Mary Arden

Ut Wikipedy
Mary Arden
Aansichtkaart mei Mary Arden en in jonge William
Aansichtkaart mei Mary Arden en in jonge William
persoanlike bysûnderheden
nasjonaliteit Ingelsk
berne ±1537
berteplak Wilmcote (Ingelân)
stoarn 1608
stjerplak Stratford-upon-Avon (Ingelân)
etnisiteit Ingelsk
wurkpaad
berop/amt húsfrou
reden
  bekendheid
mem fan de toanielskriuwer
   William Shakespeare

Mary Arden1537-1608) wie de mem fan 'e wiidferneamde Ingelske toanielskriuwer en dichter William Shakespeare. Hja wie de jongste fan 'e acht dochters fan Robert Arden út Wilmcote, in katolyk dy't mear as ien kear troud wie (syn twadde frou hiet fan Agnes Hill).

Komôf[bewurkje seksje | boarne bewurkje]

Mary har famylje, de Ardens, wiene al foàr de Normandyske Ferovering fan Ingelân, yn 1066, ien fan 'e rykste en meast foaroansteande geslachten yn it greefskip Warwickshire, en harren besittings waarden dan ek al fermeld yn it Domesday Book (1086). Ien fan Mary har foarfaars, in Thomas Arden, focht yn 'e trettjinde iuw yn 'e Twadde Baronne-oarloch (1263-1264) oan 'e kant fan Simen fan Montfort en de baronnen tsjin kening Hindrik III. In oaren wie Robert Arden, dy't yn 'e fyftjinde-iuwske Roaze-oarloggen meifocht, en wer in oaren John Arden, dy't ien fan 'e hôvelingen fan kening Hindrik VII wie.

Mary Arden har Hûs, yn Wilmcote.

Libben[bewurkje seksje | boarne bewurkje]

Oer Mary Arden har libben is net folle bekend. Doe’t Robert Arden yn desimber 1556 stoar, liet er Mary wat jild nei, en wat wichtiger wie, har kaam ek de pleats en al it lân ta. Dat wie fansels in moaie breidsskat foar har houlik mei de moffemakker John Shakespeare, dat yn 1557 sletten waard yn Stratford-upon-Avon, doe't Mary tweintich jier wie. Richard Shakespeare, John syn heit, wie pachtboer op lân fan 'e Ardens te Snitterfield. As de dochter fan Richard syn lânhearre is it tige wol mooglik dat Mary John har hiele libben al koe.

John en Mary krigen acht bern, lyk om lyk ferdield yn soannen en dochters: Joan (1558-1558), Margaret (1562-1563), William (1564-1616), Gilbert (1566-1612), Joan (1569-1646), Anne (1571-1579), Richard (1574-1613) en Edmund (1580-1607). Sa't út 'e jiertallen bliken docht, oerlibben trije fan 'e famkes de bernejierren net. De namme Joan waard letter op 'e nij brûkt, krekt sa't yn Fryslân oant fier yn 'e tweintichste iuw ek wenst wie nei it ferstjerren fan in bern.

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.

wurken fan Shakespeare
Shakespeariaanske trageedzjes
Antonius en Kleopatra | Hamlet | Julius Caesar | Kening Lear | Koriolanus | Macbeth | Otello | Romeo en Julia | Symbelinus | Timon fan Atene | Titus Androanikus | Troilus en Kressida
Shakespeariaanske histoaryske stikken
1 Hindrik IV | 2 Hindrik IV | Hindrik V | 1 Hindrik VI | 2 Hindrik VI | 3 Hindrik VI | Hindrik VIII | Kening Jan | Richard II | Richard III
Shakespeariaanske komeedzjes
Ein Goed, Alles Goed | De Fekke Nuet | De Fleurige Wyfkes | Folle Spul om Neat | Kardenio (ferlern gien) | De Keapman fan Feneesje | In Komeedzje Fol Fersinnen | Leafde's Lêst Al Leanne (ferlern gien) | Leafde's Lêst Net Leanne | Lyk om Lyk | In Midsimmernachtdream | Nei Jim Beleavjen | Perikles, Prins fan Tyrus | Symbelinus | De Stoarm | Trijekeningejûn | De Twa Aadlike Neven | De Twa Eallju fan Verona | It Winterjûnsteltsje
Shakespeariaanske poëzij
De Feniks en de Toartel | Fenus en Adoanis | De Hertstochtlike Pylger (foar in diel) | De Klaachsang fan in Minneresse | De Rôf fan Lukresia | Sonnetten (1 • 17 • 18)
Shakespeariaanske apokrifa
gedichtenIn Begraffenistreurdicht | De Hertstochtlike Pylger (foar in diel) | Oan de Keninginne | Sil Ik Stjerre | toanielstikkenArden fan Faversham | De Berte fan Merlyn | Edmund Izerkant | Edwert III | De Ferlerne Soan fan Londen | De Fleurige Duvel fan Edmonton | Hear Thomas Cromwell | John Oldcastle | Lokrinus | Musedoarus | Oer-Hamlet (ferlern gien) | De Puriteinske | Thomas More | Tomas fan Woodstock | In Trageedzje yn Yorkshire | Tsjeppe Em, de Moolnersdochter fan Manchester | De Twadde Trageedzje fan de Faam
oare ûnderwerpen oangeande Shakespeare
Mary Arden | Double Falsehood | First Folio | Fryske Shakespeare Stifting | Anne Hathaway | Teatse Eeltsje Holtrop | Douwe Kalma | King's Men | Lord Chamberlain's Men | Hamnet Shakespeare | John Shakespeare | Judith Shakespeare | Susanna Shakespeare | Shakespeare in Love | Shakespeariaansk auteurskipsdebat | Stationers' Register | Stratford-upon-Avon | Tryater