Apesanahkwat

Ut Wikipedy
Jump to navigation Jump to search
Apesanahkwat
Filmklapper.png akteur
persoanlike bysûnderheden
echte namme Melvin Chevalier[1]
nasjonaliteit Flag of the United States.svg Amerikaansk
berne 19 jannewaris 1949[2]
berteplak Keshena (Wiskonsin)[3]
etnisiteit Flagge fan de Menominy Naasje.png Menominy (Menominee)[3]
jierren aktyf 1985 – no[3]
offisjele webside
gjint

Apesanahkwat (útspr.: [a:pɛ'sa:nəkʷat], likernôch: "aa-peh-saa-neh-kwat";[1] berne as: Melvin Chevalier;[1] Keshena (Wiskonsin),[3] 19 jannewaris 1949)[2] is in Amerikaansk politikus, akteur en tradisjoneel dûnser fan Yndiaansk komôf.[3]

Libben en karriêre[bewurkje seksje | boarne bewurkje]

Jonkheid[bewurkje seksje | boarne bewurkje]

Apesanahkwat waard yn 1949[2] as Melvin Chevalier[1] berne yn Keshena, yn it Menominy Yndianereservaat yn 'e Amerikaanske steat Wiskonsin.[3] Hy is in etnyske Menominy (Menominee).[3] Under de Fjetnamoarloch wied er as marinier fan it Amerikaanske Marinierskorps by de aktive striid yn Fjetnam belutsen.[3]

Politike karriêre[bewurkje seksje | boarne bewurkje]

Neitiid tsjinne Apesanahkwat acht terminen as stammefoarsitter fan 'e Menominy Naasje, in Yndiaanske stamme-organisaasje yn 'e Feriene Steaten mei federaal erkenning.[3][4][5] Dat in foarsitter sân kear werkeazen waard troch de leden fan 'e stamme wie noch nea earder foarkommen.[3] It wie ûnder syn stammefoarsitterskip fan 'e Menominy Naasje, dat Apesanahkwat yn 'e twadde helte fan 'e 1980-er jierren syn 'blanke' namme Melvin Chevalier ôflei en de Yndiaanske namme Apesanahkwat oannaam.[1]

As stammefoarsitter toande Apesanahkwat himsels sawol in beskermer fan 'e oerâlde tradysjes fan syn folk, as in progressyf aktivist dy't stried foar de rjochten en it wolwêzen fan 'e Yndianen.[3] Hy is in bejeftige orator, dy't doe en no mei syn taspraken oer de politike en sosjale sitewaasje fan 'e Yndianen besiket de lânseigen talen, kultuer en religyen fan 'e Yndianen te behâlden en, sa nedich, nij libben yn te blazen.[3] As stammefoarsitter wie Apesanahkwat fierders in grut befoarderder fan ûnderwiis, en net wurch te krijen as bestrider fan bindes, smoken, drugs en alkoholisme.[3] Ek wurdt er rûnom beskôge as ien fan 'e driuwende krêften efter de Indian Gaming Regulatory Act (IGRA), dy't gokken yn 'e Yndianereservaten tastie. Sûnt de oanname fan dy wet, yn 1988, hawwe in soad Yndianstammen harren minne ekonomyske tastân witten te ferbetterjen troch de bou fan kasino's.[3]

Aktearkarriêre[bewurkje seksje | boarne bewurkje]

Apesanahkwat makke yn 1985 syn debút as akteur, mei in gastroltsje as tolk yn 'e ôflevering Annie Oakley fan 'e tillefyzjesearje Tall Tales & Legends.[3] Yn 1987 wied er foar it earst op it wite doek te sjen, mei de rol fan sheriff Arnie yn 'e film Bagdad Cafe.[3] Yn 'e 1990-er jierren hie Apesanahkwat gastrollen yn ôfleverings fan û.m. de westernsearje Harts of the West, de plysjesearje Walker, Texas Ranger, en de science fictionsearje Babylon 5. Ek wied er fan 1993 oant 1995 te sjen yn 'e weromkearende rol fan Lester Haines yn fiif ôfleverings fan 'e searje Northern Exposure, en fertolke er yn 1997 de rol fan Bloody Knife yn 'e tillefyzjefilm Stolen Women: Captured Hearts.[3]

Fierders hie Apesanahkwat rollen as in senator yn in ôflevering fan North of 60, in kaptein yn 'e tillefyzjefilm Skinwalkers, en in plysjeman yn 'e tillefyzjefilm Helter Skelter. Hy hie gastrollen yn 'e plysjesearje Longmire en de misdiesearje Ray Donovan.[3] Ek spile er yn films as Sioux City (1994), Lady in the Box (2001), The Reawakening (2004), The Rain Makers (2005) en Nightbeasts (2010). By dy lêste film waard er op 'e ôftiteling fernijd as "Apesanahquat".[3] Yn 2017 fertolke Apesanahkwat de rol fan 'e skoanheit fan haadpersoan Cory Lambert (spile troch Jeremy Renner) yn 'e neo-western Wind River.[3]

Oare aktiviteiten[bewurkje seksje | boarne bewurkje]

Apesanahkwat is ek in tradisjoneel Yndiaansk dûnser, dy't dielnimt oan powwows yn 'e hiele Feriene Steaten en Kanada.[3] Hy is in kriger fan 'e twadde rang fan 'e Midewiwin, it Grutte Medisyngenoatskip fan 'e Algonkwynske folken yn 'e krite fan 'e Grutte Marren.[3]

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:
  1. 1,0 1,1 1,2 1,3 1,4 Imrie, Robert, Mystery Shrouds Reservation Suicide, Investigation Continues, op APNews, 23 maart 1990.
  2. 2,0 2,1 2,2 Biografyske gegevens oer Apesanahkwat.
  3. 3,00 3,01 3,02 3,03 3,04 3,05 3,06 3,07 3,08 3,09 3,10 3,11 3,12 3,13 3,14 3,15 3,16 3,17 3,18 3,19 3,20 3,21 Folsleine filmografy fan Apesanahkwat yn 'e Internet Movie Database (IMDb).
  4. ——, Apesnahkwat re-elected Menoninee chairman, yn: The Shawano Leader, 12 febrewaris 2000.
  5. Healy, Jack, From 280 Tribes, a Protest on the Plains, yn: The New York Times, 11 septimber 2016