûn; dat is wêr't de koade #D8BFD8 (in saneamde hex code) yn it berjocht foar stiet. As jo leaver in oare kleur hawwe wolle, kinne jo sykje op 'e side en:Web colors#X11 color names, op 'e Ingelske Wikipedy. Ieneach fan 'e Esk (oerlis) 17 mrt 2015, 22.37 (CET)

Fijn te hearren dat jo der wiis mei binne. Ieneach fan 'e Esk (oerlis) 18 mrt 2015, 23.44 (CET)

Tank

Tankewol foar jo reäksje, Drewes, dy't ik beskôgje as in hert ûnder myn rym. Tsja, we binne allegearre de som fan ús nature en nurture, hin? Ieneach fan 'e Esk (oerlis) 19 mrt 2015, 17.51 (CET)

Ho hynder!

Ho, Drewes, as jo Ûnderklasse wiskje, dan linkt "ûnderklasse" (mei in lytse letter) net mear troch nei "Underklasse" (mei in haadletter). Ieneach fan 'e Esk (oerlis) 19 mrt 2015, 21.18 (CET)

Piter Presys sels

Bêste Drewes, ik wie suver oandien troch jo goede bedoelings. Wol tink ik, dat it no echt tiid wurdt om ris oer it lêste healjier nei te tinken. Om't iksels ek in lange wei mei myn psyche trochrûn haw, haw ik earder it begryp 'rêchpûdsje' brûkt. In soad minsken tinke dat minsken mei in lichamelike of geastlike beheining begrutlik binne, mar krekt yn de beglieding wurdt jo dat sa gau as mooglik ôfleard. Boppedat binne it krekt de minsken-mei-in-beheining dy't harren beheining by namme neame en soks komt wolris wat direkt oer. Mar it is eins hiel ienfâldich. Immen yn in rolstoel meitsje jo gjin pakketbesoarger en immen dy't fan natuere problemen hat mei it 'out of the box'-tinken, meitsje jo gjin moderator. Dêrby moat er ommers konflikten oplosse en der sels gjin ûnderdiel fan wurde.

Al earder hie ik sjoen dat dyjinge yn in 'gigaflow' skowe koe. Tink mar oan al syn wurksumheden om de bibelboeken hinne. Doe't de man yn novimber/desimber fan moansier oant jûnslet kategoryen makke, bekroep my it gefoel dat der eat net hielendal yn de heak wie. De man die him amper oan tiid om te sliepen. Om't wy by de wiky net sitte te 'gamen' haw ik it yn earsten mar op in kompjûterferslaving holden. Doe't er eat oer himsels fertelde foel it kwartsje.

It is in warber man, mar hy soe eins mear om himsels tinke en him as moderator weromlûke moatte. Dan fytst er folle minder yn konflikten en kriget er it sels in stik nofliker. Ik haw sels ek alris oanjûn dat ik hjir gjin moderator wurde wolle soe. Bêste Drewes, mei al jo konfliktmijend gedrach en in soad goede bedoelings hawwe jo der wol in púnsoai fan makke. Mei freonlike groetnis, Piter Presys.

Foto's

Ik haw de tekst fan dat wetsartikel yngeand lêzen, en ik bin dêr sa goed as wis fan, al soene wy in abbekaat rieplachtsje moatte om it foar de folle hûndert prosint seker te krijen. Jo hawwe gelyk dat oare talen dizze spesifike foto's net hawwe, mar bgl. de Ingelske Wikipedy hat wol oare foto's mei copyright, lykas hjirre of hjirre, en dêr wurdt dan in fair use-ferantwurding foar jûn dy't fierhinne oerienkomt mei de ferantwurding dy't iksels hieltyd jûn haw by de oangeande ôfblylden.

It giet by dizze foto's inkeld om lju wêrfan't gjin rjochtefrije ôfbylden beskikber wiene. Ik haw mei opsetsin de foto's sterk ferlytse, sadat de ôfbylden eins nearne oars mear ta tsjinje kinne as de identifikaasje fan 'e persoan dêr't it om giet. Ik foarsjoch gjin gedonder (of it moat wêze mei behearders fan Wikimedia sels), ek al net om't by de "moaie mokkels" de rjochtehawwende graach jild fertsjinje wolle en dit is yn prinsipe foar harren in foarm fan gratis publisiteit is. Mar mochten se der al beswier tsjin meitsje en se sommearje ús om harren ôfbyld(en) fuort te heljen, dan dogge we dat gewoan. Dat is it moaie mei de Wikipedy: it kin altyd wer oars. Ieneach fan 'e Esk (oerlis) 25 mrt 2015, 21.31 (CET)

Ynfoboksen

Goeie, Drewes. It sil jo net ûntgien wêze dat ik de lêste pear wike dwaande west haw om alle troch mysels oanmakke of redigearre siden oer persoanen fan in ynfoboks te foarsjen. Dat wie eins wat jo skuld ;-) Want doe't ik ienris dy ynfoboks foar akteurs oanmakke hie, haw ik nammentlik besletten om ek de ynfoboks foar pornoakteurs te ferfangen troch in betteren-ien, en doe't ik dêrmei klear wie, tocht ik fan "wêrom akteurs wol en oare lju net?" Dat sadwaande.

Mar goed, ik haw de ôfrûne tiid dus in stik as wat ynfoboksen foar persoanen oanmakke, en ik tocht dat jo der miskien belang by hawwe soenen as ik dy even op in rychje sette. Jo hoege se fansels net te brûken, dat moatte jo hielendal sels witte, en ik wol jo neat opdringe, mar foar it gefal dàt:

• Berjocht:Akteur
• Berjocht:Artyst of kabaretier
• Berjocht:Keunstner
• Berjocht:Model
• Berjocht:Pornoakteur (dy haw ik mar brûkt foar iderien yn 'e seksyndustry)
• Berjocht:Regisseur of produsint
• Berjocht:Sjonger of muzikant
• Berjocht:Ynfoboks skriuwer (in besteande ynfoboks fan MeinRei dy't ik wat oanpast haw)
• Berjocht:Ynfoboks sporter (dizze bestie ek al)
• Berjocht:Telefyzje- of radiopersoanlikheid
• Berjocht:Dyn koart (foar politisy en sa; wêr't de namme op slacht, dat wit ik ek net: dizze ynfoboks bestie al en haw ik in skoft lyn wat oanpast)
• Berjocht:Persoan algemien (foar iderien dy't net yn ien fan 'e boppesteande boksen past)

As it nypt is it ek mooglik om twa ynfoboksen ûnderinoar te setten mei in wrapper deromhinne, sa't ik bgl. dien haw by Jan Terlouw, dy't ommers sawol politikus as skriuwer is. Groetnis, Ieneach fan 'e Esk (oerlis) 7 apr 2015, 21.41 (CEST)

Deensk Fryslân

By my stiet: "Wêr stiet dat it gebiet tusken de Dútske grins en de Deenske stêd Tønder hjoed-de-dei as Deensk Fryslân "formalisearre" is? Groetnis, Drewes (talk) 11 jul 2014, 23.54 (CEST)"

Mei wat sykjen haw ik fûn dat dat yn Deensk Fryslân stiet, en dat ik it dêr del setten haw as oanpassing fan de absolúte ferzje fan Kening. Oan de iene kant begryp ik wêrom: It is net sa dat der fierders hielendal gjin Friezen op de fêstewal fan Denemark wenne hawwe, al wurdt der bûten oer dat iene gebiet net in soad oer skreaun. Oan de oare kant wit ik net wêrom ik krekt dat wurd brûkt haw: Faaks haw ik dat út de Dútske ferzje oernaam, mar dy is der net mear, dat dat is sa net nei te sjen. De kearn liket te wêzen dat der in ingere oantsjutting is, njonken skiednis oer in wider gebiet. At der foar de krekte formulearing gjin boarne te finen is dan is it ek goed at it oars ûnder wurden brocht wurdt. Mysha (oerlis)

Foto

Goeie aksje, Drewes! Ieneach fan 'e Esk (oerlis) 23 apr 2015, 21.24 (CEST)

Giorgio Demetrio Gallaro

Gooe evening dearest Drewes, how are you?

I just opened this little page, and I ask 5 minutes of your pacience to read it and correct my mistakes, please.

I'll be ready to opena a page for you in Italian o Portuguese! Thansk a lot for your precious time!

Rei Momo (oerlis) 23 apr 2015, 23.52 (CEST)

Thank youuuu!!! Have a nice day! Rei Momo (oerlis) 24 apr 2015, 10.41 (CEST)

Ik haw Rei Momo frege in Italjaansk artikel oan te meitsjen oer Fedde Schurer. Benijd wat derfan komt. Ieneach fan 'e Esk (oerlis) 24 apr 2015, 14.42 (CEST)

Tsjek.

No problem!!!

Dearest Ieneach fan 'e Esk, suuuuuure, give me 24-36 hours and I'll open the page about Fedde Schurer in Italian Wikipedia, no problem!!!

But, sorry, I don't remeber to have requested you to open the page about Frank Christoph Schnitzler on the Frisian Wikipedia, but no probem!

See you soon

Rei Momo (oerlis) 24 apr 2015, 17.21 (CEST)

At it goed beteard moatte wy dizze man yn eare hâlde. Drewes (oerlis) 24 apr 2015, 17.36 (CEST)

A suprise for you!!!

For you and for our friend Ieneach fan 'e Esk

Rei Momo (oerlis) 24 apr 2015, 18.18 (CEST)

No, kreas net? Ieneach fan 'e Esk (oerlis) 24 apr 2015, 18.46 (CEST)

No problem, my dear! In some hours I'll opena a little stub in Portuguese. And 3-4 days in French!!! Rei Momo (oerlis) 24 apr 2015, 18.46 (CEST)

Click here, yeaaahhh!!! See you soon. Rei Momo (oerlis) 24 apr 2015, 19.25 (CEST)

A little surprise...

Good night!!! :-) Rei Momo (oerlis) 24 apr 2015, 23.44 (CEST)

No, eare wa't eare takomt, fine jo ek net, Drewes? Hy is my oars wat te familiêr yn syn praat, mar it is in warber man, dat moat ik him neijaan. Ik hie him inkeld om in stikje yn it Italjaansk oer Schurer frege, en no hat er ek siden yn it Portegeesk en it Frânsk oanmakke. Sa binne der hjoed fjouwer siden oer âld Fedde bykommen, want ik hie in stikje foar Rei Momo yn it Ingelsk skreaun, en doe tocht ik, dan set ik dat mei-iens ek mar op 'e Ingelske Wikipedy, dat sadwaande. In slagge dei. Ieneach fan 'e Esk (oerlis) 24 apr 2015, 23.54 (CEST)

A little surprise... 2

See you soon Rei Momo (oerlis) 25 apr 2015, 00.37 (CEST)

A little surprise... 3

I've already asked to 3 Wikifriends to correct the mistakes. See you soon Rei Momo (oerlis) 25 apr 2015, 22.52 (CEST)

Don't say this, please... this it what's mean for me Wikipedia. I don't need Facebook, I have my e-mail and Wikipedia! :-))) Rei Momo (oerlis) 25 apr 2015, 23.13 (CEST)

A little surprise... 4

See you soon! Rei Momo (oerlis) 27 apr 2015, 00.10 (CEST)

A little surprise... 5

See you soon!!! Rei Momo (oerlis) 27 apr 2015, 10.53 (CEST)

A little surprise... 6

Have a nice day! Rei Momo (oerlis) 28 apr 2015, 11.37 (CEST)

A little surprise... 7

And now.... I'm taking a little relax. See you soon!!! Rei Momo (oerlis) 28 apr 2015, 15.31 (CEST)

A little surprise... 8

Oh, nooooo, I found some minutes to open also this new page... :-) Rei Momo (oerlis) 28 apr 2015, 17.57 (CEST)

And now, a Russian surprise: Фэддэ Скайрер

Yeaaahhhhhh, I sayd thanks in your name to our Chuvashian Wikifriend Viktor, I'm very happy to help you!!!

Rei Momo (oerlis) 28 apr 2015, 20.50 (CEST)

No problem!

... but my work isn't yet ended! Rei Momo (oerlis) 30 apr 2015, 11.00 (CEST)

And now a Chuvashian surprise: Фэддэ Скайрер

Hi, Rei Momo! Hello Frisian friends! You are welcome. Viktor (сӳтсе явни) 04:52, 29 Ака уйăхĕн 2015 (UTC)

The last surprise!!!

See you soon!!! Rei Momo (oerlis) 1 maaie 2015, 13.02 (CEST)

Fedde Schurer: stop! But...

Dearest Drewes, I tried to open this other page, and ask our wikifriends Massimiliano and Syrio to help us to correct it. Let's wait a little....

And sse you soon!!!

Rei Momo (oerlis) 1 maaie 2015, 16.56 (CEST)

Watse Cuperus 2

Hi dearest Drewes, how are you? I continue my way... :-) Rei Momo (oerlis) 2 maaie 2015, 23.52 (CEST)

Watse Cuperus 3

Se youuuuuuuuuuuuu Rei Momo (oerlis) 3 maaie 2015, 00.47 (CEST)

Watse Cuperus 4

See youuuuuuuuuuuuu Rei Momo (oerlis) 4 maaie 2015, 23.22 (CEST)

Watse Cuperus 5 and Watse Cuperus 6

Good morning!!! Rei Momo (oerlis) 5 maaie 2015, 09.41 (CEST)

Watse Cuperus 7

Have a nice week end!!! Rei Momo (oerlis) 9 maaie 2015, 17.43 (CEST)

T-shirt barnstar

Beste Drewes, ik heb je genomineerd voor een T-shirt. Bedankt voor je bijdragen aan Wikimedia! Met vriendelijke groet, Taketa (oerlis) 7 maaie 2015, 15.07 (CEST)

Benedicta Boccoli

Dearset Dewes, how are you?

I put 2 new pictures on this page, with permission of mrs Boccoli, please, do you have 3 minutes to translate them? Grazie mille for your precious help! Rei Momo (oerlis) 8 maaie 2015, 16.11 (CEST)

Grazie mille for the pictures!!! Rei Momo (oerlis) 8 maaie 2015, 16.50 (CEST)

Taksis, fansels!

Jawis, Drewes, it moat taksis wêze. Dat wit ik oars ek wol, mar ik haw der hielendal oerhinne lêzen... Moai dat der dan ien is dy't der ek nochris eefkes in each oer gean lit. Tige tank. Ieneach fan 'e Esk (oerlis) 28 maa 2015, 18.45 (CEST)

You have been nominated for a gift from the Wikimedia Foundation!

You have been selected to receive a merchandise giveaway. Click the following link for more details: https://meta.wikimedia.org/wiki/Merchandise_giveaways/Nominations. Please send me an email (jmatthews@wikimedia.org) for instructions on how to claim your shirt. Thank you again for all you do! --JMatthews (WMF) (oerlis) 16 jun 2015, 08.40 (CEST)

Brigitta Boccoli

Dearest Drewes, how are you?

I'm proposing to you and to our dearest friend Ieneach fan 'e Esk (oerlis) this new page. She's the sister of the wonderful Benedicta Boccoli. There are just:

• To translate a line from English
• The new adjective Laziysk (from Lazio) that I son't know how to write in Frysk

Thanks a lot for your precious help, and see you soon!!!

Rei Momo (oerlis) 21 jun 2015, 19.14 (CEST)

Thank youuuuuu!!! And about Lazio people? :-) Rei Momo (oerlis) 21 jun 2015, 19.47 (CEST)

Ynfoboks loftfeartmaatskippij

Goejûn Drewes, soene jo ris sjen wolle nei de ynfoboks foar loftfeartmaatskippijen dy't ik hjoed oanmakke haw? It wol mar net slagje, dat ik tocht miskien witte jo dêr mear oer? (Mathys1995 (oerlis) 19 jul 2015, 20.20 (CEST))

It is al slagge, Drewes! (Mathys1995 (oerlis) 20 jul 2015, 17.06 (CEST))

Tagelyk bewurke

No, Drewes, dat spyt my al. Dat wie fansels myn bedoeling net. Myn ûntskuldigings. Mar ik haw dat ek alris in pear kear hân, en doe krige ik itselde (of in soartgelikens) berjocht, mar doe't ik in stik nei ûnderen scrollde, stie der noch in ramt mei tekst, mei dêrboppe de titel "Jo tekst:" -- en dêrûnder stie yndie myn tekst. Um, ik wie no fan doel om te freegjen oft dat by jo dan net sa wie, mar dat sille jo no wol net mear neigean kinne. As it soks ûnferhoopt nochris bart, is dat miskien wat om nei te sjen.

Fierders haw ik noch in oanrieder foar jo. Ik wol my fansels net mei oarmans wurkwize bemuoie; hoe't jo soks oanpakke, moatte jo úteinlik sels witte. Mar as ik in lang stik tekst yn it wurkramt fan 'e Wikipedy skriuw of bewurkje, dan kopiëar ik it foar't ik op 'e knop "Side bewarje" klik earst even nei Word ta, sadat ik it hoe dan ek net kwytreitsje kin. Dat kin in hiel soad lijen foarkomme. Mar goed, dêr hawwe jo op dit stuit even neat oan. Nochris myn ûntskuldigings. Ieneach fan 'e Esk (oerlis) 27 jul 2015, 17.38 (CEST)

"Mount Rusmore" en nij flachje

Goeie Drewes. Ik ha in lytse staveringsflater fûn op dizze side. Kinsto "Mount Rusmore" feroarje nei "Mount Rushmore"? De side is befeilige. En kinsto ek it flachje feroarje yn in yts moaiere fektorferzje? Robin van der Vliet (oerlis) (bydragen) 26 aug 2015, 18.46 (CEST)

Thank you! A gift from fellow Wikipedians

Hi Drewes,

You have been nominated to receive a free t-shirt from the Wikimedia Foundation through our Merchandise Giveaway program (https://meta.wikimedia.org/wiki/Merchandise_giveaways). Congratulations and thank you for your hard work!

Please email us at merchandise@wikimedia.org and we will send you full details on how to accept your free shirt.

Thanks!

De Koerier

Hallo Drewes, aangezien deze krant niet meer verdeeld wordt, kan dit worden aangepast (ik bedoel ondermeer de link naar de website)? Lotje (oerlis) 20 sep 2015, 10.53 (CEST)

Star Wars

Thank you for reparing my article! If you're ever interested in writing more Star Wars articles, please visit Jedipedy. -XQV- (oerlis) 18 okt 2015, 11.35 (CEST)

Mario Beccaria

Hi, dearest Drewes, ho are you? Me a little sad, because from last 4 augustus my father is gone unto the Heaven, :-(... He was dokter, and 85 y.o.

But I go on, with my life... and with Wikipedia! Please, I ask you to read this new little page I opened, just 5 minutes, and translate the 2-3 lines from German.

Thanks a lot for your precious help! I'll be pleased to help you in Italian or Portuguese. See you soon

Rei Momo (oerlis) 22 okt 2015, 15.12 (CEST)

Thank youuuuuuuuu !!! Rei Momo (oerlis) 22 okt 2015, 17.42 (CEST)

Grazie mille for the help and for your force!!! Rei Momo (oerlis) 22 okt 2015, 18.22 (CEST)

Flower of the month

Dianthus carthusianorum

Hi Drewes .

For your huge efforts on Fryske Wikipedy I want to present you the flower of the month.

Best regards, --Holder (oerlis) 1 nov 2015, 17.07 (CET)

Vraagje

Ik ben op zoek naar iemand die goed Fries kan schrijven, en jouw naam kwam al snel naar boven IvarSnaaijer (oerlis) 3 nov 2015, 23.21 (CET) Een vertaling van Engels naar Fries, mijn naam in combinatie met gmail levert een accuraat e-mailadres.

Antonio Napolioni

Hi, dearest Drewes, how are you? Me so and so, here arrived cold, very cold!

I've opened this page now, and I ask 5 minutes of your time to correct it and just translate the 2 lines I put in English. Please, telle me also if it's correct the new category I put; I want to say People from Markee, the same of Lombardysk persoan for people from Lombardije.

Thanks a lot for your precius help and pacience!

Rei Momo (oerlis) 25 nov 2015, 11.49 (CET)

Middeltrimdiel

Ik hie eins mei sin dy keppelings nei de wenplakken net opnaam, om't it âldere buorren wienen as de hjoeddeiske wenwiken. Mysha (oerlis)

Ongewerveld

Goeie, Drewes. Dêr haw ik sels ek alris mei wraksele. Ik moast even sykje, mar ik sjoch dat ik der doe "wringeleazen" fan makke haw. Ieneach fan 'e Esk (oerlis) 14 des 2015, 18.17 (CET)

Mjitten

Ik sjoch der is no in bridte by it printsje fan Leginde. No doch ik dat ornaris net, om't de printsjes dan net meiferoarje at de lêzer in oare ferstekgrutte ynstelt. Is der in grûn op soks al te dwaan? Mysha (oerlis)

Sjoch, foar my, mei myn ynstellings, is it printsje krekt lytser wurden, yn stee fan grutter. At it allinnich foar josels is, dan soenen jo eigen ynstellings faaks in oplossing wêze. En oars soenen wy ris sjen moatte at wy soks wikibreed ek oars ynstelle kinne. Fierders in Noflike Kryst tawinske. (De skoalle giet ticht mei in healoere.) Mysha (oerlis)

Myn ynstelling foar miniatueren is op it stuit 300px. Dat, at der 250px fan makke wurdt, wurde de miniatuer lytser. De mjitten fan miniatueren binne mei opset sin in persoanlike ynstelling, dat elts de miniatueren grutter as lytser meitsje kin, krekt sa't hja it sels wolle. Lykwols wurde de mjitten fêst ynsteld at dy yn de sidetekst opnaam wurde. Dat, at wy mjitten foar in miniatuer jouwe, soe dat eins allinnich wêze moatte om in grûn dy't foar alle lêzers jildt. En Folle Lok en Seine, fansels. Mysha (oerlis)

Sjoch, dat by Surhústerfean, dêr't de mjitten net gelyk wienen, gong ek fansels goed at de mjitten fan de miniatueren brûkt waarden. Wat is no de grûn om der dochs wer mjitten by te setten? Mysha (oerlis)

Merry Christmas and Happy 2016!!!

Rei Momo (oerlis) 24 des 2015, 21.10 (CET)