Stasjon Snits

	Stasjon Snits; station Sneek
	Stasjon Snits (2007)
	lokaasje
lân	Nederlân
Provinsje	Fryslân
Gemeente	Súdwest-Fryslân
plak	Snits
adres	Dr. Boumaweg
koördinaten	53° 2' NB, 5° 39' EL
	arsjitektuer
stasjonskoade	Sk
type	Standerttype Snits
iepening	16 juny 1883
arsjitekt	M.A. van Wadenoijen
monumintale status	Ryksmonumint
monumintnûmer	514104
	oare ynformaasje
perrons	2
perronspoaren	2
spoarline	Spoar fan Ljouwert nei Starum
	Stasjon Snits (2023)
	offisjele webside
	NS stasjonsynformaasje
	kaart
	;

Stasjon Snits is it stasjon yn de stêd Snits. It stasjon is iepene tagelyk mei de iepening fan it earste part fan it spoar fan Ljouwert nei Starum (16 juny 1883). Snits wie doe noch it einpunt. Twa jier letter, op 8 novimber 1885, wie it spoar oan Starum ta klear.

It stasjonsgebou fan Snits is net unyk yn syn soarte. It stasjonûntwerp wurdt ek wol Standerttype Snits neamd en waard yn de jierren 80 fan de 19e iuw brûkt foar fiif Nederlânske spoarstasjons. Hjirfan binne noch trije oer. De oerkaping fan dit stationstype wie foar elk stasjon lyk. Korintyske pylders fan getten izer ûnderstypje in houten kape, dy't de lingte fan it gebou beslacht.

Yn 1921 waard in ferbiningsbôge oanlein tusken Stasjon Snits en de Tramline Snits - Boalsert fan de Nederlânske Tramwei Maatskippij, dat frachtweinen fia de tramline trochfierd wurde koenen. Dy tramline waard nei 1947, neidat it stasjon oan de tramline ferfallen wie, fia it emplassemint fan it NS-stasjon betsjinne. De tramline waard yn 1968 opheft en koart dêrnei opbrutsen.

Yn de jierren sechtich krige de is it stasjon ferboud. Der kaam in luif oan de foargevel, nei de winst en styl fan dy tiid. Ek is doe de houten kape fernijd/renovearre.

Hast alle stasjons yn de noardlike provinsjes hawwe tsjintwurdich gjin stasjonfoarsjennings mear, dy fan Snits ek net. Nei sluting fan it loket en stasjonsrestauraasje Het Station (noch yn de tiid fan de NS), hat it gebou in skoft leech stien. De nije spoarferfierder (NoordNed, tsjintwurdich Arriva) hie gjin belangstelling foar it weriepenjen fan in loket yn it gebou.

Yn july 2004 is it gebou, datearjend fan 1882, restaurearre, dêr't ûnder oare de ûnsjogge 'jierren 60-luifel' by weihelle is. Dêrnei fêstige it Nasjonaal Modelspoar Museum him yn de destiidske stasjonsrestauraasje. It museum waard op 29 jannewaris 2005 iepene troch de destiidske kommissaris fan de Keninginne fan Fryslân en treinleafhawwer Ed Nijpels. Yn it gebou siet ek de Taksysintrale Snits, dy 't yn dy tiid it loket weriepene hat.

Yn 2007 waarden plannen útskreaun foar de ûntwikkeling fan Stoom Stêd Snits, in pretpark om it tema 'stoom'. Underdiel hjirfan wie ûnder mear de stoomtrein Snits-Starum; de line soe eksploitearre wurde troch de Fryske Stoomtrein Maatskippij (FStM). Stoomstêd siet fuort súdwest fan stasjon Snits; it hie medio 2012 iepen moatten, mar it is der net fan kaam.

Alde ôfbylden

Stasjon Snits om en de by 1905
Wachtkeamer 1e en 2e klasse (1941)
Stasjon Snits yn 'e winter fan 1971
Ynterieur fan stasjon Snits mei de loketten yn 'e hal (1971)
Waadrinner-treinstel oan it twadde perron. (2007)
Locomotor NS 323, Njonken it Stasjonsgebou (2007)

Sjoch ek

Frachtstasjon Snits

Boarnen, noaten en referinsjes

Boarnen, noaten en/as referinsjes:

Wikimedia Commons

Ofbylden dy't by dit ûnderwerp hearre, binne te finen yn de kategory Stasjon Snits fan Wikimedia Commons.

	Spoarstasjons yn Fryslân
Hjoeddeiske stasjons: Akkrum \| Bûtenpost \| Deinum \| Drylts \| Dronryp \| Feanwâlden \| Frjentsjer \| Grou-Jirnsum \| Harns \| Harns-Haven \| It Hearrenfean \| Hylpen \| Hurdegaryp \| Koudum-Molkwar \| Ljouwert \| Ljouwert-Kammingabuorren \| Mantgum \| Snits \| Snits-Noard \| Starum \| Warkum \| De Westereen \| Wolvegea
Eardere stasjons (Steatslinen): Ljouwert - Achter de Hoven \| It Hearrenfean-Iisstadion
Takomstige stasjons (Steatslinen): Ljouwert-Werpsterhoeke
· ·